Adresowe pólo wam wólažcujo to namakaś, za cymž pytaśo. Zapódajśo pytańske wuraze abo wěstu webadresu, aby pytańske naraźenja swóje nejcesćej woglědane sedła, cytańske znamjenja, historiju a pytnice dostał — wšykno w tom samskem pólu.
Móžośo Firefox teke aktualizěrowaś abo wugbaśowe problemy direktnje z pytańskich wuslědkow rozwězaś. Pśi składnosći móžośo pokaz z Firefox wiźeś, kak móžośo pśi pytanju cas zažariś.
Cytajśo dalej, aby wěcej wó mócnych funkcijach adresowego póla zgónił.
Zapis wopśimjeśa
Ze standardneju pytnicu pytaś
Gaž z pomocu adresowego póla pytaśo, se waša standardna pytnica wužywa. Zapódajśo pšosym swój pytański wuraz do adresowego póla a tłocćo Enter⏎.
Aby swóju standardnu pytnicu změnił, glejśo Standardne pytańske nastajenja w Firefox změniś.
Pśistup k wašym nejcesćej woglědanym sedłam z adresowego póla
Waše Nejcesćej woglědane sedłaNejcesćej woglědane sedła su su te, ku kótarymž se nejcesćej woglědujośo (kombinacija njedawno a nejcesćej woglědanych sedłow), ako teke sedła, kótarež sćo pśipěł pśipěł. Maśo pśistup k swójim nejlubšym bokam z wuběrańskeje lisćiny, gaž do adresowego póla klikaśo. Jolic sćo Firefox prědny raz instalěrował, se sedła na kradu wažnych městnach pó standarźe naraźuju.
Nejcesćej woglědane sedła se w tom samskem pórěźe ako zwězańske kachlicki na wašom boku nowego rejtarika pokazuju.(móžośo je na wašom boku nowego rejtarika pśiměriś).
Pytańske skrotconki
Gaž do adresowego póla klikaśo a pytnicu z wuběrańskeje lisćiny wuběraśo (na pśikład Google abo Amazon) se w adresowem pólu skrotconka (na pśikład @amazon) zjawijo, aby wy mógał pytanje pśewjasć, bźez togo aby pytański bok zacytał. Zapódajśo jadnorje swój pytański wuraz za skrotconku pytnice, aby swóje pytanje pśewjadł (na pśikład @amazon Kinderbücher). Gaž @ do adresowego póla zapódawaśo, se lisćina wšych skrotconkow pytnice pokazujo, kótarež se z @ zachopinaju. Tłocćo ↓ abo klikniśo na nju, aby taku wubrał.
Móžośo teke skrotconki wužywaś, aby dodanki Firefox, cytańske znamjenja (*), rejtariki (%) a historiju (^) pśepytał.
Pokaz: Jolic njocośo myšku wužywaś abo pytańska skrotconka se w lisćinje njepokazujo, móžośo skrotconku pytnice abo jadnorje prědny źěl (na pśikład @a abo @amazon) zapódaś a tłocćo pótom Enter⏎ a zapódajśo swój pytański wuraz.
Alternatiwne pytnice
Gaž zachopinaśo, pytański wuraz do adresowego póla zapódawaś, buźośo symbole za druge pytnice wiźeś, kótarež móžośo wužywaś:
Móžośo alternatiwnu pytnicu wubraś a ju za pytanje z jadnym kliknjenim wužywaś, jolic njocośo aktualnu standardnu pytnicu wužywaś.
Móžośo teke pytnicu wubraś, gaž Alt + ↓ abo Alt + ↑⌥ + ↓ abo ⌥ + ↑ wóspjet tłocyśo.
Za dalšne informacije wó wužywanju alternatiwnych pytnicow glejśo Standardne pytańske nastajenja w Firefox změniś.
Druge pytanje wužywaś
Gaž pytański wuraz do adresowego póla zapódawaśo, buźośo symbole wiźeś, z kótarymiž móžośo město togo pytaś: druge pytnice, dodanki Firefox, cytańske znamjenja, rejtariki abo historija.
Móžośo alternatiwny pytański typ wubraś a jen za swójo pytanje z jadnym kliknjenim wužywaś, jolic njocośo aktualne standardne pytanje wužywaś.
Móžośo teke z pomocu tastowych skrotconkow Alt + ↓ abo Alt + ↑⌥ + ↓ abo ⌥ + ↑ wóspjet pytaś.
Za dalšne informacije wó wužywanju alternatiwnych pytnicow glejśo Standardne pytańske nastajenja w Firefox změniś.
Pytańske naraźenja
Firefox wam relewantne pytańske wuraze a samo rozwězanja nastupajucy wótegrono abo nadawk, za kótarymž pytaśo. How su někotare pśikłady pytańskich naraźenjow.
Naraźenja klucowych słowow
Gaž pytanje w adresowem pólu startujośo, Firefox relewantne woblubowane pytanja naraźujo, kótarež su se pśewjadli pśez pytnice ako Google, Bing atd. Gaž pytańske naraźenja su zmóžnjone, se tekst, kótaryž zapódawaśo, na standardnu pytnicu sćelo, kótarež słowa analyzěrujo a lisćinu pódobnych pytanjow pokazujo.
Pišćo ? pśed swójim zapódaśim (na pśikład ?mozilla support)
- jolic cośo jano pytańske naraźenja wiźeś
- abo jolic cośo pytańske naraźenja wiźeś, lěcrownož nastajenje „Pytańske naraźenja we wuslědkach adresowego póla pokazaś“ jo znjemóžnjone (ale nastajenje „Pytańske naraźenja pódaś“ musy zmóžnjone byś).
Gaž pytańsku skrotconku wužywaśo, naraźenja klucowych słowow z wubraneje pytnice póchadaju.
Inteligentne klucowe słowa naraźenja klucowych słowow njecynje.
Sedłowe naraźenja
Gaž do adresowego póla pišćo, móžo Firefox relewantne sedłowe naraźenja póbitowaś, na pśikład websedła z pśeglědowańskeje historije, cytańske znamjenja a wócynjone rejtariki, aby wam pomagał, malsnje a lažko pó webje nawigěrowaś. Móžośo informacije lažko namakaś a tam se dostaś, źož cośo malsnjej pśeglědowaś. Aby wěcej zgónił, glejśo Navigate the Web faster with Firefox Suggest.
Awtomatiske wudopołnjenje URL
Gaž webadresu abo pytański wuraz do adresowego póla zapódawaśo, funkcija awtowudopołnjenja URL awtomatiski dokóńcyjo, což na zakłaźe pśitrjefjecych websedłow we wašych cytańskich znamjenjach, historiji abo woblubowanych websedłach zapódawaśo. To wam zmóžnja, websedła z jano mało tłocenjami tasty (myška njejo trjebna). Tłocćo jadnorje Enter⏎, gaž Firefox wótpowědnik namakajo.
Pśi pytanju awtowudopołnjenjeju URL zajźowaś
Jolic se pytański wuraz awtomatiski do webadrese wudopołnjujo, ku kótarejž njocośo se woglědaś, tłocćo Entf, Backspacedelete abo Space nježli až Enter⏎ tłocyśo.
Móžośo teke swój pytański wuraz z ? zachopiś, aby awtowudopołnjenjeju zajźował (na pśikład: "?mozilla.org"). To teke tomu zajźujo, až wašo pytanje cytańske znamjenja, inteligentne klucowe słowa a pytańske skrotconki awtomatiski wudopołnjujo.
Tłocaški za rozwězanja Firefox
Firefox wam zmóžnja, rozwězanja za ceste nadawki dostaś, na pśikład ześěgowanje, aktualizěrowanje abo rozwězowanje problemow z Firefox. Gaž nadawk zapódawaśo, buźo Firefox rozwězanje naraźiś, aby mógał problem rozwězaś a z tym dalej cyniś, což jo wam wažne.
Pśikład: Zapódawanje „downlaod Firefox“, gaž sćo južo instalěrował Firefox.
