Tutón nastawk wujasnja, kak móžeće stronu nastajić, kotraž so wočinja, hdyž Firefox startujeće, na tłóčatko startoweje strony w symbolowej lajsće abo wočińće nowe wokno.

Wašu startowu stronu přez tłóčatko startoweje strony nastajić abo změnić

1. Wočińće webstronu, kotruž chceće jako swoju startowu stronu wužiwać.
2. Ćehńće a pušćće tón rajtark na tłóčatko startoweje strony na swojej symbolowej lajsće (po standardźe nalěwo).

   

3. Klikńće na Haj, zo byšće tutu stronu jako swoju startowu stronu postajił.

Wašu startowu stronu přez nastajenja Firefox nastajić

1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko a wubjerće Nastajenja.
2. Klikńće na Startowa strona.
   
3. Klikńće na menijowy tekst pódla Startowa strona a nowe wokna a wubjerće mjez standardnej stronu Firefox, swojskimi URL abo prózdnej stronu.

Wjacore strony jako wašu startowu stronu nastajić

Móžeće skupinu stronow jako swoju startowu stronu nastajić. Wočińće kóždu stronu w separatnym rajtarku, wubjerće Swójske URL… we wuběranskim meniju Startowa strona a nowe wokna a klikńće na Aktualne strony wužiwać.

Maće problemy?

My mamy rozrisanja:

• Jeli stajnje zdźělenku „Firefox je so zaktualizował“ dóstawaće, hdyž Firefox startujeće, hlejće nastawk Rajtark "Firefox je so zaktualizował" so při kóždym starće pokazuje.
• Jeli so waše nastajenja za startowu stronu njeskładuja, hlejće Nastajenja so njeskładuja.
• Jeli tłóčatko startoweje strony njewidźiće, čitajće Wodźenske elementy, tłóčatka a symbolowe lajsty w Firefox přiměrić.
• Jeli je so waša startowa strona přez cuzy program wobwliwowała abo awtomatisce změniła, hlejće Symbolowe lajsty wotstronić, kotrež su waše pytanje Firefox a wašu startowu stronu změnili.

• Rozšěrjenje móže wašu startowu stronu kontrolować. Za dalše informacije hlejće Rozšěrjenje je wašu stronu noweho rajtarka změniło.