Gaž do adresowego póla abo pytańskego póla pišośo, Firefox relewantne pytańske wuraze abo rozwězańske tłocaški nastupajucy nadawk abo wótegrono, za kótarymž pytaśo, naraźujo. Gaž su pytańske naraźenja zmóžnjone, se tekst, kótaryž zapódawaśo, na standardnu pytnicu sćelo. Toś ta pytnica słowa analyzěrujo a pokazujo na zakłaźe pytańskego wuraza lisćinu woblubowanych wuslědkow.

Kak pytańske naraźenja funkcioněruju

Jolic pytańske naraźenje wiźiśo, kótarež wašomu pytańskemu wurazoju wótpowědujo, klikniśo na njo, aby wuslědki za toś to pytański wuraz wiźeł. To móžo cas zažariś a wam pomagaś, to malsnje namakaś, za cymž pytaśo, mimo aby musył wjele pisaś.

Gaž zmóžnjaśo pytańske naraźenja, budu se klucowe słowa, kótarež zapisujośo do pytańskego póla, na standardnu pytnicu słaś – snaźkuli zda se, až zapisujośo URL abo hostmě.

Pytanja daju se zapódaś do:

• adresowego póla
• pytańskego póla, jolic jo w symbolowej rědce zmóžnjone
• pytańskego póla na boku nowego rejtarika

Standardna pytnica móžo toś te informacije pó swójich pšawidłach priwatnosći gromaźiś. Wužywarje, kótarež su pśez toś te zgromaźone informacije pótrjefjone, njokśě, až se pytańske naraźenja zmóžnjaju abo kśě snaź druhu standardnu pytnicu wužywaś, kótaraž ma druge pšawidła priwatnosći.

Pytańske naraźenja su pó standarźe w priwatnem modusu znjemóžnjone. Musyśo toś tu funkciju we woknje priwatnego modusa eksplicitnje zmóžniś, aby je w priwatnem modusu wužywał. Móžośo pytańske naraźenja za wšykne priwatne wokna we woknje „Pytaś“ w nastajenjach Firefox (glejśo dołojce) zmóžniś.

Pytańske naraźenja zmóžniś abo znjemóžniś

Móžośo pytańske naraźenja kuždy cas zmóžniś abo znjemóžniś.

Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk a wubjeŕśo NastajenjaNastajenja.Klikniśo na menijowy tłocašk a wubjeŕśo Nastajenja.

• Aby pytańske naraźenja we wuběrańskej lisćinje adresowego póla wiźeł, stajśo kokulku do kašćika pódla Pytańske naraźenja we wuslědkach adresowego póla pokazaś.
• Aby pytańske naraźenja pśed pśeglědowańskeju historiju pokazał, stajśo kokulku pódla Pytańske naraźenja pśed pśeglědowańskeju historiju we wuslědkach adresowego póla pokazaś.
• Aby pytańske naraźenja w priwatnych woknach pokazał, stajśo kokulku pódla Pytańske naraźenja w priwatnych woknach pokazaś.

Naraźenja pytańskeje historije

Gaž Firefox wustupowanje we wašych pjerwjejšnych pytanjach namakajo, móžo naraźenja pytańskeje historije nad naraźenjami pokazaś, kótarež jo se rowno z wašogo pytańskego sedła wobstarał. Naraźenja se ze zegerowym symbolom markěruju.

Gaž se wótpowědniki awtowudopołnjenja adresowego póla pśigódne wustupowanja namakaju, móžo Firefox do dweju naraźenjowu pytnice z naraźenjami z pytańskeje historije wuměniś. Dynamiske naraźenja se z lupowym symbolom markěruju.

Cytajśo Clear recent searches from the Search bar, jolic cośo wěźeś, kak se jadnotliwe naraźenja abo wšykne naraźenja z pytańskeje historije wulašowaś. Jolic njocośo pjerwjejšne pytańske wuraze w pytańskej historiji składowaś, móžośo formularnu a pytańsku historiju znjemóžniś. Slědujśo kšacam w nastawku Awtomatiske wudopołnjowanje formularow („Awtomatiske wudopołnjenje znjemóžniś a Firefox składowanje dalšnych formularnych zapiskow zawoboraś“).

Naraźenja za rozwězański tłocašk Firefox

Gaž wěste nadawki do adresowego póla zapódawaśo, ako na pśikład Firefox ześěgnuś abo aktualizěrowaś, mógu naraźenja rozwězański tłocašk pokazaś, aby ten nadawk direktnje z pytańskego póla wuwjadł. Jolic na pśikład „update firefox“ zapódawaśo, se rozwězański tłocašk pokažo, aby wy aktualizěrował.