Сравнить ревизии

Pódrobne zapokazanje do nejzajmnjejšych nowych funkcijow, pólěpšenjow a změnow, kótarež su widobne za wužywarje w Thunderbird 91.0.

Toś ten nastawk pódrobne zapokazanje do nejzajmnjejšych nowych funkcijow, pólěpšenjow a změnow bitujo, kótarež wužywarje w Thunderbird 91.0 wiźe. Wobšyrnjejša, ale mjenjej wopisujuca lisćina změnow, móžośo we [https://www.thunderbird.net/thunderbird/91.0/releasenotes/ wersijowych informacijach Thunderbird 91] namakaś. __TOC__ = Wobstarajśo se Thunderbird w swójej rěcy! Witaj letišćina! = Thunderbird 91 jo we [https://www.thunderbird.net/en-US/thunderbird/all/ wjele rozdźělnych rěcach] na [https://www.thunderbird.net startowem boku Thunderbird] k dispoziciji a jo se pśełožył wót zgromaźeństwa. Eksistujuce instalacije Thunderbird se w danem casu awtomatiski aktualizěruju. ''Nowy:'' Witaj [https://www.thunderbird.net/en-US/thunderbird/all/#L letišćina] ako slědna pśidana rěc! [[Image: TB91-startpage-snippet-Latvian]] = Prědne kšace z Thunderbird su lažke! = Njejo nigdy było lažčej, wašu eksistěrujucu e-mailowu adresu z Thunderbird konfigurěrowaś. ''Nowy:'' Smy zlěpšyli wašo dožywjenje zaźěłanja a smy wólažcyli zwězowanje z eksistěrujucymi kalendarjami a adresnikami online (glejśo dołojce). Konto se něnto w rejtariku konfigurěrujo. Zapódajśo jadnorje swójo mě, swóju e-mailowu adresu a swójo gronidło a zwěžćo ned! [[Image: TB91-first-account-setup-virgin-start-tab]] = Jadnorje z wašymi eksistěrujucymi adresnikami online a kalendarjami zwězaś: Pódpěra CardDAV a CalDAV a awtomatiske namakanje pśidane = Cyńśo Thunderbird k swójomu wósobinskemu informaciskemu zastojnikoju! Thunderbird z integrěrowanym kalendarjom, z adresnikom a chatmodulami pśiźo. [[Image: TB91-account-setup-sucessfully-created-connect-linked-services]] ''Nowy:'' Thunderbird něnto internetne adresniki CardDAV a kalendarje CalDAV pódpěra. Za tym až sćo konfigurěrował swóju eksistěrujucu e-mailowu adresu z pśigódneju awtomatiskeju konfiguraciju, Thunderbird na zakłaźe pódanych wužywaŕskich informacijow waše internetne adresniki a kalendarje awtomatiski wótekšywa. Gaž Thunderbird konto Google mail pśidawaśo, móžośo swóje eksistěrujuce kalendarje a adresnik Google pśidaś (glejśo [https://thunderbird.topicbox.com/groups/beta/T9886a223d58b7aad-M09757bc2dee271bf7d29580b pśipiski]). = Kontrolěrujśo swójo e-mailowe dožywjenje: waše konta, waš pórěd! = Pokažćo wšykne swóje e-mailowe konta w jadnučkem, pśeglědnem a wjelebocnem nałoženju. Žedno wabjenje, žedno slědowanje. ''Nowy:'' Něnto móžośo lažko pórěd změniś, pó kótaremž se waše konta we wobceŕku zarědnikow pokazuju: * Wubjeŕśo {button ≡} > {menu Kontowe nastajenja}, śěgniśo pón zapiski głownego konta do póžedaneje pozicije. * Abo wubjeŕśo zapisk głownego konta a tłocćo {key Alt} + {key ↓} abo {key Alt} + {key ↑}, aby pórěd kontow z pomocu tastatury změnił. = Mějśo swóje nejlubše póglědy do e-maile pó swójom dobrozdaśu! = [[Image: TB91-folder-list-folder-pane-options-panel-favorite-all-stack]] Thunderbird wam zmóžnja wubraś, kak cośo swóje e-mailowe powěsći wót někotarych e-mailowych adresow pokazaś. ''Nowy:'' Móžośo něnto někotare štaplowane naglědy w swójom wobceŕku zarědnikow měś a je tak zastojaś, ako cośo - Stajśo swóje nejlubše na zachopjeńk! How su někotare móžnosći: * Wšykne zarědniki - Pokažćo kužde e-mailowe konto separatnje z jogo originalneju zarědnikoweju strukturu. * Zjadnośone zarědniki - kombiněrowany naglěd wšych wašych e-mailowych adresow, z globalnym dochadom posta, zarědnikom Pósłane atd. * Nejlubše zarědniki - Wy maśo wólbu! Klikniśo z pšaweju tastu na někaki zarědnik, wubjeŕśo pón zapisk {menu Preferěrowany zarědnik} z kontekstowego menija, aby swójim faworitam zarědnik pśidał. Aby naglědy wubrał, kótarež cośo k swójomu wobceŕkoju zarědnikow pśipěś: * Wubjeŕśo tłocašk '''Nastajenja wobceŕka zarědnikow''' {button '''⋯'''} z '''rědki wobceŕka zarědnikow''' a zmóžniśo swóje preferěrowane naglědy. Móžośo teke {button ≡} > {menu Naglěd} > {menu Zarědniki} wužywaś. * Aby swóje naglědy sortěrował, znjemóžniśo wšykne a wubjeŕśo pón te, kótarež cośo w nawopacnem pórěźe pokazaś: Kuždy slědny wubrany naglěd buźo waš prědny naglěd. * Móžośo pśecej swóje wuběrki změniś abo je pśetwóriś … {note}'''Glědajśo:''' Nastajenja wugótowanja, kótarež su byli do togo w nejwušem meniju {menu Pśiměriś}, su so pśesunuli do menija {menu Naglěd}. Jolic na pśikład swóju rědku wobceŕka zarědnikow njewiźiśo, móžośo ju tak pokazaś:<br><br> {button ≡} > {menu Naglěd} > {for tb91}{menu Pokazaś/Schowaś}{/for}{for not tb91}{menu Symbolowe rědki}{/for} > {menu Rědka wobceŕka zarědnikow}{/note} = Natiwna pódpěra za rědy macOS, kótarež su se wuwili z Apple Silicon = Thunderbird jo [https://www.thunderbird.net/en-US/thunderbird/all/ za Windows, Linux a MacOS k dispoziciji]. ''Nowy:'' Natiwna pódpěra platformy za rědy macOS, kótarež su se wuwili z CPU Apple Silicon, wjelike wugbaśowe pólěpšenja sobu pśinjeso. = Eficienca, źož ju nejwěcej trjebaśo: Pólěpšony adresěrowański wobceŕk za nowe powěsći = Thunderbird jo za to myslony, zastojanje wašych mejlkow wólažcyś a eficientnjejše cynił. Wěmy, až rozdźělne wužywarje rozdźělne pótrjebnosći maju. Mjaztym až e-mail lažku a za kuždego pśistupnu cynimy, póbitujomy teke eficiencu za pśedewześa a rozšyrjone funkcije. Gaž nowu powěsć pišośo, wopytajśo toś te nowe a pólěpšone funkcije w adresěrowańskem wobceŕku: {note} ''Nowy:'' Móžośo něnto tśi głowne adresowe póla we woknje Pisaś ze slědujucymi mjazynarodnymi tastowymi kombinacijami malsnje wócyniś a na nje fokus stajiś: * Pólo Komu wócyniś/fokusěrowaś: {key Strg/Cmd} + {key &#x21E7;} + {key T} * Pólo Kopija wócyniś/fokusěrowaś: {key Strg/Cmd} + {key &#x21E7;} + {key C} * Pólo Schowana kopija wócyniś/fokusěrowaś: {key Strg/Cmd} + {key &#x21E7;} + {key B}{/note} {note} ''Nowy:'' Móžośo něnto wóźiś, kótare adresowe smužki měli se pśecej pokazaś, gaž nowu powěsć zachopinaśo. * Źiśo k {button ≡} > {menu Kontowe nastajenja} > {menu Wašo konto} > {menu Kopije a zarědniki} [[Image: TB91-account-settings-show-empty-auto-cc-bcc]] * Aby wěste adresowe pólo za identitu pśecej pokazał, stajśo kokulku do wótpowědnego kontrolnego kašćika a wóstajśo susedne zapódawańske pólo prozne. * Aby kuždej powěsći z identity dostawarjow pólowu Kopija a Schowana kopija awtomatiski pśidał, stajśo kokulku do kontrolnego kašćika a pśidajśo zapódawańskemu pólu preferěrowanych dostawarjow.{/note} {note} ''Nowy:'' Móžośo něnto zapisk rozpósłańskeje lisćiny w adresowem pólu pokazaś, aby jadnotliwe dostawarje kontrolěrował a wobźěłował, nježli až powěsć sćelośo. [[Image: TB91-compose-pill-context-expand-list]] * Klikniśo z pšaweju tastu na zapisk rozpósłańskeje lisćiny w adresowem pólu, na pśikład Schowana kopija. * Wubjeŕśo z kontekstowego menija lisćiny {menu Lisćinu pokazaś}. Zapisk lisćiny se pón z jadnotliwymi dostawarjami w lisćinje wuměnijo.{/note} {note} ''Pólěpšony:'' Zaźaržanje, gaž se nowy dostawaŕ zapódawa, kótaryž hyšći we wašom adresniku njejo, jo se pólěpšyło. [[Image: TB91-compose-pill-not-in-address-book]] * Smy wótwónoźeli cerwjenu pismowu barwu, dokulaž napšawdu nic njejo wopacne, gaž ''John@example.com'' prědny raz pišośo. * Město togo Thunderbird buźo něnto njeznatego dostawarja z małym dypkom (•) a z pomocnym tekstom markěrowaś, aby was informěrował. Tak buźo wam lažko, aby te spóznał a snaź togo se wobinuł, až swóju powěsć zamólnje na wopacne dostawarje sćelośo. Waša priwatnosć jo wažna!{/note} {note} ''Pólěpšony:'' Móžośo něnto adresu južo wubranego dostawarja (teke ako dostawaŕ ''drapawa'' znaty) z dalšnym jadnotliwym kliknjenim wobźěłowaś. * Klikniśo na dostawarja, kótaregož cośo wobźěłowaś. * Z pśiducym kliknjenim na zapisk móžośo (samo gaby se wy wokognuśe komuźił) adresu wobźěłowaś. * Zawěsće teke wšykne druge móžnosći adresu dostawarja wobźěłowaś hyšći funkcioněruju: Móžośo na wubrany zapisk dwójcy kliknuś, aby jen wobźěłował, abo tastu {key Enter} abo {key F2} (jano Windows/Linux) tłocyś.{/note} {note} ''Pólěpšony:'' Smy změnili tastowu skrotconku za wótwónoźowanje proznego adresowego póla, wót jadnotliwego tastowego tłocenja do dłujkego tastowego tłocenja, aby se my pśipadnego wótwónózenja póla wobinuli a pśigódne wužywanje tastatury wobchowali. * Zawěsććo, až adresowe pólo, na pśikład Kopija, jo prozne a ma fokus (kursor w njom blinka). * Tłocćo tastu {key Backspace} abo {key Entf} a źaržćo ju tłoconu, aby adresowe pólo z dłujkim tłocenim wótwónoźeł.{/note} {note} Za dalšne informacije, pokaze a triki wokoło adresowego wobceŕka we woknje Pisaś, móžośo [[Addressing an Email]] cytaś.{/note} = Priwatnosć a šćit datow lažko cynjone: Nowe zdźělenje wó zjawnej masowej e-maili = [[Image: TB91-public-bulk-recipients-warning-notification]] ''Nowy:'' Thunderbird buźo něnto nutśikownu powěźeńku dołojce we wojnje Pisaś pokazowaś, gaž adresowemu pólu Komu abo Kopija 15 abo wěcej zjawnych dostawarjow pśidawaśo. Gaž wjele zjawnym dostawarjam powěsć sćelośo, móžo se to pśeśiwo jich priwatnosći abo pšawam šcita datow pśejś. * Powěźeńka staja pśigódny akciski tłocašk k dispoziciji, {button Schowanu kopiju město togo wužywaś}, kótaryž awtomatiski wšykne zjawne dostawarje do adresowego póla Schowana kopija pśesunjo, aby se wobinuło, až se drugim dostawarjam jich e-mailowe adrese pokazuju. * Móžośo granicnu gódnotu ze schowanym nastajenim změniś: <code>'''mail.compose.warn_public_recipients.threshold'''</code> = Nowy wužywaŕski pówjerch za pśidawanje pśidankow = * ''Nowy:'' Pśidawanje pśidankow pśez śěgnjenje a pušćenje jo něnto lažčejše, dokulaž móžośo je něźi w cełem woknje Pisaś pušćiś. Za wobraze móžośo wubraś, lěc se maju do wašogo powěsćowego teksta zasajźiś abo ako normalne pśidanki pśidaś. [[Image: TB91-compose-attach-drag-and-drop-insert-inline-add-as-attachment]] * ''Nowy:'' Wobćeŕk pśidankow jo se wótwónoźeł z adresowego wobceŕka a dołoj pśesunuł, což widobnu konsistencu z tym wobchowajo, kak pśidanki nalicyjomy, gaž se powěsć cyta. [[Image: TB91-compose-attachment-pane-multiple-attachments]] * ''Nowy:'' Dajo nowa mjazynarodna tastowa skrotconka za pśistup k njeproznemu wobceŕkoju pśidanka a aby se njeprozny wobceŕk pśidankow pokazał abo schował: {key Strg/Cmd}+{key &#x21E7;}+{key M}. * Njezabywajśo, dajo teke {key Strg/Cmd}+{key &#x21E7;}+{key A}, aby se datajowe pśidanki pśidali. * Sćo wěźeł, až móžośo swóje pśidanki pśerědowaś, za tym až sćo je pśidał? Gaž dwa pśidanka maśo, abo wěcej, klikniśo z pšaweju tastu na jaden z nich, wubjeŕśo jaden pśidank abo wěcej, aby pśesunuli, a wubjeŕśo akcije z wokna {menu Pśidanki pśerědowaś}. Móžośo teke pśidanki pó jich datajowych mjenjach alfabetiski sortěrowaś. Mimo togo tastowe skrotconki teke funkcioněruju, gaž akciske wokno jo zacynjone! = Nowy tłocašk ''Tekstowy stil wótwónoźeś'' a zaktualizěrowane symbole na ''formatěrowańskej rědce'' = [[Image: TB91-compose-window-toolbar-remove-text-styling-button]] * ''Pólěpšony: '' Dajo něnto tłocašk za wótwónoźowanje kuždego tekstowego formatěrowanje z wubranego teksta we woknje Pisaś. Móžośo toś ten tłocašk wužywaś, aby tekstowe formaty ako tucny, kursiwny, pódšmarnjony, pismowu barwu, pismowu wjelikosć atd. wótwónoźeł. Jolic njejo wuběrk, se wšykne tekstowe formaty wót pozicije kursora sem njewužywaju. Tastowa skrotconka za toś ten pśikaz jo {key Strg/Cmd}+{key &#x21E7;}+{key Y}. * Wšykne symbole tekstowego formatěrowanja na formatěrowańskej rědce su se zaktualizěrowali, aby se lěpjej rozeznawali a se togodla lažčej spomnjeli. = Nowa akcija ''Wobwjasć'' za direktne pśipósłanje powěsći = [[Image: TB91-3-pane-customize-toolbar-redirect-button]] ''Nowy:'' Móžośo powěsć tak dalej pósrědniś ako wóna jo, ale z originalnym wótpósłarjom, kótarež jo w adresowem pólu Wótegroniś pśednastajony. Toś ta funkcija móžo za malsne dalejpósrědnjenje w pśedewześach abo běrowach wužytna byś, na pś. wót sekretarki do šefa. Wopśimjeśe originalneje powěsći tak wóstanjo ako jo, ale wótegrona na wobwjeźonu powěsć se awtomatiski originalnemu wótpósłarjeju pśipósćelu. * Klikniśo z pšaweju tastu na jadnotliwu powěsć w lisćinje powěsćow a wubjeŕśo pón {menu Wobwjesć} z kontekstowego menija. * Dajo teke tłocašk {button ↠ Wobwjasć}, kótaryž jo z wokna Pśiměriś k dispoziciji:<br> Klikniśo z pšaweju tastu na e-mailowu symbolowu rědku, wubjeŕśo pón {menu Pśiměriś…} a śěgniśo tłocašk do póžedaneje pozicije na symbolowej rědce. = Wužytk bźez cajka: Nowy integrěrowany PDF-cytak = [[Image: TB91-integrated-pdf-viewer-tab-hello-world-meet-thunderbird]] ''Nowy:'' Rowno tak ako Firefox Thunderbird integrěrowany PDF-cytak ma. Tak móžośo jadnorje pśipowjesone PDF-dataje w rejtariku wócyniś, bźez togo aby eksterne nałoženje wužywał. = Nowy śišćaŕski dialog z integrěrowanym pśeglědom a nastajenjami = [[Image: TB91-message-print-preview]] ''Pólěpšony:'' Śišćanje jo se pólěpšyło: Nowy śišćaŕski dialog, kótaryž jo se zderbnuł wót platformy Mozilla, śišćanje, śišćaŕski pśeglěd a śišćaŕske nastajenja w jadnučkem, zjadnorjonem wužywaŕskem pówjerchu kombiněrujo. Abo móžośo hyšći śišćaŕski dialog swójogo systema wužywaś, jolic to preferěrujośo. = Drastwy, kótarež se spódobaju: Wubjeŕśo swóje barwy! = [[Image: TB91-dark-theme-about-thunderbird]] Thunderbird tśi barwne drastwy sobu pśinjaso: * Systemowu drastwu (standard - wóna barwy wašogo źěłowego systema wužywa) * Swětłu drastwu (na swětłem boku) * Śamnu drastwu (w nocy wócy šonujucu) Wopytajśo ju! Móžośo swóju drastwu z mało kliknjenjami změniś a změny se ned wustatkuju: {button ≡} > {menu Dodanki a drastwy} > {menu Drastwy}, wubjeŕśo pón {button Zmóžniś} za drastw swójeje wólby. ''Pólěpšony:'' Wjele pólěpšenjow a pórěźenjow śamnej drastwje, kótaraž se něnto na skóro kuždy źěl nałoženja wustatkujo. = Póstajśo gustosć wužywaŕskego pówjercha Thunderbird = ''Nowy:'' Gustosć wužywaŕskego pówjercha Thunderbird dajo se něnto z tśimi modusami z wóteběrajuceju gustosću wóźiś: Kompaktny, Normalny, Touch. Dobra nowosć za te, kótarež z touchrědami źěłaju! {button ≡} > {menu Naglěd} > {menu Gustosć} > {menu Kompaktny} | {menu Normalny} | {menu Touch} = Engelske zapśimjeśe ''Options'' jo se pśemjeniło pód Windows dla źěłowy system pśesegujuceje konsistency do ''Preferences'' = Thunderbird na wjele platformach wjelicnje funkcioněrujo: Windows, Linux a MacOS. Za Thunderbird na Windows smy pśemjenili engelske zapśimjeśe menija {menu Options} do {menu Preferences}, aby menijowa sćažka za konfigurěrowanje Thunderbird ta samska na wšych platformach była: {button ≡} > {menu Nastajenja} = OpenPGP: Słanje skoděrowanych powěsćow na dostawarje schowanych kopijow něnto z warnowanim móžne = [[Image: TB91-encrypted-bcc-warning-notification]] ''Pólěpšony:'' Móžośo něnto dostawarjam schowaneje kopije z OpenPGP skoděrowane powěsći pósłaś. Thunderbird wam warnowanje pokažo, až '''to buźo indirektnje waše dostawarje schowaneje kopije pokazowaś'''. Za wěste scenarije ako na pśikład słanje schowaneje kopije na sebje, mogło riziko pokazowanja akceptěrujobne. = OpenPGP: Nowe akcije za kopěrowanje ID klucow a palcowych wótśišćow = [[Image: TB91-openpgp-key-manager-key-context-copy-submenu]] Thunderbird integrěrowany zastojnik klucow OpenPGP za wšykne waše kluce sobu pśinjaso. ''Nowy:'' Akcije za kopěrowanje klucowych ID a palcowych wótśišćow su se pśidali kontekstowemu menijeju. * {button ≡} > {menu Rědy} > {menu Zastojnik OpenPGP-klucow} * Klikniśo z pšaweju tastu na eksistěrujucy kluc > {menu Kopěrowaś} * Wubjeŕśo z pódmenija {menu Kopěrowaś} mjazy {menu Palcowy wótśišć}, {menu ID kluca} a {menu Zjawny kluc}. = OpenPGP: Nowe rozšyrjone nastajenja = Thunderbird zatwarjone koděrowanje pśez OpenPGP abo S/MIME bitujo. ''Nowy:'' Něnto móžośo zaźaržanje koděrowanja z tśimi nastajenjami zgłosowaś, kótarež su se pśidali abo pokazali. Respektěrujomy, až rozdźělne wužywarje rozdźělne pótrjebnosći maju. Jolic koděrowanje njejo zarědowane, se rozšyrjone nastajenja njewužywaju a su togodla znjemóžnjone. Někotare z toś tych nastajenjow měli se z glědanim wužywaś, až njeby se waša priwatnosć wobgrozyła. {button ≡} > {menu Kontowe nastajenja } > {menu Wašo konto} > {menu Koděrowanje kóńc do kóńca} > {menu Rozšyrjone nastajenja} [[Image: TB91-account-settings-end-to-end-encryption-advanced-settings]] {warning}'''Glědajśo:''' Gaž koděrowanje temy a koděrowanje nacerjenja znjemóžnjaśo, se snaź waša priwatnosć wobgrozujo, dokulaž se waše powěsći wěcej dopołnje nješćitaju. Jolic na pśikład nacerjenja składujośo, kótarež na IMAP-konśe z eksternym e-mailowym póbitowarjom njejsu skoděrowane, buźo se wašo nacerjenje na serwer póbitowarja słaś a tam bźez skoděrowanja składowaś. Zawěsććo, až rizika priwatnosći rozmějośo, nježli až toś te nastajenja znjemóžnijośo!{/warning} = Kalendaŕ: Nowe zdźěleńske nastajenja za jadnotliwy kalendaŕ a globalne zdźěleńske nastajenja = [[Image: TB91-calendar-properties-add-notification]] ''Nowy:'' Mimo dopominanjow móžośo mjenjej šarowatych wuskokujucych powěźeńkow za kuždy kalendaŕ a globalnje konfigurěrowaś. * Klikniśo z pšaweju tastu na kalendaŕ we wobceŕku kalendarjow a wubjeŕśo {menu Kakosći}. * Klikniśo na tłocašk {button ＋ Powěźeńku pśidaś} a pódajśo drobnostki powěźeńki. * Wobkšuśćo dialog kakosćow z tłocaškom {button W pórěźe}. * Abo móžośo tłocašk {button Globalne nastajenja powěźeńkow…} wužywaś, aby powěźeńki za wšykne kalendarje definěrował. = Kalendaŕ a nadawki: Akciji „anulěrowaś“ a „wóspjetowaś“ za tšojenja a nadawki pśidanej = ''Nowy:'' Za tym až sćo napórał abo wulašował nadawki abo tšojenja, móžośo toś te akcije něnto anulěrowaś abo wóspjetowaś. * {key Strg/Cmd} + {key Z}: Anulěrowaś * {key Strg/Cmd} + {key Y}: Wóspjetowaś = Chat: Standardny serwer za nowe chatkonto jo se změnił do ''libera.chat'' = ''Nowy'': Wjaselimy se, [https://libera.chat/ libera.chat] ako nowy standardny serwer za nowe chatkonta póbitowaś. Twórje se njedawno wót něgajšnego teama freenode a bitujo wabjecu platformu zgromaźeństwa za dermotnu softwaru wótwórjonego žrědła ako teke projektow, kótarež se wót peera nawjeduju. Libera Chat jo dermotny a wuwija se wót dobrowólnych z cełego swěta. Chattujmy! = Chat: Wobrazowe emotikony su se narownali pśez znamuška Unicode = ''Pólěpšony:'' Gaž cośo se z emotikonami zwurazniś, Thunderbird něnto znamuška Unicode město małych wobrazkow wužywa. Jadnorje lěpše! [[Image: TB91-three-utf8-smileys]] = Chat: Pórěźenja a pólěpšenja pód hawbu = ''Pórěźony:'' Licba małych problemow jo se pórěźili, a smy pśewjadli někotare wažne změny pód hawbu, aby radme chatdožywjenje měł. * Chowanje systemowych powěźeńkow něnto zasej funkcioněrujo, aby mógał na swóju konwersaciju bźez wótchylenja koncentrěrowaś. * Chatkontowe nastajenja se něnto korektnje składuju. = FileLink: Pódpěra WeTransfer jo se wótwónoźeła, ale móžośo hyšći wjelike pśidanki pó mroku słaś = {note}'''Glědajśo:''' Do togo zatwarjona pódpěra za póbitowarja Filelink ''WeTransfer'' jo se wótwónoźeła.{/note} Wjele e-mailowych serwerow powěsći z wjelikimi datajowymi pśidankami njeakceptěrujo. Z funkciju Filelink Thunderbird móžośo wjelike pśidanki do mroka nagraś a wótkaz pósłaś, mesto togo aby je direktnje k swójej e-mailowej powěsći pśipowjesył. Thunderbird dalej pódpěru za wšake druge póbitowarje z [https://addons.thunderbird.net/en-US/thunderbird/tag/filelink dodankami póbitowarjow FileLink] póbitujo. Aby toś tu funkciju wužywał, musyśo jaden z toś tych dodankow instalěrowaś: * {button ≡} > {menu Nastajenja} > {menu Pisaś} > {menu Pśidanki} > {menu Dalšne póbitowarje namakaś…} * Wubjeŕśo dodank póbitowarja Filelink a klikniśo na {button ＋ K Thunderbird pśidaś}. * Wobkšuśćo dodankowe pšawa z wuskokujucego wokna z {button Pśidaś}. * Klikniśo we wótrězku {menu Pśidanki} ''nastajenjow'' (glejśo górjejce) a pón na {button [Wašogo póbitowarja pśidaś]}. * Pśidajśo informacije, kótarež se dodank pomina. * Thunderbird naraźujo, FileLink za pśidanki wužywaś, kótarež su wětše ako 5 MB (móžośo limit w samskem wótrězku změniś), abo móžośo z pšaweju tastu na normalny pśidanki kliknuś, aby jen konwertěrował. = Pódpěra za ''movemail'' jo se wótwónoźeła = Pódpěra za ''movemail'' jo se wótwónoźeła. Pšosym konfigurěrujśo IMAP- abo POP3-konto město togo, aby pśistup k swójej e-maili měł. {button ≡} > {menu Nowy} > {menu Eksistěrujuce e-mailowe konto…}