Přidatki wam zmóžnjeja, Firefox mjenje bóle wužitne funkcije přidać. Su přidatki, kotrež płaćizny přirunuja, wo wjedrje informuja, zwonkowny napohlad Firefox měnjeja, hudźbu wothrawaja abo samo waš profil na Facebooku aktualizuja. Tutón nastawk wobjedna rozdźělne typy přidatkow, kotrež su k dispoziciji a kak móžeće je namakać a instalować.

Kotre typy přidatkow móžu instalować?

Tute powšitkowne typy přidatkow dadźa so instalować:

• Rozšěrjenja
  Rozšěrjenja přidawaja Firefox nowe funkcije abo měnjeja eksistowace funkcije. Su rozšěrjenja, kotrež wam zmóžnjeja, wabjenje blokować, wideja z websydłow sćahnyć, Firefox do websydłow kaž Facebook abo Twitter integrować a funkcije druhich wobhladowakow přidać, kaž na přikład přełožowanske funkcije.
• Drasty
  Drasty móža menijowu a rajtarkowu lajstu z pozadkowym wobrazom porjeńšić. Firefox tež zatwarjene drasty wobsahuje. Za dalše informacje wo zatwarjenych drastach hlejće Built-in themes in Firefox - alternative to complete themes.
• Tykače
  Firefox Google Widevine CDM za wobhladowanje wobsaha wodźeny přez Digital Rights Management (DRM) a tykač OpenH264 za widejowe wołanja awtomatisce sćahuje.
• Słowniki
  Firefox móže waš prawopis kontrolować, ale nic wšě rěčne wersije předinstalowany słownik sobu přinjesu, z licencnych přičinow. Móžeće za swoju rěč słownik pytać a instalować. (Zo byšće rěč wužiwarskeho powjercha Firefox změnił, hlejće nastawk Firefox w druhej rěči wužiwać.)
• Pytawy
  Firefox rjad hižo instalowanych pytawow sobu přinjese. Maće k nim přistup z pytanskeho pola (jeli zmóžnjene), abo direktnje z adresoweho pola. Jeli chceće dalše pytawy přidać, móžeće je direktnje na websydłach abo z addons.mozilla.org instalować.

Waše instalowane přidatki pokazać a rjadować

Pytawy dadźa so we woknje Pytać w nastajenjach Firefox pokazać a rjadować. Za dalše přidatki:

1. Klikńće ma menijowe tłóčatko a wubjerće PřidatkiPřidatki a drasty. Rajtark zrjadowaka přidatkow so wočini.
2. Wubjerće wokno za tón přidatkowy typ, kotryž chceće pokazać abo rjadować, na přikład Rozšěrjenja, Drasty abo TykačeRozšěrjenja abo Drasty.

Za podrobne informacije, kak móžeće přidatki znjemóžnić abo wotstronić, hlejće Přidatki znjemóžnić abo wotstronić.

Kak móžu přidatki namakać a instalować?

Čińće slědowace kroki:

1. Firefox móže personalizowane doporučenja poskićić. Klikńće na menijowe tłóčatko , potom na Přidatki a drasty a wubjerće Doporučenja.
2. Zo byšće doporučeny přidatk instalował, klikńće na módre tłóčatko + Drastu instalować abo + Firefox přidać, we wotwisnosći wot přidatkoweho typa.

Deleka na lisćinje doporučenych přidatkow, je tež tłóčatko Dalše přidatki pytać, na kotrež móžeće kliknyć. Wjedźe was k addons.mozilla.org, hdźež móžeće za wěstymi přidatkami pytać.

Za nazhonjenych wužiwarjow: Móžeće tež přidatki z dataje instalować. Jeli sće instalowansku dataju na swojim ličaku składował (na přikład .xpi- abo .jar-dataju), móžeće přidatk ze symbolom zubateho koleska horjeka naprawo we woknje Rozšěrjenja zrjadowaka přidatkow instalować. Wubjerće Přidatk z dataje instalować... z menija, pytajće potom za dataju a wubjerće ju.

Někotre rozšěrjenja po instalaciji tłóčatko w symbolowej lajsće wotkładuja. Móžeće tute wotstronić abo je do menija přesunyć, jeli to chceće - hlejće Wodźenske elementy, tłóčatka a symbolowe lajsty w Firefox přiměrić.

Problemy z přidatkami rozrisać

Za informacije wo rozrisowanju problemow z rozšěrjenjemi, tykačemi abo drastamirozšěrjenjemi abo drastami, hlejće slědowace nastawki.

Problemy z instalowanjom abo wotinstalowanjom přidatkow

• Unable to install add-ons (extensions or themes)
• Cannot remove an add-on (extension or theme)

Problemy zawinowane přez přidatki

• Problemy z rozšěrjenjemi, drastami a hardwarowym pospěšenjom rozrisać
• Problemy Firefox rozrisać, kotrež so přez škódne programy zawinuja
• Symbolowe lajsty wotstronić, kotrež su waše pytanje Firefox a wašu startowu stronu změnili
• Re-enable add-ons that were disabled when updating Firefox
• Add-ons that cause stability or security issues are put on a blocklist
• Signowanje přidatkow