Rozšěrjenja a drasty stej typaj přidatkow za Firefox. Tutón nastawk wujasnja, kak móžeće tute přidatki znjemóžnić abo wotstronić.

Rozšěrjenja znjemóžnić a wotstronić

Rozšěrjenja znjemóžnić

Při znjemóžnjenju so rozšěrjenje njewotstronja.

1. Klikńće na menijowe tłóčatko , potom na Přidatki a drasty a wubjerće Rozšěrjenja.
   • Strona Waše rozšěrjenja rjadować zrjadowaka přidatkow so w nowym rajtarku wočini.
2. Kulće přez lisćinu rozšěrjenjow.
3. Klikńće na módry suwak za rozšěrjenje, kotrež chceće znjemóžnić.

Zo byšće rozšěrjenje zaso zmóžnił, pytajće jo w lisćinje rozšěrjenjow a klikńće na suwak za wotpowědne rozšěrjenje. Suwak so módri, hdyž je zmóžnjeny.

Zo byšće rozšěrjenja znjemóžnił, kotrež su stronu noweho rajtark, nowe wokno abo startowu stronu změnili, hlejće Rozšěrjenje je wašu stronu noweho rajtarka změniło.

Rozšěrjenja wotstronić

1. Klikńće na menijowe tłóčatko , potom na Přidatki a drasty a wubjerće Rozšěrjenja.
   • Strona Waše rozšěrjenja rjadować zrjadowaka přidatkow so w nowym rajtarku wočini.
2. Kulće přez lisćinu rozšěrjenjow.
3. Klikńće na třidypkowy symbol za rozšěrjenje, kotrež chceće wotstronić a wubjerće Wotstronić.

   

Drasty znjemóžnić a wotstronić

Firefox standardnu systemowu drastu a opcionelnej barbowe kombinacije, swětłu a ćmowu drastu a Alpenglow sobu přinjese, ale móžeće nowe drasty přidać. Za dalše informacije hlejće Z drastami zwonkowny napohlad Firefox změnić.

Drasty znjemóžnić

Klikńće na menijowe tłóčatko , potom na Přidatki a drasty a wubjerće Drasty.

• Strona Waše drasty rjadować zrjadowaka přidatkow so w nowym rajtarku wočini.

Budźeće jednu zmóžnjenu drastu a lisćinu znjemóžnjenychskładowanych drastow widźeć.

Hdyž zmóžnjena drasta standardna systemowa drasta njeje, móžeće ju znjemóžnić, hdyž na Znjemóžnić klikaće.

To systemowu drastu zmóžni.

Drasty wotstronić

Njemóžeće drasty wotstronić, kotrež Firefox sobu přinjese ( barbowe kombinacije, systemowa, swětła, ćmowa drasta a drasta Alpenglow), ale móžeće drasty wotstronić, kotrež sće Firefox přidał. Zo byšće přidatu drastu wotstronił:

1. Klikńće na menijowe tłóčatko , potom na Přidatki a drasty a wubjerće Drasty.
   • Strona Waše drasty rjadować zrjadowaka přidatkow so w nowym rajtarku wočini.
2. Klikńće na třidypkowy symbol drasty, kotruž chceće wotstronić a wubjerće potom Wotstronić.

   

Rozrisowanje problemow

• Jeli njemóžeće rozšěrjenje abo drastu wotstronić, hlejće Cannot remove an add-on (extension or theme).
• Za pomoc při diagnosticěrowanju problemow zawinowanych přez rozšěrjenja a drasty, hlejće Problemy z rozšěrjenjemi, drastami a hardwarowym pospěšenjom rozrisać.
• Hlejće rozrisowanje přidatkow za dalšu pomoc.