Сравнить ревизии

E-majlowe serwery wótpokazuju cesto powěsći z wjelikimi pśidankami. Thunderbird móžo składowańske słužby na zakłaźe weba wužywaś, aby wjelike datajowe pśidanki słał.

Wjele e-mailowych serwerow njeakceptěrujo powěsći z wjelikimi datajowymi pśidankami. Wobgranicowanje datajoweje wjelikosći wariěrujo pó konfiguraciji e-mailowego serwera. Samo gaby mógał powěsć z wjelikim pśidankom słaś, dostawajucy e-mailowy serwer by mógał powěsć z wjelikim pśidankom wótpokazaś. Thunderbird njama na to žeden wliw. Funkcija Filelink Thunderbird eliminěrujo toś ten problem pśez to, až staja pódpěru za składowańske słužby online k dispoziciji. Zmóžnja wam, pśidanki k składowańskej słužbje online nagraś a wuměnja pśidanki w powěsći pśez wótkaz. Dostawaŕ powěsći kliknjo na wótkaz, aby pśidank ześěgnuł. Ako pśidatny wužytk sćelu a dostawaju se wjelike dataje wó wjele malsnjej, a wój z dostawarjom žaritej rum na plaśe. Móžośo teke Filelink Thunderbird pśidatnje k [[how to use attachments|regularnym pśidankam]] wužywaś. Móžośo na pśikład małe dataje direktnje k powěsći pśidaś a Filelink za wjelike pśidanki w tej samskej powěsći wužywaś. Slědujuce instrukcije pokazuju, kak móžośo Filelink ze składowańskim póbitowarjom online [https://wetransfer.com WeTransfer] wužywaś, kótaryž jo w Thunderbird wopśimjony, dokulaž mamy dojadnanje z nim wó integrěrowanju jich słužbow. Zgromaźeństwo Thunderbird jo teke rěd [https://addons.thunderbird.net/thunderbird/tag/filelink dodankow Filelink] za druge póbitowarje k dispoziciji stajił. __TOC__ = Filelink pśidaś = Jolic cośo z funkciju Filelink zachopiś, buźo póbitowaŕ Filelink '''WeTransfer''', kótaryž jo w Thunderbird integrěrowany, nejpśigódnjejša móžnosć byś. Pomina se jano jadnučke kliknjenje, aby se ''WeTransfer'' we wašych {for win}nastajenjach{/for}{for linux,mac}nastajenjach{/for} zmóžnił. Za někotare póbitowarje składa online musyśo nejpjerwjej nowe konto załožyś abo eksistěrujuce konto z nimi konfigurěrowaś. # [[Template:optionspreferences TB]] # Wubjeŕśo z nawigaciskego wokna nalěwo {button Pisaś} a pytajśo tam wótrězk '''Pśidanki'''. Móžośo teke město togo pytańske pólo {menu W {for win}nastajenjach{/for}{for linux,mac}nastajenjach{/for} pytać} górjejce wužywaś a pytajśo za ''WeTransfer''. # Klikniśo na tłocašk {button WeTransfer pśidaś}, aby ''WeTransfer'' za Filelink zmóžnił. Dokóńcone! # Mimo togo móžośo teke wótkazoju '''Dalšne póbitowarje namakaś''' slědowaś, aby dodanki wubrał, aby druge słužbne póbitowarje Filelink pśidał ([[#w_p-kotare-skladowanske-sluzby-se-tuchylu-podperaju|dalšne drobnostki dołojce]]). {note} * Jolic cośo napominanje dostaś, aby Filelink wužywał, gaž zdźěleński pśidank wěstu wjelikosć pśekšacujo, zmóžniśo slědujuce nastajenje: '''[✓] Dataje nagraś, kótarež su wětše ako [ 5] MB''' * Móžośo teke toś tu datajowu wjelikosć změniś.{/note} = Filelink wužywaś = Gaž k powěsći dataju pśipowjesaśo a datajowa wjelikosć górjejce pódanu wjelikosć pśekšacujo, buźo wam Thunderbird awtomatiski póbitowaś, Filelink wužywaś: [[Image:Proton-FileLink-LargeFileNotification]] * Klikniśo na tłocašk {button Zwězaś}, aby dataju k składowańskemu słužbnemu póbitowarjeju online nagrał. * Jolic lubjej dataju ako [[how to use attachments|regularny pśidank]] pśipowjesyś, wubjeŕśo {button Ignorěrowaś}. Za tym až sćo wburał {button Zwězaś}, buźo se waša dataja w slězynje nagrawaś a pokazana powěźeńka buźo se aktualizěrowaś na: [[Image:Proton-FileLink-UploadingFileNotification]] {note} Njeźiwajucy na wjelikosć dataje a powěźeńku Filelink, móžośo pśecej dataju z pomocu Filelink nuzkaś, aby se pśipowjesyła: * Wubjeŕśo šypku dołoj tłocaška {button Pśipowjesyś | v} we wobźěłowańskej rědce, aby pśistup k pódmenijoju {menu Filelink} měł. * Klikniśo z pšaweju tastu na regularny dodank a wubjeŕśo {menu Konwertěrowaś do...} > {menu WeTransfer} (abo drugego z wašych zmóžnjonych póbitowarjow) z kontekstowego menija.{/note} Gaž zwězowanje jo dokóńcone – to groni, gaž waš pśidank jo k słužbnemu póbitowarjeju nagraty – buźo Thunderbird awtomatiski wótrězk w powěźeńce pśidawaś, z wótkazom ku kopiji wašeje dataje online, glejśo dołojce: [[Image:TB78-FileLink-Linked-WeTransfer]] {note}'''Glědajśo:''' Wótkazowy wótrězk se w lutnem teksće zjawijo, jolic nastajenje '''Powěsći w HTML-formaśe spisaś''' jo znjemóžnjone w kontowych nastajenjach.{/note} Gaž waše dostawarje powěźeńku dostanu, budu tu samsku informaciju wiźeś a gaž na wótkaz w powěźeńce klikaju, wjadu jich k bokoju, wótkulž móžośo pśidank ześěgnuś. = Cesto stajone pšašanja wó Filelink = Pśidanki, kótarež pśez Filelink sćelośo, se na serwerach Mozilla njeskładuju. Kuždy póbitowaŕ słužby składowanja datajow ma swójske pšawidła priwatnosći a wužywańske wuměnjenja. Póbitowaŕ słužby składowanja datajow jo pśeglědał funkciju Filelink, aby zawěsćił, až wóna jogo pšawidłam wótpowědujo. == P: Wě Mozilla, kótarego póbitowarja wužywaŕ jo wubrał? == W: Ně. Mozilla njewě, kótarego póbitowarja wužywaŕ jo wubrał. Konfiguracija póbitowarja se lokalnje na wašom licadle składujo. == P: Kótare składowańske słužby se tuchylu pódpěraju? == W: Mamy dojadnanje z [https://wetransfer.com/ WeTransfer] wó direktnej integraciji jogo słužbow do Thunderbird, což jo nejpśigódnjejša móžnosć. * Z [https://addons.thunderbird.net/thunderbird/tag/filelink dodankami Filelink] móžośo pódpěru za dalšne tśeśe póbitowarje instalěrowaś. Někotare woblubowane póbitowarje se pódpěraju. * Móžośo teke Filelink z pomocu dodanka [https://addons.thunderbird.net/thunderbird/addon/filelink-provider-for-webdav/ Filelink provider for WebDAV] ze swójim nejlubšym WebDAV-serwerom wužywaś. <!-- [https://addons.thunderbird.net/thunderbird/addon/dl-for-thunderbird DL for Thunderbird] may be the best if you prefer using your own server instead of relying on third-party providers.--> == P: Móžo se póbitowaŕ składowańskeje słužby móje pśidanki woglědaś? == W: Póbitowarje składowańskeje słužby mógu se dataju woglědaś, ako kuždy, kótaryž wótkaz k pśidankoju dostawa, snaźkuli koděrujośo dataju, nježli až ju nagrawaśo. Wužywarje same muse rozsuźiś, kótaremu słužbowemu póbitowarjeju how z teju zagronitosću dowěriśo. Słužbne póbitowarje zwětšego waše priwatnostne pšawa w swójich wužywańskich wuměnjenjach wujasnjuju. Źiwajśo na to, až standardna pśidankowa funkcionalnosć teke njejo skoděrowana. Gaž pśidank na „normalny“ nałog sćelośo, bźez togo aby funkcije OpenPGP a SMIME Thunderbird wužywał, ma kuždy pśistup na dataju, kótaryž ma pśistup na powěsć mjazy wašym systemom a systemom dostawarjow (na pśikład póbitowaŕ e-mailoweje słužby). Filelink bitujo wěstu wěstotu, dokulaž se datajowe nagraśa k póbitowarjeju składowańskeje słužby pśez HTTPS, wěsty protokol, sćelu. Pórucujomy, až funkcije Thunderbird OpenPGP abo SMIME wužywaśo, aby maksimalnu wěstotu za swóje komunikacije zawěsćił. == P: Kak dłujko buźo mója dataja na sedle składowańskego słužbnego póbitowarja k dispoziciji? == W: Dataja, kótaruž sćo nagrał pśez Filelink, buźo '''7 dnjow''' z '''dermotneju słužbu WeTransfer''' za ześěgnjenje k dispoziciji. Jolic to jo pśekrotki cas, móžośo se za jogo słužbu registrěrowaś, za kótaruž musyśo płaśiś. We wótwisnosći wót wuměnjenjow wašogo tśeśego składowańskego słužbnego póbitowarja a wašogo słužbnego dojadnanja z nim, buźo dataja na sedle póbitowarja za wobgranicowany cas k dispoziciji, abo daniž ju na pśecej njewulašujośo. Musyśo se pla websedła póbitowarja pśizjawiś, aby dataje w swójom wósobinskem składowańskem rumje woglědał a wulašował. == P: Móžośo słužbnego póbitowarja X abo protokol Y pódpěraś? == W: Pšosym pśeglědujśo, lěc zgromaźeństwo Thunderbird jo [https://addons.thunderbird.net/thunderbird/tag/filelink dodank Filelink] za słužbnego póbitowarja, za kótarymž pytaśo. [https://webextension-api.thunderbird.net/en/78/cloudFile.html Wuwijaŕska dokumentacija za API Filelink] jo k dispoziciji. == P: Njamógu se z myslicku spśijaseliś, móje dataje pla tśeśich póbitowarjow ako toś ten składowaś. Funkcioněruju hyšći normalne pśidanki? == A: Normalne e-mailowe pśidanki hyšći kaž pśecej funkcioněruju. Póbitujomy jano móžnosć, wjelike pśidanki něźi nagraś, jolic to cośo. Standardna wjelikosć wjelikeje dataje jo 5 MB, ale dajo se w nastajenjach Thunderbird pśiměriś: # [[Template:optionspreferences TB]] # Wubjeŕśo z nawigaciskego wobceŕka nalěwo {button Pisaś} a pytajśo pótom pódwótrězk '''Pśidanki'''. Město togo móžośo pytańske pólo {menu W {for win}nastajenjach{/for}{for linux,mac}nastajenjach{/for} namakaś} górjejce wužywaś a za ''WeTransfer'' pytaś. # '''[✓] Dataje nagraś, kótarež su wětše ako [ 5] MB''' Gaž kokulku wótwónoźujośo, se awtomatiska powěźeńka Filelink pódtłocujo, gaž wjelike dataje pśipowjesaśo, ale funkcija Filelink buźo hyšći z wuběrańskego menija tłocaška {button Pśipowjesyś | v} ako teke z drugich pśidankowych a kontekstowych menijow k dispoziciji.