Сравнить ревизии

pomałem

Wótergi Firefox bejne systemowe resurse trjeba, aby wopśimjeśe pokazał. Pokažomy wam, kak móžośo toś ten problem rozwězaś, jolic se to pśecesto stawa.

Wótergi Firefox bejne resurse trjeba, aby webwopśimjeśe ześěgnuł, pśeźěłał a pokazał. Jolic faze trajnego pśetrjebowanja wjele resursow nazgónijośo, mjaztym až Firefox wužywaśo, toś ten nastawk wam někotare móžnosći za pśespytowanje bitujo. * CPU (Central Processing Unit, centralna pśeźěłowańska jadnotka) jo „mórzgi“ licadła. * RAM (Random Access Memory, skład za direktny pśistup) abo źěłowy skład wašomu licadłoju pomaga, někotare nadawki rownocasnje wuwjasć. * Gaž waše systemowe resurse su wuśěžone, móžotej se wugbaśe a stabilita licadła pómjeńšyś. * Wótwisujucy wót wašogo źěłowego systema, móžośo pśetrjebu resursow z wěstymi rědami pśespytowaś a doglědowaś. Glejśo wótrězk '''Pśidatne rědy za rozwězowanje problemow wužywaś''' dołojce za dalšne informacije. {note}'''Glědajśo:''' Jolic [[Share data with Mozilla to help improve Firefox|wugbaśowe daty sćelośo]], Mozilla daty gromaźi, mjazy nimi wužywanje źěłowego składa a CPU, kótarež pomagaju, Firefox w pśichodnych wersijach pólěpšyś.{/note} __TOC__ = Na nejnowšu wersiju aktualizěrowaś = Nejnowša wersija Firefox móžo wugbaśowe pólěpšenja wopśimowaś. [[Update Firefox to the latest version]]. = Firefox znowego startowaś = Firefox móžo wěcej systemowych resursow pśetrjebaś, gaž jo za dłujki cas wócynjony. Nuzowe rozwězanje za to jo pšawidłowne znowegostartowanje Firefox. Móžośo Firefox tak konfigurěrowaś, až waše rejtariki a wokna składujo, aby Firefox tak znowego startujośo ako sćo jen spušćił. Glejśo [[Restore previous session - Configure when Firefox shows your most recent tabs and windows]] za drobnostki. = Wašo licadło znowego startowaś = Firefox snaź problemow źěłowego systema dla zastawa{for win10}, na pśikład njedokóńconeje aktualizacije Windows dla{/for}, kótarež daju se pśez nowy start licadła rozwězaś. = Resurse pśetrjebujuce rozšyrjenja a drastwy znjemóžniś = Rozšyrjenja a drastwy mógu zawinowaś, až Firefox wěcej systemwowych resursow ako w normalnrm paźe pśetrjebujo. Aby póstajił, lěc rozšyrjenje abo drastwa zawinujo, až Firefox pśewjele resursow pśetrjebujo, [[Troubleshoot Firefox issues using Safe Mode|startujśo Firefox w jogo wěstem modusu]] a wobglědujśo pśetrjebanje jogo źěłowego składa a CPU. Rozšyrjenja a drastwy se we wěstem modusu znjemóžnjaju; gaž pótakem radne pólěpšenje zawupytnjośo, móžośo wopytaś, rozšyrjenja znjemóžniś abo wótinstalěrowaś. * Za dalšne informacije wó startowanju Firefox we wěstem modusu a wó tom, kak móžośo wuslěźiś, kótare rozšyrjenje abo kótara drasta waš problem zawinujo, glejśo [[Troubleshoot extensions, themes and hardware acceleration issues to solve common Firefox problems]]. = Gramne wopśimjeśe schowaś = Wjele webbokow ma wopśimjeśe, kótarež njetrjebaśo a kótarež pak systemowe resurse pśetrjebujo, aby swójo wopśimjeśe pokazali. Zatwarjone blokěrowanje wopśimjeśa Firefox móžo pomagaś, resurse zažariś, gaž zacytowanjeju slědujucego wopśimeśa tśeśich póbitowarjow zajźujo. Glejśo nastawk {for not fx70}[[Content blocking]]{/for}{for fx70}[[Enhanced Tracking Protection in Firefox for desktop|Pólěpšony slědowański šćit]]{/for} za drobnostki. Někotare rozšyrjenja wam zmóžnjaju, njetrjebne wopśimjeśe blokěrowaś, na pśikład: * [https://addons.mozilla.org/firefox/addon/adblock-plus/ Adblock Plus] a [https://addons.mozilla.org/firefox/addon/ublock-origin/ uBlock Origin] wam zmóžnjotej, wabjenje na websedłach schowaś. * [https://addons.mozilla.org/firefox/addon/noscript NoScript] wam zmóžnja, skripty, kótarež na websedłach běže, pó wósobinskim dobrozdaśu zmóžniś abo znjemóžniś. {for not fx85} = Hardwarowe póspěšenje Flash pśespytowaś = [[Template:flashEOLdesktop]] Joli tykac [https://www.adobe.com/products/flashplayer.html Adobe Flash Player] jo zainstalěrowany, kreslenje wopśimjeśa Flash dajo se pśez hardwaru póspěšyś. To móžo pśetrjebanje resursow z pśisłušneju grafikoweju kórtu pómjeńšyś. # Nawigěrujśo k bokoju, kótaryž wideo Flash pokazujo. # {for win,linux}Klikniśo z pšaweju tastu{/for}{for mac}Źaržćo tastu {key ctrl} tłoconu, mjaztym až na wideowótgrawak klikaśo{/for} a klikniśo na {menu Einstellungen…} w kontekstowem meniju. Wobrazowka nastajenjow Adobe Flash Player se wócynijo. # Klikniśo na symbol dołojce we woknje nastajenjow Adobe Flash Player, aby wokno „Anzeige“ wócynił. # Kontrolěrujśo, lěc nastajenje '''Hardwarebeschleunigung aktivieren''' jo wubrane. # Klikniśo na tłocašk {button Schließen}, aby wokno nastajenjow Adobe Flash Player zacynił. {/for} = Mjenjej rejtarikow wužywaś = Kuždy rejtarik Firefox trjeba, aby webbok w źěłowem skłaźe składował. Jolic cesto '''wěcej ako 100 rejtarikow wócynjone''' maśo, rozwažćo wužywanje mechanizma z nišeju śěžkosću, aby boki we wócyma wobchował, kótarež cośo pózdźej cytaś abo z kótarymiž cośo dalej źěłaś: * [[Bookmarks in Firefox|Cytańske znamjenja]]. ''Pokaz: Glejśo "[[Use tabs to organize lots of websites in a single window#w_rejtarkowe-pokaze|Wšykne rejtariki ako cytańske znamjenja składowaś]]", aby někotare rejtariki ako cytańske znamjenja składował.'' * [[Save web pages for later with Pocket for Firefox]]. * [http://lifehacker.com/378062/five-best-gtd-applications Nałoženja za zastojanje nadawkow]. = Hardwarowe póspěšenje Firefox pśespytowaś = Hardwarowe póspěšenje Firefox we wjele padach pśetrjebu źěłowego składa a CPU zniža. Pśeglědujśo we [[Firefox's performance settings|wugbaśowych nastajenjach Firefox]], lěc hardwarowe póspěšenje jo zmóžnjone. Pśeznańśo se, lěc [[Upgrade your graphics drivers to use hardware acceleration and WebGL|waše grafikowe gónjaki su aktualne]]. = Limit wopśimjeśowego procesa reducěrowaś = Z [https://developer.mozilla.org/Firefox/Multiprocess_Firefox multiprocesowym Firefox], teke pomjenjonym electrolysis abo ''e10s'', Firefox za pówušonu wěstotu a pólěpšone wugbaśe webwopśimjeśe za wšykne rejtariki separatnje wót głownego procesa Firefox wuwjeźo. Wužywanje [https://wiki.mozilla.org/Electrolysis/Multiple_content_processes někotarych wopśimjeśowych procesow] móžo wugbaśe a hyšći wěcej pówušyś a wustatkowanje wowalenjow wopśimjeśowego procesa mimiměrowaś. Móžośo [[Firefox's performance settings|wugbaśowe nastajenja Firefox]] změniś, aby limit wopśimjeśowego procesa změnił. [[Image:Fx66BetaSettings-Performance]] Móžośo mjazy jadnym wopśimjeśowym procesom a wósym wopśimjeśowymi procesami nastajiś. Standard jo wósym. Wěcej wopśimjeśowych procesow móžo wugbaśe pólěpšyś, gaž někotare rejtariki wužywaśo, wužywa pak teke wěcej źěłowego składa. Móžośo licbu wopśimjeśowych procesow reducěrowaś, jolic wašo licadło ma pśemało źěłowego składa. = Druge nałoženja zacyniś = Gaž wjele nałoženjow rownocasnje běžy, mógu se wašo licadło a druge nałoženja spómałšyś. Zacyńśo někotare z njetrjebnych nałoženjow, aby systemowu pśetrjebu reducěrował. = Dataju content-prefs.sqlite wulašowaś = Firefox waše daty w rozdźělnych datajach we wašom profilowem zarědniku składujo. Dataja, kótaraž se za składowanje jadnotliwych nastajenjow websedłow wužywa, mógła wobskóźona byś. Jolic tu dataju wulašujośo (abo pśemjenijośo), se nastajenja skalěrowańskego schójźeńka slědk staja, ale CPU-pśetrjebanje mógło spadnuś. # [[T:OpenProfileFolder]] # [[T:closeFirefox]] # Wulašujśo dataju {filepath content-prefs.sqlite} w profilowem zarědniku. Napórajo se znowego pśiducy raz, gaž Firefox startujośo. = Firefox wótnowiś = Funkcija ''Firefox wótnowiś'' móžo wjele problemow rozwězaś, gaž [[Profiles - Where Firefox stores your bookmarks, passwords and other user data|profil Firefox]] na jogo standardny staw slědk stajaśo, mjaztym až se waše nejwažnjejše informacije składuju. Glejśo [[Refresh Firefox - reset add-ons and settings]] za drobnostki. = Pśidatne rědy za rozwězowanje problemow wužywaś = Dajo wjele rědow za rozwězowanje problemow, kótarež daju se w Firefox ako teke na wašom źěłowem systemje wužywaś, aby problemy z pówušoneju pśetrjebu systemowych resursow rozwězali. == Rědy Firefox == * [[Task Manager - see what tabs or extensions are slowing down Firefox|Zastojnik nadawkow Firefox]] (njezaměnjajucy ze zastojnikom nadawkow Windows) jo wjelicny rěd, aby glědał, kótare rejtariki a rozšyrjenja nejwěcej systemowych resursow wužywaju. * Bok '''about:memory''' wam zmóžnja, wěste problemy nastupajucy źěłowy skład rozwězaś (na pśikład take, kótarež websedło, rozšyrjenje, drastwa atd. zawinujo) a wótergi móžo jogo tłocašk {button Minimize memory usage} pomagaś, pśetrjebu źěłowego składa ned znižyś. Za rpupokazanje wó wužywanju '''about:memory''' woglědajśo se k bokoju [https://developer.mozilla.org/docs/Mozilla/Performance/about:memory about:memory]. * Samo gaby programěrowaŕ njejsćo, móžośo wopytaś, někotare druge [https://developer.mozilla.org/docs/Mozilla/Performance#Memory_profiling_and_leak_detection_tools rědy a pokaze, kótarež wuwijarje Firefox wužywaju, aby za składowymi źěrami pytali]. == Rědy źěłowego systema == {for win} * Glědajśo rejtarik ''Leistung'' [https://wikipedia.org/wiki/Task_Manager_(Windows) zastojnika nadawkow Windows], aby wuslěźił, kak se resurse wužywaju{for win8, win10} (klikniśo na "Mehr Details" w zastojniku nadawkow, aby wšykne rejtariki pokazał){/for}. Glejśo [https://blogs.windows.com/windowsexperience/2013/06/06/windows-8-task-manager-in-depth/ toś ten blogowy pśinosk Windows] na sedle Microsoft za dalšne informacije. {/for} {for mac} * Glědajśo do „Aktivitätsanzeige“, aby wiźeł, kak se systemowe resurse wužywaju. Glejśo [https://support.apple.com/en-ca/HT201464 How to use Activity Monitor on your Mac] na sedle Apple za dalšne informacije. {/for} {for linux} * Lěcrownož nic distribucija Linux jen wopśimujo, ma nejwěcej wersijow Linux grafiski resursowy monitor, nimski „Ressourcenanzeige“. Groni se cesto systemowy monitor, ale daju teke druge mjenja za to. * Pśikaz <code>top</code> w terminalu lisćinu aktiwnych procesow a jich pśetrjebu systemowych resursow pokažo. {/for} {warning}'''WARNOWANJE:''' Dajo wjele programow, kótarež lubje, wugbaśe wašogo licadła pówušyś. Buźćo wobglědniwy, gaž software tśeśich póbitowarjow instalěrujośo a wužywajśo jano software z dobrym mjenim z oficielnego žrědła.{/warning} = Licadłoju RAM pśidaś = Jolic sćo zwupócerał wškyne pokaze pjerwjejšnych wótrězkow a pśetrjeba źěłowego składa jo hyšći pśebliska k maksimumoju, jo cas, wašomu licadłoju wěcej składa pśidaś. Pśidawanje RAM mócnu wugbaśowu tšochu pśinjaso. = Wašo licadło pśetwariś = Jolic sćo zwupócerał wšykne pokaze pjerwjejšnych wótrězkow a hyšći pśewusoku pśetrjebu systemowych resursow maśo, jo cas wašo licadło pśetwariś. Dokulaž technologija pókšacujo, jo software stawnje wupominajuca a pomina se wugbałše licadła, aby efektiwnje funkcioněrowała.