Cytańske znamjenja (w Microsoft Edge a Internet Explorer fawority pomjenjone) su wótkaze k webbokam, kótarež wam wólažcuju, se k nejlubšym bokam wrośiś. Toś ten nastawk zakłady wujasnja, kak móžośo cytańske znamjenja składowaś a zastojaś.

Kak mógu bok ako cytańske znamje składowaś?

Aby bok ako cytańske znamje składował, klikniśo jadnorje na gwězdku w adresowem pólu.

Gwězdka se módri, gaž se bok ako cytańske znamje składujo a wokno se wuskokujo, w kótaremž móžośo swójo cytańske znamje pomjeniś, pśesunuś abo wóznamjeniś.

Kak mógu mě abo městno cytańskego znamjenja změniś?

Aby drobnostki swójogo cytańskego znamjenja wobźěłał:

1. Klikniśo drugi raz na gwězdku, aby dialogowe pólo Cytańske znamje wobźěłaś wócynił.

   

2. W dialogowem pólu Cytańske znamje wobźěłaś móžośo slědujuce drobnostki změniś:
   • Mě: To jo mě, kótarež Firefox za cytańske znamje w meniju pokazujo.
   • Městno: Wubjeŕśo, do kótarego zarědnika ma se wašo cytańske znamje składowaś. Wubjeŕśo jaden z wuběrańskego menija (na pśikład meni cytańskich znamjenjow abo rědku cytańskich znamjenjow). W toś tom wuběrańskem meniju móžośo teke na Wubraś… kliknuś, aby lisćinu wšych zarědnikow cytańskich znamjenjow pokazał abo nowy zarědnik napórał.
     Pó standarźe so cytańske znamjenja do zarědnika składuju, kótaryž jo se ako slědny wužył (abo w rědce cytańskich znamjenjow, jolic swój prědny bok ako cytańske znamje składujośo).
   • Wobznamjenja:: Móžośo wobznamjenja wužywaś, kótarež wam pomagaju, swóje cytańske znamjenja pśepytowaś a organizěrowaś. Za dalšne informacije glejśo Bookmark Tags - Categorize bookmarks to make them easy to find.
3. Klikniśo na Składowaś, aby wobźěłowanje skóńcył a wokno zacynił.

Kak mógu cytańske znamje lašowaś?

Glejśo [[How do I delete a bookmark?]

Kak mógu swóje cytańske znamjenja organizěrowaś?

Wokno biblioteki wam zmóžnja, wšykne waše cytańske znamjenja se woglědaś a organizěrowaś. Móžośo wokno biblioteki cytańskich znamjenjow ako dołojce wopisane wócyniś.

Klikniśo na menijowy tłocašk Wobraz "fx57menu" njeeksistěrujo., aby menijowe wokno wócynił. Klikniśo na tłócašk biblioteki w swójej symbolowej rědce. (Jolic ju tam njewiźiśo, klikniśo na menijowy tłocašk Wobraz "fx57menu" njeeksistěrujo. a pótom na Bibliotekaklikniśoc na menijowy tłocašk Wobraz "fx89menuButton" njeeksistěrujo..) Klikniśo na Cytańske znamjenja a pótom na rědku Wšykne cytańske znamjenja pokazaśCytańske znamjenja zastojaś dołojce.

We woknje biblioteki cytańskich znamjenjow móžośo:

• Swóje cytańske znamjenja do drugich zarědnikow śěgnuś. Glejśo Use bookmark folders to organize your bookmarks, aby wěcej zgónił. Su někotare specielne zarědniki:
  • Meni cytańskich znamjenjow: Cytańske znamjenja w toś tom zarědniku se w meniju cytańskich znamjenjow bocnice Firefox a menijoweje rědki abo symboloweje rědki zjawiju.
  • Rědka cytańskich znamjenjow: Cytańske znamjenja w toś tom zarědniku se w rědce cytańskich znamjenjow zjawiju, gaž jo zmóžnjona.
• Sort your bookmarks to quickly find the ones you want
• Pytajśo swóje cytańske znamjenja pó mjenju.
• Wobźěłajśo drobnostki swójich cytańskich znamjenjow, mjazy nimi klucowe słowa (glejśo dołojce).
• Wócyńśo swóje cytańske znamjenja a a klikniśo dwójcy na nju.
• Zawěsććo, wótnowśo, eksportěrujśo abo importěrujśo swóje cytańske znamjenja.

Kak móžośo klucowe słowa z cytańskimi znamjenjami wužywaś

Aby lažki pśistup k swójim cytańskim znamjenjam dostał, móžośo klucowe słowa wužywaś. Gaž cytańskemu znamjenjeju klucowe słowo pśipokazujośo, móžośo jadnorje klucowe słowo do adresowego póla zapódaś a Enter⏎ tłocyś, aby cytańske znamje wócynił.

Aby cytańskemu znamjenjeju klucowe słowo pśipokazał:

1. Wócyńśo wokno biblioteki a wubjeŕśo cytańske znamje.
2. Klikniśo na pólo klucowego słowa dołojce we woknje.
3. Zapódajśo swójo póžedane klucowe słowo.
   • Klucowe słowo móžo pismiki, cyfry a wósebne znamuška wopśimowaś (na pśikład - _ ' " , . : ; = / \ ( ) [ ] { } ! & @ ~). Njesmějo prozne znamuška wopśimowaś a njesmějo se ze slědujucymi znamuškami zachopinaś abo kóńcyś: ? * ^ $ % # +
   • Klucowe słowo njesmějo to samske ako klucowe słowo pytnice bys. Jólic na pśikład pytnica klucowe słowo @g ma, njesmějo klucowe słowo cytańskego znamjenja @g byś, ale móžo g byś.
   • Jolic jo se wubrane klucowe słowo južo drugemu cytańskemu znamjenjeju pśipokazało, buźo se nowemu cytańskemu znamjenjeu pśipokazaś.

Kak mam pśistup k swójim cytańskim znamjenjam?

Z adresowym pólom pytaś

Zapišćo mě webboka do adresowego póla, aby boki pytał, kótarež sćo składł ako cytańske znamjenja. Gaž pišćo, se lisćina webbokow zjawijo, kótarež sćo składł ako cytańske znamjenja, wóznamjenił a ku kótarymž sćo se woglědał. Ako cytańske znamjenja skłaźone boki maju gwězdku pódla sebje. Klikniśo jadnorje na jaden z bokow a ned se tam dostanjośo. Aby wěcej zgónił, glejśo Adresowe pólo w Firefox awtomatiski wudopołniś.

Rědka cytańskich znamjenjow

Rědka cytańskich znamjenjow Firefox wam malsny pśistup k cesto wužytym cytańskim znamjenjam bitujo. Za nowe wužywarje se cytańske znamjenja pó standarźe how pódawaju.

Aby rědku cytańskich znamjenjow zmóžnił:

Aby wěcej zgónił glejśo Rědka cytańskich znamjenjow - Pokažćo swóje nejlubše websedła górjejce we woknje Firefox.

Zarědnik Druge cytańske znamjenja

Buźośo symbol zarědnika Druge cytańske znamjenja na kóńcu rědki cytańskich znamjenjow wiźeś, jolic zarědnik Druge cytańske znamjenja we wašej bibliotece cytańske znamjenja wopśimujo. To wólažcujo, cytańske znamjenja namakaś, kótarež w tom zarědniku skłaźone. Aby symbol zarědnika Druge cytańske znamjenja z rědki cytańskich znamjenjow wótwónoźeł, glejśo Remove the Other Bookmarks folder from the Bookmarks Toolbar.

Bocnica a meni Firefox

Maśo pśistup ku wšym swójim cytańskim znamjenjam z bocnice Firefox a z menija Cytańske znamjenja w menijowej rědce, jolic menijowa rědka jo zmóžnjona.

Kak mógu cytańske znamjenja z drugego wobglědowaka abo profila importěrowaś?

Firefox wam zmóžnja, cytańske znamjenja z drugich wobglědowakow importěrowaś, kótarež su na wašom licadle zainstalěrowane. Zmóžnja wam teke, druge daty z někotarych z tych wobglědowakow importěrowaś, na pśikład pśeglědowańsku historiju a skłaźone gronidła. Aby wěcej zgónił, glejśo Import data from another browser.

Pśidatne resurse

Zgóńśo wěcej wó tom, kak móžośo nejlěpše ze swójich cytańskich znamjenjow wuwónoźeś, glejśo slědujuce nastawki:

• Wótrězk Cytańske znamjenja z tastowych skrotconkow, aby wiźeł, kak móžośo malsny pśistup k rozdźělnym funkcijam cytańskich znamjenjow měł.
• Sync konfigurěrowaś, aby se cytańske znamjenja, wócynjone rejtariki a wěcej z drugim profilom, licadłom abo mobilnym rědom źělili