Firefox wobsahuje stronu Informacije za rozrisowanje problemow z někotrymi nastrojemi za rozrisowanje problemow, podrobnosćemi wo wašej instalaciji Fiefox a druhimi techniskimi datami, na přikład zainstalowane rozšěrjenja, wažne změnjene nastajenja a informacije wo grafice. Jeli pomoc wo forumje pomocy pomhaće, móže wam wobsah z tuteje strony pomhać, waš problem Firefox rozrisać.

Zo byšće přistup k stronje „Informacije wo rozrisowanju problemow“ měł: Klikńće na menijowe tłóčatko , potom na prašak Pomoc a wubjerće Dalše informacije wo rozrisowanju problemow. Dóstanjeće so k stronje z adresu about:support. Přistup k tutej stronje: Zapodajće about:support do adresoweho pola.

Wobraz "fx88aboutsupport" njeeksistuje.

Firefox porjedźić

Funkcija Firefox wobnowić móže wjele problemow přez wobnowjenje standardneho stawa Firefox rozrisać a składuje při tym waše najwažniše daty. Rozwažće tutu móžnosć, prjedy hač dołho za zawinu a rozrisanjom problema pytaće.

Problemy diagnosticěrować

Móžeće Firefox w modusu za rozrisowanje problemow znowa startować, zo byšće nachwilu hardwarowe pospěšenje znjemóžnił, někotre nastajenja wróćo stajił a přidatki (rozšěrjenja a drasty) znjemóžnił, kotrež móhli problemy zawinować. Hlejće Problemy Firefox z pomocu modusa za rozrisowanje problemow rozrisać za dalše informacije.

Startowy pufrowak wuprózdnić

Firefox wěste nachwilne daty w startowym pufrowaku składuje, zo by startowu spěšnosć polěpšił. Hdyž startowy pufrowak prózdniće, móžeće druhdy wšelake problemy rozrisać kaž na přikład hdyž su po aktualizaciji rěče na wužiwarskim powjerchu měšane. To waše profilowe daty abo přidakti njezměni.

Do mjezyskłada kopěrować

Móžeće wobsah tuteje strony do mjezyskłada Windows mjezyskłada Macmjezyskłada kopěrować. Klikńće na tłóčatko Hrube daty do mjezyskłada kopěrować, zo byšće žórłowe daty we formaće Json kopěrować. Klikńće na tłóčatko Tekst do mjezyskłada kopěrować, zo byšće wersiju samsnych datow w rozprawniskim formaće za dalše wužiwanje kopěrował. (Z přičinow priwatnosće so linka Profilowy rjadowakProfilowy zapis pod Zakłady nałoženja njekopěruje.)

Po kopěrowanju móžeće informacije do druheho wokna zasadzić, zo by něchtó móhł je widźeć - klikńće na meni Wobdźěłać w programje, kotryž wužiwaće a wubjerće potom Zasadźić (abo dźeržće tastu Strgcmd ⌘ stłóčenu a tłóčće V).

Zakłady nałoženja

• Mjeno: Zdźěla wam mjeno produkta, kotryž wužiwaće. W najwjace padach je to „Firefox“.
• Wersija: Zdźěla wam, kotre wersijowe čisło Firefox wužiwaće.
• Wersijowy ID: Kod, kotryž so awtomatisce wutworja, zo by jónkróćnu wokolinu identifikował, w kotrejž je so instalacija Firefox wutworiła.

• User Agent: Přidatnje k wašemu wobhladowakej a jeho wersijowemu čisłu, podawa User Agent druhe podrobnosće wo wašim systemje, na přikład dźěłowy system a wersija.
• Dźěłowy system: Pokazuje waš dźěłowy system.
• Nałoženska binarna dataja: Pokazuje, hdźež Firefox je instalowany.

• Zmóžnjene tykače: Klikńće na about:plugins, zo byšće so k stronje dóstał, kotraž waše instalowane tykače nalistuje. Za dalše informacije hlejće DRM-wobsah sej na Firefox wobhladać a Tykače za awdio, widejo, hry a wjace wužiwać.
• Konfiguracija programoweje wersije: Zo byšće so k stronje dóstał, kotraž někomu pomha zhonić, hač standardnu wersiju abo swójsku wersiju wužiwaće, klikńće na „about:buildconfig“.
• Wužity składowak: Zo byšće so do strony dóstał, kotraž wužity składowak pokazuje, klikńće na about:memory. Za dalše informacije hlejće tutón blogowy přinošk.
• Wukon: Klikńće na about:performance, zo byšće so k stronje zrjadowaka nadawkow dóstał. Za dalše informacije hlejće Task Manager - see whether tabs or extensions are slowing down Firefox.
• Zregistrowane Service Workers: Klikńće na about:serviceworkers, zo byšće widźał, hač funkcija Service Workers je zmóžnjena abo nic a hač aktualne URL za workers su zregistrowane. Service workers so za webpolěpšenja kaž push-zdźělenki wužiwaja.

• Multiprocesowe wokna: To wjacore wokna multiprocesoweho Firefox pokazuje (jeli su tajke) a cyłkownu ličbu woknow, kotrež su wočinjene.
• Wokna Fission: To wam ličbu woknow sydłoweje izolacije (Fission) pokazuje (jeli tajke su), cyłkownu ličbu woknow, kotrež su wočinjene a přičina, čehodla tuta funkcija je zmóžnjena abo znjemóžnjena. Hdyž Firefox na přikład je w modusu za rozrisowanje problemow a jedne wokno je wočinjene, zapisk 0/1 Přez wěsty modus znjemóžnjeny pokaza.

• Předewzaćelske prawidła: To pokazuje, hač waš wobhladowak so přez skupinske prawidła Windows abo dataju policies.json rjaduje. Jeli předewzaćelske prawidła Firefox rjaduja, klikńće na Aktiwny, zo byšće lisćinu prawidłow pokazał, kotrež su tuchwilu aktiwne we Firefox.

• Wěsty modus: To wam zdźěla, hač Firefox tuchwilu je w modusu za rozrisowanje problemow abo nic.
• Profile: Klikńće na about:profiles, zo byšće so k zrjadowakej profilow dóstał.

Spadowe rozprawy za zańdźene 3 dny

Tutón wotrězk nalistuje ID spadowych rozprawow, jeli tajke eksistuja, kotrež su so přez Rozprawjak spadow Mozilla w běhu zańdźenych třoch dnjow pósłali. Hdyž na jedyn z wotkazow z rozprawniskim ID kliknjeće, dóstanjeće so k webstronje z podrobnosćemi wo spadźe. Hdyž na wotkaz Wšě rozprawy wo spadach klikaće, dóstanjeće so k stronje about:crashes, kotraž wšě wotpósłane rozprawy wo spadach nalistuje. Zo byšće pomoc wo spadach dóstał, hlejće Problemy ze spadami Firefox rozrisać.

Funkcije Firefox

Někotre funkcije Firefox, na přikład Pocket a Firefox Screenshots, su jako rozšěrjenja instalowane, zo bychu so dali separatnje wot Firefox aktualizować. Tute rozšěrjenja (druhdy systemowe přidatki mjenowane) so w zrjadowaku přidatkow njenalistuja.

Přidatki

Rozšěrjenja su přidatki Firefox, kotrež přidatnu funkcionalnosć za Firefox k dispoziciji stajeja. Tutón wotrězk podawa mjeno kóždeho rozšěrjenja, jeho wersiju, hač je zmóžnjene a znamješkowy rjećazk jeho ID. Za dalše informacije wo rozrisowanju problemow z rozšěrjenjemi, kotrež sće instalował, čitajće nastawk Problemy z rozšěrjenjemi, drastami a hardwarowym pospěšenjom rozrisać.

Grafika

Firefox móže grafikowy procesor wašeho ličaka wužiwać, zo by zwobraznjowanje stronow z widejom a animaciju pospěšił, štož so hardwarowe pospěšenje mjenuje, a zo by WebGL-wobsah zwobraznił. Tutón wotrězk staja informacije wo grafikowym graće a ćěrjaku wašeho ličaka k dispoziciji a wam zdźěla, hač hardwarowe pospěšenje a WebGL stej w Firefox zmóžnjenej abo nic. Dźiwajće na to, zo grafikowe funkcije móža zestarjenych grafikowych ćěrjakow dla znjemóžnjene być. Za pomoc, kak móžeće swoje grafikowe ćěrjaki aktualizować, hlejće Kak móžu swoje grafikowe ćěrjaki aktualizować, zo bych hardwarowe pospěšenje a WebGL wužiwał?

Medije

Tutón wotrězk informacije wo wašim systemowym awdiu pokazuje. Pokazane informacije preferowane awdionastajenja wašeho dźěłoweho systema a tež zapodawanske (kaž mikrofony) a wudawanske (kaž wótřerěčaki a nahłowne słuchatka) awdiograty wopřimuja. Wottud móžeće tež status kóždeho grata a někotre informacije wo nastajenjach awdioformata widźeć. Za dalše informacije wo rozrisowanju awdioproblemow we Firefox hlejće nastawk What to do if Firefox won't play any sounds.

Wokolinowe wariable

W tutym wotrězku budźeće wokolinowe wariable widźeć, kotrež so wot Firefox wužiwaja, a jich hódnoty widźeć, na přikład wariablu MOZ_CRASHREPORTER_DATA_DIRECTORY, kotraž pokazuje, hdźež so daty spadoweje rozprawy na wašim ličaku składuja. Druhe wokolinowe wariable móža, jeli su stajene, zadźerženje Firefox změnić. Na přikład da so škit přećiwo zestopnjownju wobešoł, hdyž wokolinowu wariablu MOZ_ALLOW_DOWNGRADE stajeće, kaž so w nastawku Firefox za Enterprise wopisuje.

Eksperimentelne funkcije

Tutón wotrězk pokazuje, hač funkcije, kotrež maja za eksperimentelne, su zmóžnjene abo znjemóžnjene. Tute funkcije dadźa so w betawersiji Firefox, we wuwiwarskej wersiji a w Nightly zmóžnić, su wšak zwjetša w kónčnych wersijach po standardźe znjemóžnjene.

Wažne změnjene nastajenja

W tutym wotrězku widźiće lisćinu nastajenjow, kotrychž standardne hódnoty su so změnili. Tute informacije někomu pomhaja zhonić, kak sće swoju instalaciju Firefox přiměrił. Čitajće Nastajenja Firefox za rozrisowanje problemow wróćo stajić, zo byšće zhonił, kak móžeće nastajenja na jich standardne hódnoty wróćo stajić.

Wažne zawrjene nastajenja

W Firefox je móžno, wěste nastajenja zawrěć, zo njebychu so wot kónčneho wužiwarja změnili. To je w předewzaćelskich wokolinach z wašnjom. Za dalše informacije wo zawěranju nastajenjow hlejće dokumentaciju Firefox z pomocu AutoConfig přiměrić.

Datowa banka zapołožkow a historije

Firefox prawidłownje wothladowanje wašeje datoweje banki zapołožkow a historije přewjedźe. Wužiwajće tłóčatko Integritu přepruwować, zo byšće tute wothladowanje přewjedł, je-li trjeba. Jeli maće problemy ze zapołožkami a z historiju, budźe nastroj Integritu přepruwować snano pomhać.

Bjezbarjernosć

Tutón wotrězk pokazuje, hač sće softwaru za bjezbarjernosć w Firefox zmóžnił.

Wersije bibliotekow

Tutón wotrězk wam zdźěla, kotre wersije někotrych bibliotekow běžneho časa so wužiwaja.

Pěskowy kašćik

Za wěstotne a wukonowe zaměry je Mozilla projekt Electrolysis (husto e10s mjenowany) wutworił, zo by metodu z mjenom „sandboxing“ do Firefox implementował - metoda, z kotrejž wobsahowe procesy w izolowanej wokolinje, w tak mjenowanym „pěskowym kašćiku“, wotběhaja. To zawěsćuje, zo webwobsah w procesu wotběha, kotryž je separatny wot hłowneho programa Firefox. Tutón wotrězk wo informacijach rozrisowanja problemow podrobnosće wo wěstotnych runinach pěskoweho kašćika pokazuje. Hlejće stronu wo pěskowym kašćiku we wikiju Mozilla za dalše informacije wo funkciju pěskoweho kašćika w Firefox.

Internacionalizacija a lokalizacija

Tutón wotrězk informacije wo rěčnych a regionalnych nastajenjach we Firefox a wašim dźěłowym systemje pokazuje. Za dalše informacije wo wužiwanju rěčnych pakćikow hlejće nastawk Firefox w druhej rěči wužiwać.

Ćišćenje

Tłóčatko Składowane ćišćerske nastajenja zhašeć w tutym wotrězku wam zmóžnja, wšě změnjene ćišćerske nastajenja wróćo stajić. To móhło pomhać, ćišćerske problemy w Firefox rozrisać.

Změnjene ćišćerske nastajenja

Tutón wotrězk změnjene ćišćerske nastajenja nalistuje.