Adresowe pólo w Firefox awtomatiski wudopołniś

Wersijowe informacije
  • Wersijowy ID: 110764
  • Napórany:
  • Awtor: milupo
  • Komentar: translation updated
  • Pśeglědany: Jo
  • Pśeglědany:
  • Pśeglědany wót: milupo
  • Jo pśizwólony? Jo
  • Jo to aktualna wersija? Ně
  • Gótowy za pśełožowanje: Ně
Žrědłowy kod wersije
Wopśimjeśe wersije

Adresowe pólo Firefox pokazujo adresu websedła (URL). Pomjenujomy jo inteligentne adresowe pólo, dokulaž markujo se websedła, ku kótarymž sćo se woglědał, wugódajo, źož cośo se dostaś a pokazujo lisćinu z naraźonymi sedłami, z kótarychž móžośo wubraś. Šym cesćej to wužywaśo, śim lěpše buźo. Toś ten nastawk wujasnja, kak awtomatiske wudopołnjenje funkcioněrujo z adresowym pólom a kak móžośo toś tu funkciju ned wužywaś.

Adresowe pólo Firefox pokazujo adresu websedła (URL). Pomjenujomy jo inteligentne adresowe pólo, dokulaž markujo se websedła, ku kótarymž sćo se woglědał, wugódajo, źož cośo se dostaś a pokazujo lisćinu z naraźonymi sedłami a pytanjami, z kótarychž móžośo wubraś. Šym cesćej to wužywaśo, śim lěpše buźo. Toś ten nastawk wujasnja, kak awtomatiske wudopołnjenje funkcioněrujo z adresowym pólom a kak móžośo toś tu funkciju ned wužywaś.

Móžośo adresowe pólo teke za hynakše pytanja wužywaś. Za dalšne informacije glejśo:

Kak lisćina awtowudopołnjenja se wužywa

Gaž zapódawaśo něco do adresowego póla, wócynja se wuběrańska lisćina awtowudopołnjenja a pokazujo sedła z wašeje pśeglědowańskeje historije ako teke sedła, za kótarež sćo cytánske znamjenja składował a kótarež sćo z wobznamjenjami wóznamjenił. Wótpowědne zapśimjeśa se wuzwiguju, aby mógał lisćinu wuslědkow lažko pśepytowaś. Gaž wiźiśo póžědane sedło, klikniśo na njo abo wužywajśo šypkowej tasće „górjej“ a „dołoj“ na swójej tastaturje, aby jo wuzwignuł a tłocćo pótom EnterReturn.

Awesome 29 - WinAwesome 29 - MacAwesome 29 - Lin

Źěl zapiska, kótaryž maka se k wašomu zapódaśeju, pokažo se tucnje. Adresowe pólo pokažo góźbne wuslědki za

  • Webadrese a titele bokow z wašeje historije
  • Titele bokow, webadrese a wobznamjenja z wašych cytańskich znamjenjow
  • Boki, kótarež su tuchylu w drugich rejtarkach wócynjone (glejśo dołojce pód K rejtarkoju pśejś)

Adresowe pólo wuknjo z wašogo pśeglědowańskego zaźaržanja. Pśiměrja wuslědki, za tym ako cesto woglědujośo se ku kuždemu sedłoju, gdy jo se to slědny raz stało a na kótary wuslědk sćo pó zapódawanju znamuškow abo słowow kliknuł. Na toś ten nałog sedła, ku kótarymž sćo ceły cas woglědał, pokazuju se na zachopjeńku lisćiny, gaž zapódawaśo jano jadno znamuško.

Awtowudopołnjenje adresow

Pśidatnje k wuběrańskej lisćinje awtowudopołnjenje za sedło, ku kótarymž sćo se do togo woglědali, wudopołnjujo Firefox URL w adresowem pólu. Jolic zapisujośo na pśikład "dom", Firefox wudopołnjujo jen snaź k adresy "domowina.de", jolic sćo tomu sedłoju do togo woglědał. Tłocćo w toś tom paźe EnterReturn a dostanjośo se direktnje k toś tej adresy.

Autocomplete 29 - WinAutocomplete 29 - MacAutocomplete 29 - Lin

Awtowudopołnjenjeju zajźowaś

Jolic cośo funkciju znjemóžniś, až wudopołnjujo se URL awtomatiski, gaž zapisujośo do adresowego póla, móžośo nastajenje w konfiguraciskem editorje (bok about:config) změniś. Pśewjeźćo slědujuce kšace:

  1. Zapódajśo about:config do adresowego póla a tłocćo ↩↩.
    Warnowański bok se snaź zjawijo. Klikniśo na Akceptěrujom riziko!Riziko akceptěrowaś a pókšacowaś, aby k bokoju about:config šeł.
  2. Zapišćo górjejce na boku about:config autoFill do pytańskego póla (abo pśepytajśo lisćinu, aby nastajenje browser.urlbar.autoFill namakał).
  3. Klikniśo dwójcy na nastajenje browser.urlbar.autofill, aby jogo gódnotu na false stajił. (Móžośo pótom bok about:config zacyniś.)
Glědajśo: Toś to nastajenje wustatkujo se jano na funkciju awtowudopołnjenja URL w adresowem pólu. Aby awtowudopołnjeńske wuslědki z wuběrańskeje lisćiny pód adresowym pólom znjemóžnił abo wobgranicował, glejśo Kak mógu kontrolěrowaś, kótare wuslědki adresowe pólo mě pokazujo? (glejśo dołojce).

K rejtarkoju pśejś

Adresowe pólo pśepytujo teke wócynjone rejtarki, kótarež pokazujo wuslědki z rejtarkowym symbolom a tekstom „K rejtarkej pśejś“. Gaž wuběraśo toś te wuslědki, pśejźo Firefox k južo wócynjonemu rejtarkoju město togo, aby duplikat wócynil.

Switch tab 29 - WinSwitch tab 29 - MacSwitch tab 29 - Lin
Aby nastajenje „K rejtarkoju pśejś“ nachylu znjemóžnił, tłocćo tastu ALT, mjaztym až kliknjośo na sedło w lisćinje awtowudopołnjenja, kótarež pokazujo se pód wašym adresowym pólom. Pśez to waš bok wócynijo se w nowem rejtarku, město w eksistujucem.

Web pśepytowaś

Jolic adresowe pólo njepokazujo žedne wuslědki, wóznamjenijo to jadnorje, až njejo nic we wašej historiji, wašych cytańskich znamjenjach abo wobznamjenjach, což se maka. Dobra powěsć jo, až njejsćo njegluku, dokulaž móžośo weto web direktnje z adresowego póla pśepytowaś. Tłocćo jadnorje EnterReturn a wuraz, kótaryž sćo do adresowego póla zapódał, buźo se z wašeju standardneju pytnicu pytaś. Za drobnostki glejśo Search the web from the Address Bar.

Kak mógu nejlěpše wuslědki dostaś?

  • Gaž cośo k websedłoju pśejś, ku kótaremuž sćo se do togo woglědał, zapódajśo někotare pismiki z jogo webadrese abo titela boka. Pśeglědujśo zapiski awtowudopołnjenja a pytajśo bok w lisćinje (zapódajśo drugi pismik, jolic njejo pódany). Tłocćo EnterReturn, aby k wubranej webadresy pśejšeł. Firefox pśiśpiwa toś tomu zapiskoju resp. wuslědkoju w pśichoźe wušu wažnosć.
  • Njewulašujśo pśeglědowańsku historiju - nejlěpše žrědło zapiskow awtowudopołnjenja jo zwětšego kombinacija z titela a webadrese. Gaž lašujośo pśeglědowańsku historiju, toś te zapiski wótpóraju se z wuslědkow.
  • Stajśo cytańske znamjenja a wóznamjeńśo cesto woglědane boki z wobznamjenjow. Adresowe pólo pyta za mjenim, kótarež sćo cytańskemu znamjenjeju dał a teke za wobznamjenjami, kótarež su z toś tym cytańskim znamjenim zwězane. Glejśo nastawk Z cytańskimi znamjenjami swóje nejlubše webboki składowaś za dalšne informacije wó tom, kak móžośo cytańske znamjenja w Firefox wužywaś. Móžośo swóje wuslědki awtowudopołnjenja pólěpšyś, gaž wóznamjenjujośo boki z wobznamjenjami, kótarež móžośo se lažko spomnjeś.

Kak mógu kontrolěrowaś, kótare wuslědki adresowe pólo mě pokazujo?

Nastajenja wašogo adresowego póla změniś

Móžośo funkciju awtowudopołnjenja adresowego póla znjemóžniś abo wuslědki wobgranicowaś, aby swóje wócynjone rejtarki, swóje cytańske znamjenja abo swóju historiju wuwzeł:

  1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk Fx57Menu a wubjeŕśo NastajenjaNastajenja.Klikniśo na menijowy tłocašk Fx89menuButton a wubjeŕśo Nastajenja.

  2. Wubjeŕśo wótrězk Priwatnosć.
    Awesome Privacy WinAwesome Privacy Mac
  3. Wubjeŕśo pódla Pśi wužywanju adresowego póla naraźiś: póžedane zapiski:
    • Historija a cytańske znamjenja: Wužywa pśeglědowańsku historiju a teke cytańske znamjenja w lisćinje awtowudopołnjenja.
    • Historija: Wužywa pśeglědowańsku historiju, cytańske znamjenja pak nic.
    • Cytańske znamjenja: Wužywa cytańske znamjenja w lisćinje awtowudopołnjenja, pśeglědowańsku historiju pak nic.
    • Nic: Znjemóžnja lisćinu awtowudopołnjenja.
  4. Zacyńśo bok about:preferences. Wšykne změny, kótarež sćo pśewjadł, budu se awtomatiski składowaś.

  1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk Fx57Menu a wubjeŕśo NastajenjaNastajenja.Klikniśo na menijowy tłocašk Fx89menuButton a wubjeŕśo Nastajenja.

  2. Wubjeŕśo wótrězk Priwatnosć.
  3. Wubjeŕśo pód adresowym pólom póžědane zapiski:
    location barlocation bar settings 43
    • Historija: Naraźujo sedła, ku kótarymž sćo se do togo woglědał.
    • Cytańske znamjenja: Naraźujo sedła, za kótarež sćo cytańske znamjenja składował.
    • Wócynjone rejtarki: Naraźujo sedła, kótarež su w drugich rejtarkach wócynjone.
    • Nastajenja za naraźenja pytnice změniś: Aby toś to nastajenje w adresowem pólu zmóžnił abo znjemóžnił, pótusniśo toś ten wótkaz, aby se do wótrězka Pytaś nastajenjow dostał. Stajśo kokulku pódla Pytańske naraźenja we wuslědkach adresowego póla pokazaś, aby pytańske naraźenja zmóžnił abo wótpórajśo kokulku, aby je znjemóžnił.
  4. Zacyńśo bok about:preferences. Wšykne změny, kótarež sćo pśewjadł, budu se awtomatiski składowaś.

Wuslědki awtowudopołnjenja wótpóraś

Jolic cośo zapisk z lisćiny awtowudopołnjenja wótpóraś:

  1. Wužywajśo, mjaztym až sćo w adresowem pólu, šypkowej tasće „górjej“ a „dołoj“ na swójej tastaturje, aby zapisk wuzwignuł.
  2. Tłocćo EntfUmsch+Entf, aby zapisk z lisćiny wótpórał.

Jolic cośo wšykne wusledki historije z lisćiny awtowudopołnjenja wótpóraś, wulašujśo pśeglědowańsku historiju Firefox. Glejśo nastawk Pśeglědowańsku, pytańsku a ześěgnjeńsku historiju lašowaś za instrukcije.

Pokaz: Zapiski awtowudopołnjenja z cytańskich znamjenjow njewótwónoźuju se z wuslědkow, jolic wopytujośo, je abo pśeglědowańsku historiju lašowaś. Toś te zapiski maju gwězdku. Aby toś te zapiski wótpórał, lašujśo zwězane cytańske znamje abo wuwzejśo cytańske znamjenja w nastajenjach adresowego póla.

Wuslědki we spěchu změniś

Jolic pytaśo wěstu družynu wuslědkow, ako na pś. cytańske znamje abo wobznamjenje, móžośo pytański proces póspěšyś, z tym až zapodawaśo w adresowem pólu wósebne znamuška za kuždym pytańskim wurazom, źělone pźez prozne znamuška:

  • Pśidajśo ^, aby wótpowědniki w swójej pśeglědowańskej historiji pytał.
  • Pśidajśo *, aby wótpowědniki w swójich cytańskich znamjenjach pytał.
  • Pśidajśo +, aby wótpowědniki w bokach pytał, kótarež sćo z wobznamjenjami wóznamjenił.
  • Pśidajśo %, aby wótpowědniki w tuchylu wócynjonych rejtarkach pytał.
  • Pśidajśo ~, aby wótpowědniki w bokach pytał, kótarež sćo zapódał.
  • Pśidajśo #, aby wótpowědniki w titelach bokow pytał.
  • Pśidajśo @, aby wótpowědniki we webadresach (URL) pytał.

Jolic na přikład pytaśo bok, za kotryž sćo cytańske znamje Pomoc Mozilla Firefox składował, móžośo mozilla zapódaś. Wuslědki awtowudopołnjenja se pokazuju, ale móžo byś, až póžědany bok se njepokazujo.

Móžośo swóje wuslědki jano na cytańske znamjenja wobgranicowaś, z tym až zapodawaśo pytański wuraz mozilla *.

Jolic maśo hyšći pśewjele wuslědkow, móžośo pytanje dalej wobgranicowaś, gaž pytaśo za wurazom mozilla * pomoc #. Něnto lisćina awtowudospołnjenja pokazujo jano boki z cytańskimi znamjenjami, kótarychž titel wopśimujo słowje mozilla a pomoc.