Firefox składuje waše wosobinske informacije kaž na přikład zapołožki, hesła a wužiwarske nastajenja w sadźbje datajow, we wašim profilu, kotryž so na wosebitym městnje składuje, dźěleny wot programowych datajow. Móžeće wjacore profile Firefox měć, kóždy wobsahuje swójsku sadźbu wužiwarskich datow. Profilowy zrjadowak wam zmóžnja, profile załožić, wotstronić, přemjenować a wuměnić.

• Jeli wjacore instalacije Firefox na jednym ličaku maće (abo chceće měć), hlejće Separatne profile za kóždu instalaciju Firefox.
• Jeli problem z Firefox rozrisujeće: Funkcija Firefox wobnowić móže wjele problemow přez wobnowjenje standardneho stawa Firefox rozrisać a składuje při tym waše najwažniše daty. Rozwažće tutu móžnosć, prjedy hač dołho za zawinu a rozrisanjom problema pytaće.

Profilowy zrjadowak startować

Profile rjadować, hdyž Firefox je wočinjeny

Zapodajće about:profiles do adresoweho pola a tłóčće tastu Enter⏎. Strona Wo profilach so wočini hdźež móžeće profile Firefox wobhladać, załožić a rjadować.

Strona Wo profilach (about:profiles) slědowace nastajenja wobsahuje:

• Nowy profil załožić Klikńće na to a slědujće namołwam w asistenće załoženja profilow (hlejće wotrězk Profil załožić deleka za podrobnosće). Po tym zo sće nowy profil załožił, budźe so w zrjadowaku profilow pokazować. Nowy profil budźe standardny profil a budźe so wužiwać, hdyž Firefox přichodny raz startujeće.

Zo byšće profile rjadował, pytajće profil, kotryž chceće změnić a wubjerće jedne z tłóčatkow pod tutym profilom:

• Přemjenować Klikńće na to, zo byšće w zrjadowaku profilow mjeno profila změnił. Kedźbu: To rjadowak, kotryž dataje za profil wobsahuje, njepřemjenuje.
• Wotstronić Klikńće na to, zo byšće profil zhašał. (Profil, kotryž so runje wužiwa, njeda so zhašeć.) Dataje njezhašeć je preferowane nastajenje. Hlejće wotrězk Profil wotstronić deleka za dalše informacije.
• Jako standardny profil nastajić Tute nastajenje wam zmóžnja, profile wuměnić. Klikńće na to, zo by Firefox po startowanju tutón profil po standardźe wužiwał.
• Profil w nowym wobhladowaku startować Hdyž na to kliknjeće, so druhe wokno Firefox wočini, kotrež tutón profil wužiwa.

Zrjadowak profilow startować, hdyž Firefox je začinjeny

Jeli wjacore instalacije Firefox maće, hlejće deleka.

1. Jeli Firefox je wočinjeny, začińće Firefox: Klikńće na meni Firefox a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox a wubjerće Skónčić.
2. Tłóčće + R na tastaturje. Dialog „Ausführen“ so wočini.
3. Zapodajće
   firefox.exe -P do zapodawanskeho pola „Ausführen“:
   Móžeće -P, -p abo -ProfileManager wužiwać (jedyn z nich dyrbjał fungować).
4. Klikńće na OK. Wokno Firefox Wužiwarski profil wubrać dyrbjało so wočinić.

Pokiw: Nimo toho móžeće zrjadowak profilow z pytanskeho pola startoweho menija Windows startować. Začińće Firefox (jeli wočinjeny), tłóčće , zapodajće firefox.exe -P a tłóčće Enter.

Jeli instrukcije horjeka njefunguja abo maće wjacore instalacije Firefox, wužiwajće město toho slědowace instrukcije.

Wjacore instalacije Firefox

Móžeće wjacore programy Firefox na rozdźělnych městnach instalować. Zo byšće zrjadowak profilow za wěstu instalaciju Firefox startował, wuměńće firefox.exe w instrukcijach horjeka z dospołnej šćežku k programej Firefox, stajće tu linku do pazorkow a přidajće potom mjezotu, slědowanu přez -P.

Přikłady:
Firefox (32-bitowy) na 64-bitowym Windowsu
"C:\Programme (x86)\Mozilla Firefox\firefox.exe" -P Firefox (32-bitowy) na 32-bitowym Windowsu (abo 64-bitowy Firefox na 64-bitowym Windowsu)
"C:\Programme\Mozilla Firefox\firefox.exe" -P

Jeli so wokno zrjadowaka profilow hišće njewočinja, Firefox snano w pozadku běži, samo hdyž widźomny njeje. Začińće wšě instancy Firefox abo startujće ličak znowa a spytajće potom hišće raz.

Profil załožić, wotstronić a přemjenować

Móžeće profil pak z wokna Wužiwarski profil, hdyž Firefox je začinjeny pak ze strony Wo profilach, hdyž Firefox je wočinjeny takle załožić, wotstronić abo přemjenować:

Profil załožić

1. Klikńće na tłóčatko Profil załožić… we woknje Wužiwarski profil wubrać abo klikńće na tłóčatko Nowy profil załožić na stronje Wo profilach, zo byšće asistent za załoženje profilow startował.
2. Klikńće na Dale a zapodajće mjeno profila. Wužiwajće profilowe mjeno, kotrež je wurazliwe, na přikład swoje wosobinske mjeno. Tute mjeno so w interneće njepokaza.

   

3. Ignorujće namołwu Rjadowak wubrać, chibazo chceće wubrać, hdźež ma so profil na wašim ličaku składować.
   Warnowanje: Jeli swójski rjadowak za profil wubrał, wubjerće nowy abo prózdny rjadowak. Jeli rjadowak wubjerjeće, kotryž prózdny njeje a wy pozdźišo profil wotstroniće a potom Dataje zhašeć wubjerjeće, so wšitko znutřka rjadowaka zhaša.
4. Zo byšće nowy profil załožił, klikńće na DokónčićHotowo.

Dóstanjeće so wróćo k woknu Wužiwarski profil wubrać abo stronje Wo profilach, hdźež so nowy profil nalistuje. Hdyž Firefox prěni raz z nowym profilom startujeće, dóstanjeće namołwu, so pola konta Mozilla přizjewić, zo byšće móhł swoje daty z nowym profilom synchronizować (hlejće deleka).

Profil wotstronić

Móžeće eksistowacy profil na slědowace wašnje wotstronić:

1. Wubjerće profil, kotryž chceće wotstronić a klikńće na Profil zhašeć… we woknje Wužiwarski profil wubrać abo klikńće na tłóčatko Wotstronić na stronje Wo profilach pod mjenom profila, kotryž chceće zhašeć.
2. Wobkrućće, zo chceće profil zhašeć:

   

   • Dataje njezhašeć wotstronja profil ze zrjadowaka profilow, wobchowuje wšak dataje profilowych datow na wašim ličaku w składowanskim rjadowaku, zo njebychu so waše informacije zhubili. Dataje njezhašeć je preferowana móžnosć, dokelž rjadowak stareho profila składuje a wam zmóžnja, dataje w nowym profilu wobchować.
   • Dataje zhašeć wotstronja profil a jeho dataje, mjez nimi profilowe zapołožki, nastajenja, hesła atd. Jeli móžnosć Dataje zhašeć wužiwaće, so profilowy rjadowak a dataje zhašeja. Tuta akcija njeda so cofnyć.
   • Přetorhnyć zhašenje profila přetorhnje.

Profil přemjenować

Móžeće profil na slědowace wašnje přemjenować:

1. Wubjerće profil, kotryž chceće wotstronić a klikńće na Profil přemjenować… we woknje Wužiwarski profil wubrać abo klikńće na tłóčatko Přemjenować na stronje Wo profilach pod mjenom profila, kotryž chceće přemjenować.
2. Zapodajće nowe mjeno za profil. Zapisajće nowe mjeno profila a klikńće na W porjadku.
   • Kedźbu: Rjadowak, kotryž dataje za profil wobsahuje, so njepřemjenuje.

   

Nastajenja

Tute nastajenja su jenož k dispoziciji, hdyž zrjadowak profilow startujeće, hdyž firefox je začinjeny.

Wobraz "fx102ProfileMgr" njeeksistuje.

Offline dźěłać

Hdyž tute nastajenje wuběraće, so wubrany profil začituje a Firefox so startuje bjez toho, zo by z internetom zwjazał. Móžeće sej do toho wopytane webstrony wobhladować a ze swojim profilom eksperimentować.

Wubrany profil wužiwać bjez toho, zo by so při startowanju prašało

Hdyž maće wjacore profile, postaja tute nastajenje, štož Firefox ma při startowanju činić:

• Jeli hóčku pódla tutoho nastajenja stajiće, budźe Firefox awtomatisce wubrany profil začitować. Zo byšće přistup k druhim profilam měł, dyrbiće najprjedy zrjadowak profilow startować.
• Jeli hóčku za tute nastajenje wotstroniće, budźe wam Firefox, kóždy raz, hdyž Firefox startujeće, zrjadowak profilow pokazować, zo byšće móhł profil wubrać, kotryž ma so wužiwać.

Sync z nowym profilom wužiwać

Móžeće swój nowy profil z druhimi profilemi Firefox a gratami synchronizować. Za dalše informacije hlejće Kak zarjaduju Sync na swojim ličaku? a Kotre typy informacijow móžu z Firefox synchronizować?.

Profil přesunyć

Zo byšće swoje daty a nastajenja do druheje instalacije Firefox kopěrował (na přikład hdyž nowy ličak dóstawaće), dyrbiće waš profil Firefox zawěsćić a potom na swojim nowym městnje wobnowić. Za instrukcije hlejće Daty w profilach Firefox zawěsćić a wobnowić.

Daty ze stareho profila wobnowić

Jeli maće wažne daty ze stareho profila Firefox, na přikład zapołožki, hesła abo wužiwarske nastajenja, móžeće te daty do noweho profila Firefox přenošować, kopěrujo wotpowědne dataje. Za instrukcije hlejće Wažne daty ze stareho profila wobnowić. Móžeće so tež k předchadnemu profilej wróćić, zo byšće stare profilowe daty wobnowił. Hlejće Wužiwarske daty wobnowić, kotrež po aktualizaciji Firefox faluja za podrobnosće.