Jeli přizjewjenska strona, kotruž sej wobhladujeće, wěsty zwisk nima, Firefox zamkowy symbol z čerwjenej smužku na nim w adresowym polu pokazuje. Jeli hesło na tajkej stronje zapodawaće, móhło so wot připosłucharjow abo nadpadnikow kradnyć.

Budźeće tež warnowansku zdźělenku widźeć, hdyž do přizjewjenskeho pola kliknjeće, zo byšće wužiwarske mjeno abo hesło zapodawaće.

Što móžeće činić, jeli přizjewjenska strona je njewěsta?

Jeli přizjewjenska strona wěsta njeje, přepruwujće, hač wěsta wersija strony eksistuje; stajće https:// před adresu websydła. Móžeće so tež z webadministratorom sydła do zwiska stajić a jeho prosyć, zwisk websydła zawěsćić. Hewak so njeporučuje, zo informacije přez stronu posrědkujeće.

Wo njewěstych stronach

Njewěste strony wěste zwiski za wopytowarjow k dispoziciji njestajeja. Město toho wužiwaja njezaklučowany zwisk (HTTP) a informacije, kotrež z tutymi stronami dźěliće, je riziko. Strony, kotrež dyrbja priwatne informacije přenošować (na přikład daty kreditnych kartow, wosobinske daty a hesła) trjebaja wěsty zwisk, zo bychu nadpadnikow při kradnjenju wašich datow haćili.

Pokiw: Strona z wěstym zwiskom ma webadresu, kotraž so z https:// započina a zamkowy symbol w adresowym polu.

Njezapodawajće priwatne informacije, na přikład hesła abo někajke wosobinske podaće, na stronje z njewěstym zwiskom. Informacije, kotrež přez njewěsty zwisk zapodawaće, dadźa so kradnyć. Za dalše informacije hlejće Kak móžu zwěsćić, hač mój zwisk z websydłom je wěsty?

Pokazka za wuwiwarjow

Za wuwiwarjow, kotřiž chcedźa wjace wo tutym warnowanju zhonić, hlejće prošu tutu stronu MDN Web Docs. Dokumentacija wujasnja, hdy a čehodla Firefox tute warnowanje pokazuje a podawa wam tež někotre podrobnosće, kak móžeće tutón problem rozrisać. Za dalše informacije hlejće tutón blogowy přinošk Mozilla.