Malware je skrótšene słowo za jendźelski wuraz "Malicious Software" (škódna softwara). Tute zapřijeće so zwjetša za softwaru wužiwa, kotraž so na wašim ličaku instaluje, zo by kompjuterowy system bjez dowolnosće wobsedźerja infiltrowała abo škodowała. Druhdy so problem Firefox přez škódnu softwaru zawinuje, wo kotrejž njewěsće, a kotraž je na wašim ličaku instalowana. Tutón nastawk wopisuje, kotre powšitkowne symptomy su a kak móžeće instalowanju škódnych programow zadźěwać a je wotbyć.
Zapis wobsaha
Zwotkel wěm, zo so mój problem Firefox přez škódny program zawinuje?
Symptomy su rozdźělne a wotwisuja wot škódneho programa, ale jeli jedne abo wjacore ze slědowacych zadźerženjow pytnjeće, je škódny program na wašim ličaku instalowany.
- Někotre wabjenske wokna so cyły čas pokazuja, hačrunjež sće wuskakowace wokna zablokował. Za dalše informacije wo blokowanju wuskakowacych woknach hlejće Nastajenja wuskakowacych woknow, wuwzaća a rozrisowanje problemow.
- Waše pytanja so k druhemu sydłu dale sposrědkuja, zo by so wobsah tutoho websydła začitował a wy njemóžeće jón blokować. Za dalše informacije hlejće What to do when searches take you to the wrong search website.
- Waša startowa strona je so kaprowała. Za dalše informacije wo postajenju wašeje startoweje strony, hlejće Startowu stronu postajić.
- Firefox njepřestawa ženje začitować abo njemóže wěste websydła začitować. Za dalše informacije hlejće Websites show a spinning wheel and never finish loading a Firefox njemóže wěste websydła začitować.
- Firefox husto spaduje abo wisa. Za dalše informacije hlejće Problemy ze spadami Firefox rozrisać a Firefox wisa abo hižo njereaguje.
- Firefox so njestartuje. Za dalše informacije hlejće Firefox won't start - find solutions.
- Problemy při zwjazowanju z Facebookom. Za dalše informacije wo problemach z Facebookom hlejće Fix problems with Facebook games, chat and more.
- Firefox wočinja stajnje wjele rajtarkow abo woknow. Za dalše informacije hlejće Firefox repeatedly opens empty tabs or windows after you click on a link.
- Njewitane symbolowe lajsty su so instalowali. Za dalše informacije wo přiměrjenju Firefox hlejće Symbolowe lajsty wotstronić, kotrež su waše pytanje Firefox a wašu startowu stronu změnili a How to remove the Babylon toolbar, home page and search engine.
- Škódny program je snano module do Firefox začitał. Tute module so na stronje about:third-party Firefox pokazuja. Za dalše informacije hlejće Identify problems caused by third-party modules in Firefox for Windows.
Kak móžu instalowanju škódnych programow zadźěwać?
Su jednore prawidła, kotrež wy měł porjadu sćěhować, zo byšće instalowanju škódnych programow na wašim ličaku zadźěwał:
- Dźeržće swój dźěłowy system a druhu softwaru aktualne: Instalacija škódneje softwary zwjetša znate wěstotne dźěry w druhich programach zwužiwa, kotrež dadźa so w pozdźišich wersijach zatykać. Přeswědčće so, zo maće najnowšu wersiju kóždeho programa, kotryž wužiwaće: Zmóžńce pak awtomatiske aktualizowanje softwary, jeli k dispoziciji, pak pytajće za aktualizacijemi pola zhotowjerja softwary a wužiwajće funkciju Windows Update..
- Njeinstalujće dowěry njehódne programy: Někotre websydła poskićeja wam programy, zo bychu waš wobhladowak pospěšili, wam při přepytowanju weba pomhali abo symbolowe lajsty přidali, zo bychu wěcy w Firefox činili, kotrež Firefox hižo čini. Někotre njewitane programy su tež dźěl softwarowych paketow. Zwjetša tute programy hromadźeja informacije wo wašim přehladowanskim zadźerženju, kotrež jenož ludźom słuža, kotřiž su je wuwili a kotrež Firefox negatiwnje wobwliwuja. Instalujće přidatki přeco wot websydła přidatkow Mozilla a wotwolće njewitane programy w softwarowych asistentach. Přepruwujće, hač maće njewitane přidatki a znjemóžńcé abo wotstrónće je.
- Njeklikńće znutřka zawjedowacych wuskakowacych woknow: Wjele škódnych websydłow pospytuje škódne programy na wašim systemje instalować – da wobrazy kaž wuskakowace wokna wupadać abo zwobraznja animaciju websydła, kotraž ličak skenuje. Za dalše informacije wo wotkrywanju zawjedowaceho wuskakowaceho wokna hlejće Nastajenja wuskakowacych woknow, wuwzaća a rozrisowanje problemow.
- Njewužiwajće sfalšowane Firefox: Sćehńće Firefox z mozilla.org/firefox.Kedźbu: Prošu zdźělće znjewužiwanje wikowanskeho znamjenja Firefox na websydłach z pomocu strony Mozilla Violating Website Report a w mejlkach dale sposrědkujo je k znjewužiwanskej e-mejlowej adresy Mozilla.
- Wužiwajće antiwirusowy program a program přećiwo spionažnej softwarje ze škitom we woprawdźitym času a skenujće swój system prawidłownje. Přeswědčće so, zo škit we woprawdźitym času swojeho antiwirusoweho programa a programa přećiwo spionažnej softwarje je zmóžnjeny. Skenujće swój ličak znajmjeńša jedyn raz wob měsac.
Wěstota Mac a škit před škódnymi programami
Tute dokumenty pomocy Apple móhli pomhać:
- Protect your Mac from malware
- About the "Are you sure you want to open it?" alert (File Quarantine / Known Malware Detection) in OS X
- Safely open apps on your Mac
- About System Integrity Protection on your Mac
- Report a security or privacy vulnerability
Móžeće slědowacu softwaru instalować, kotraž wam pomha, waš ličak Mac wot potencielnje škódneje softwary čisćić:
Kak móžu škódne programy wotbyć?
Wikipedijowy nastawk Linux malware (jendźelsce) skići informacije a doporučenja za wužiwarjow Linux.
Kak móžu škódne programy wotbyć?
Microsoft ma zakładnu darmotnu wěstotnu antiwirusowu a antispionažnu softwaru zatwarjenu we Windows 8 a Windows 10za Windows 7 (hlejće What is Microsoft Security Essentials?). Jeli waša softwara njeje škódnu softwaru wotkryła, skenujće swój system z darmotnymi skenowanskimi programami přećiwo škódnej softwarje, kotrež su deleka nalistowane. Wy měł ze wšěmi programami skenować, dokelž kóždy program druhu škódnu softwaru namaka a zaktualizujće kóždy program na najnowšu wersiju jich datowych bankow, prjedy hač skenowanje přewjedźeće.
- Malwarebytes Anti-Malware Free
- SuperAntispyware Free Edition
- Microsoft Safety Scanner
- Anti-Rootkit Utility - TDSSKiller (hlejće tutu alternatiwnu sćehnjensku stronu TDSSKiller za dalše informacije)
- AdwCleaner (hlejće tutu alternatiwnu sćehnjensku stronu AdwCleaner za dalše informacije)
Trjebaće wjace pomocy?
Móžeće we forumje wo pomoc prosyć, kotryž je so na wotstronjenje škódnych programow specializował kaž na přikład tele:
