Сравнить ревизии

ubuntu linux

Toś ten nastawk pokažo, kak móžośo Firefox na Linux instalěrowaś.

Aby mógał Firefox na swójom licadle wužywał, musyśo jen nejpjerwjej instalěrowaś. Toś ten nastawk wam pokažo, kak móžośo Firefox na Linux instalěrowaś. Za druge źěłowe systemy glejśo: *[[Installing Firefox on Windows]] *[[Installing Firefox on Mac]] *[[Run Firefox on ChromeOS]] Wjele distribucijow Linux Firefox pó standarźe wopśimujo, lěcrownož nejwěcej ma zastojnik paketow - preferěrowana wašnja, Firefox instalěrowaś. Zastojnik paketow buźo: * zawěsćowaś, až maśo wšykne trěbne biblioteki * Firefox na wašnju instalěrowaś, kótaraž jo optimalna za wašu distribuciju * zwiski za startowanje Firefox twóriś * Firefox wšym wužywarjam wašogo licadła k dispoziciji stajaś * se wó to staraś, až Firefox wótpórajo se tak ako kužde druge nałoženje Paketowy zastojnik ma njelěpšyny: * Móžo byś, až njedostanjośo pśecej nejnowšu wersiju Firefox * Móžo byś, dostanjośo wersiju Firefox bźez pódaśa wikoweje marki Móžośo Firefox teke z pomocu Flatpak instalěrowaś. =Z Flatpak instalěrowaś= Flatpak jo nowy pakowański format za Linux. Aby Flatpak instalěrował, [https://flatpak.org/setup/ cytajśo instalěrowańske rozpokazanje FlatPak], wubjeŕśo swój źěłowy system a slědujśo instalěrowańskim kšacam. Gaž Flatpak jo zainstalěrowany, [https://flathub.org/apps/details/org.mozilla.firefox pśejźćo k bokoju Flathub Firefox] a klikniśo na tłocašk {button Instalěrowaś}. Gaž jo ześěgnjony, slědujśo instrukcijam pśikazoweje smužki dołojce na boku. Gaž Firefox jo z Flatpak zainstalěrowany, su aktualizacije awtomatiske, njetrjebaśo pótakem nic znowego instalěrowaś. ==Wěstu rěcnu wersiju ześěgnuś== Pśi instalěrowanju Flatpak (pśez pśikazowu smužku abo pśez URL-wótkaz Flathub), se lokale źěłowego systema pśeglědujo (a nic to wobglědowaka) a Flathub jano lokale sćelo, kótarež maju ten samski prefiks. Jolic na pśikład jo <code>LANG=en_US.UTF-8</code> buźo Flatpak lokale słaś, kótarež maju zgromadny prefiks <code>en</code>, pótakem <code>en-CA, en-GB</code> atd. Móžośo wěste lokale manuelnje ześěgnuś, na pśikład instalaciju za dolnoserbšćinu (dsb):<br> <code>flatpak update --subpath=/dsb org.mozilla.firefox.Locale</code> = Z pomocu zastojnika paketow instalěrowaś = Aby Firefox z pomocu zastojnika paketow instalěrował, cytajśo pšosym dokumentaciju swójeje distribucije Linux. = Bźez paketowego zastojnika instalěrowaś = Sedła pomocy za někotare distribucije maju dopołne instrukcije wó tom, kak móžośo Firefox instalěrowaś, bźez toho aby zastojnik paketow wužywał, lěcrownož móžo někotare informacije zestarjone byś<!--(L10n must translate and uncomment these extra words)--><!--, on the original page or in the translated version-->, na pśikład: * [http://wiki.ubuntuusers.de/Firefox/Installation Firefox na Ubuntu instalěrowaś] (nimski) * [https://help.ubuntu.com/community/FirefoxNewVersion Nowu wersiju Firefox instalěrowaś] (engelski) * [http://en.opensuse.org/Firefox Firefox na OpenSuse instalěrowaś] (engelski) Móžośo slědujucym instrukcijam slědowaś, aby na konśe kuždego wužywarja manuelnje instalěrował. {note} * '''Nježli až instalěrujośo Firefox''', pśeznańśo se, lěc su ''' [http://www.mozilla.org/firefox/system-requirements.html trěbne biblioteki]''' na wašom licadle zainstalěrowane. Jolic biblioteki feluju, njedajo se Firefox wuwjasć. * Instalaciska dataja, kótaruž Mozilla w formaśe '''.tar.bz2''' k dispoziciji staja, wopśimujo pśedkompilěrowane binarne dataje, na rozdźěl wót žrědłowych kodow. Njetrjebaśo program ze žrědłowego koda kompilěrowaś: Wupakujśo ju jadnorje a wuwjeźćo binarne dataje. * Slědujuce instrukcije budu Firefox do wašogo zapisa ''Home'' instalěrowaś. '''Jano aktualny wužywaŕ''' móžo '''jen wuwjasć'''.{/note} # Ześěgniśo Firefox ze [https://www.mozilla.org/firefox/linux/?utm_medium=referral&utm_source=support.mozilla.org ześěgnjeńskego boka Firefox] do swójogo zapisa ''Home''. # Wócyńśo '''terminal''' a źiśo k swójomu zapisoju ''Home'': #;<code>cd ~</code> # Ekstrahěrujśo wopśimjeśe ześěgnjoneje dataje: #;<code>tar xjf firefox-*.tar.bz2</code> # Zacyńśo Firefox, jolic jo wócynjony. # Aby Firefox startował, wuwjeźćo skript {filepath firefox} w zarědniku {filepath firefox}: #;<code>~/firefox/firefox</code> #;Firefox by měł se něnto startowaś. Móžośo pótom na desktopje symbol napóraś, aby toś ten pśikaz wuwjadł. # Njetrjebaśo instalacisku dataju zachowaś: #;<code>rm firefox-*.tar.bz2</code> == Zmólka libstdc++5 == Ako górjejce naspomnjete, musyśo [http://www.mozilla.org/firefox/system-requirements.html trěbne biblioteki] instalěrowaś, aby Firefox funkcioněrował. Wjele distribucijow pó standarźe biblioteku libstdc++5 njewopśimujo. == Powěźeńka "Firefox njejo zainstalěrowany" abo wopacna wersija Firefox se startujo == Jolic Firefox jo se pó górjejce naspomnjetych instrukcijach instalěrował, musyśo jen (na pśikład z '''terminala''' abo pśez zwisk na desktopje) z pomocu pśikaza <code>~/firefox/firefox</code> startowaś. Jolic wopytujośo, Firefox z pśikazom <code>firefox</code> z '''terminala''' startowaś, buźo se pak wersija Firefox startowaś, kótaruž jo paketowy zastojnik zainstalěrował pak dostanjośo powěźeńku, až Firefox njejo zainstalěrowany.