Сравнить ревизии

priwatnosć

Zgóńśo, kótarež informacije składujo se we wašej historiji Firefox a kak móžośo wšykne abo źěl lašowaś, jolic wužywaśo zjawne abo zgromadne licadło.

Gaž pśeglědujośo web, markujo se Firefox wjele informacijow za was – sedła, ku kótarymž sćo se woglědał, dataje, kótarež sćo ześěgnuł a wěcej. Toś te informacije pomjenjuju se historija. Jolic pak wužywaśo zjawne licadło abo źěliśo licadło z někim, njoćośo snaź, až druge luźe wiźe toś te informacije. Toś ten nastawk wujasnjujo, kótare informacije Firefox składujo w swójej historiji a dajo wam rozpokazanje kšac pó kšacu, kak móžośo wšykne toś te informacije abo jano źěl z nich lašowaś. * Aby Firefox nachylu pśestał, historiju składowaś, cytajśo pšosym [[Private Browsing - Use Firefox without saving history]]. __TOC__ = Co historija wopśimujo? = * '''Pśeglědowańska a ześěgnjeńska historija''': Pśeglědowańska historija jo lisćina sedłow, ku kótarymž sćo se woglědał a kótarež se w meniju Historija, w lisćinje Historija biblioteki, a w lisćinje [[Address bar autocomplete suggestions in Firefox|awtowudopołnjenja adresowego póla]] pokazuju. Ześěgnjeńska historija jo lisćina datajow, kótarež sćo ześěgnuł a kótarež se we [[Where to find and manage downloaded files in Firefox|woknje ześěgnjenjow]] pokazuju. * '''Formularna a pytańska historija''': Formularna historija wopśimujo zapiski, kótarež sćo do formularow na webbokach za [[Control whether Firefox automatically fills in forms with your information|awtowudopołnjenje formularow]] zapódał. Pytańska historija zapiski wopśimujo, kótarež sćo zapódał do pytańskego póla [[About the New Tab page|boka nowego rejtarika]] abo do [[Add the Search bar to your Firefox toolbar|pytańskego póla]] Firefox. * '''Cookieje''': [[Cookies - Information that websites store on your computer|Cookieje]] składuju informacije wó websedłach, ku kótarymž se woglědujośo, na pśikład nastajenja sedła abo pśizjawjeński status. Cookieje daju se teke wót tśeśich póbitowarjow wužywaś, aby was pśez sedła slědowali. Za dalšne informacije wó slědowanju. Glejśo [[How do I turn on the Do-not-track feature?]], aby wěcej wó slědowanju zgónił. * '''Aktiwne pśizjawjenja''': Jolic sćo zapódał wužywaŕske mě a gronidło za sedło, kótarež [https://wikipedia.org/wiki/Basic_access_authentication HTTP zakładnu awtentifikaciju] wužywa, wót togo, až sćo wócynił Firefox slědny raz, se toś to pśizjawjenje za „aktiwne“ naglědajo. Gaž jo lašujośo, buźośo se wót wšych sedłow wótzjawjaś, kótarež toś tu awtentifikacisku metodu wužywaju. Njebuźośo se wót websedła wótzjawjaś, kótarež cookieje wužywaju, aby pśizjawjeński status składowali.<!-- https://bugzilla.mozilla.org/show_bug.cgi?id=540516#c1 https://support.mozilla.org/en-US/questions/1362921#answer-1470984 https://support.mozilla.org/en-US/questions/960425 --> * '''Pufrowak''': Pufrowak składujo nachylne dataje, ako na pśikład webboki a druge medije online, kótarež jo Firefox z interneta ześěgnuł, aby zacytowanje bokow a sedłow póspěšował, kótarež sćo se južo woglědał. Za dalšne informacije glejśo [[How to clear the Firefox cache]]. *'''Daty websedłow offline''': Jolic sćo to dowólił, móžo websedło dataje na wašom licadle składowaś, aby wy mógał je dalej wužywaś, gaž njejsćo z internetom zwězany. * '''Sedłowe nastajenja''': Nastajenja wěstych sedłow, na pśikład skłaźony [[Font size and zoom - increase the size of web pages|skalěrowański]] schójźeńk za sedła, koděrowanje znamuškow a pšawa za sedła (na pś. wuwześa za blokěrowanje wuskokujucych woknow) wopisane we [[Firefox Page Info window#w_psawa|woknje Info wó boku]]. = Kak mógu swóju historiju lašowaś? = # {for fx89}[[Template:fx29menu]]{/for}{for not fx89}[[T:clicklibrary]]{/for} # Klikniśo na {menu Historija} a wubjeŕśo {menu Aktualnu historiju wuprozniś…}. # Wubjeŕśo, wjele z historije cośo lašowaś: #* Klikniśo na wuběrański meni pódla '''Cas za wuproznjenje''', aby wubrał, wjele ze swójeje historije cośo wulašowaś (zachadna góźina, zachadnej dwě góźinje, zachadne styri góźiny, źinsa abo wšykno). #:[[Image:fx100-ClearRecentHistory|width=450]] #*Wužywajśo kontrolne kašćiki, aby wubrał, kótare informacije cośo ze swójeje historije wulašowaś. Waše wuběrki se górjejce we wótrězku [[#w_sto-historija-wobsahuje|Co historija wopśimujo?]] wopisuju. # Klikniśo na tłocašk {button W pórěźe}. Wokno se zacynija a zapiski, kótarež sćo wubrał, se z wašeje historije lašuju. = Kak mógu swóju historiju awtomatiski lašowaś daś? = ''Jolic musyśo swóju historiju kuždy raz lašowaś, gaž wužywaśo Firefox, móžośo nastajiś, až historija se awtomatiski lašujo, gaž kóńcyśo Firefox. Tak njamóžośo to nigda zabyś.'' # [[T:optionspreferences]] #[[T:customhistory]] # Klikniśo do kašćika pódla '''Historiju wuprozniś, gaž Firefox se zacynja'''. #;[[Image:fx100-ClearHistoryFirefoxCloses|widtch=750]] # Aby pódał, kótare typy historije maju se lašowaś, klikniśo na tłocašk {button Nastajenja...} pódla '''Historiju wuprozniś, gaž Firefox se zacynja'''. #Wubjeŕśo we woknje '''Nastajenja za wuproznjenje historije''' zapiski, kótarež cośo kuždy raz awtomatiski lašowaś daś, gaž kóńcyśo Firefox.#; #;[[Image:fx100-SettingsClearingHistory|width=500]] # Za tym až sćo zapiski historije wubrał, kótarež cośo lašowaś, klikniśo na {button W pórěźe}, aby wokno '''Nastajenja za wuproznjenje historije''' zacynił. # [[T:closeOptionsPreferences]] Glědajśo: Pód wěstymi wuměnjenjami to njefunkcioněrujo: * ''Firefox njejo se normalnje zacynił.'' Jolic se Firefox wowalujo, musyśo Firefox znowego startowaś a normalnje skóńcyś, aby zawěsćił, až to funkcioněrujo. * ''Firefox awtomatiski priwatny modus wužywa.'' Historija, kótaraž jo se składła w normalnych pósejźenjach, dajo se jano z normalneho wokna wulašowaś. Aby mjazy normalnym modusom a awtomatiskim priwatnym modusom pśešaltował, glejśo [[Private Browsing - Use Firefox without saving history]]. = Jadnotliwe websedło z wašeje historije wótwónoźeś = #[[T:OpenHistoryLibrary]] #Aby za websedłom pytał, kótarež cośo z historije wótpóraś, zapódajśo jogo mě do póla '''Historiju pśepytaś''' górjejce napšawo a tłocćo pótom {for win,linux}{key &#x21A9;}{/for}{for mac}{key Return}{/for}. #{for win,linux}Klikniśo pótom z pšaweju tastu{/for}{for mac}Źaržćo pótom tastu {key Strg} tłoconu, mjaztym až kliknjośo{/for} w pytańskich wuslědkach na sedło, kótarež cośo wótpóraś a wubjeŕśo {menu Toś to sedło zabyś}.{warning}'''Wšykne elementy historije (pśeglědowaska a źeśěgnjeńska historija, cookieje, pufrowak, aktiwne pśizjawjenja, gronidła, skłaźone formularne daty, wuwześa za cookieje, wobraze, wuskokujuce wokna) za toś to sedło se wótpóraju.'''{/warning} #;{for win}[[Image:fx100-ForgetThisSite|width=550]]{/for}{for mac}[[Image:History Mac6]]{/for}{for linux}[[Image:History Lin6]]{/for} # Zacyńśo na kóńcu wokno biblioteki.