Rozšěrjenja (tež jako přidatki znate) su małe programy, kotrež móžeće instalować, zo byšće Firefox funkcije přidał. Někotre rozšěrjenja móža kontrolu nad startowu stronu přewzać (kotruž widźiće, hdyž Firefox startujeće, nowe wokno wočinjeće abo na symbol startoweje strony w symbolowej lajsće klikaće) abo nad stronu noweho rajtarka (kotruž widźiće, hdyž nowy rajtark wočinjeće). Jeli so to stawa, budźe so was Firefox prašeć, hdyž jón prěni raz wočinjeće, hač změna je w porjadku.

Rozšěrjenje pokazać a znjemóžnić

1. NastajenjaNastajenjaNastajenja
2. Klikńće na Startowa strona.
3. Pod Nowe wokna a rajtarki so podawa, kotre rozšěrjenje je wašu startowu stronu abo stronu noweho rajtarka změniło.

   

4. Klikńće na Rozšěrjenje znjemóžnić, zo byšće tomu zadźěwał, zo rozšěrjenje wašu startowu stronu abo stronu noweho rajtarka znowa měnja. Strona so k prjedawšemu nastajenju wróći. Zo byšće swoju startowu stronu znowa změnił, hlejće Startowu stronu postajić.

Rozšěrjenje wotstronić

1. Klikńće na menijowe tłóčatko , potom na Přidatki a drasty a wubjerće Rozšěrjenja.
2. Pytajće pod Waše rozšěrjenja rjadować rozšěrjenje, kotrež chceće wotstronić.
3. Klikńće naprawo pódla rozšěrjenje na meni (třidypkowy symbol) a wubjerće Wotstronić.