Drasta (jendźelsce: theme) je typ přidatka Firefox, kotryž zwonkowny napohlad Firefox měnja. Tutón nastawk wopisuje, kak móžeće drasty w Firefox namakać, instalować a rjadować.

Što drasty su?

Drasta zwonkowny napohlad Firefox měnja, na přikład barbowu šemu a pozadkowy wobraz symbolowych lajstow. Barbowa šema menijow a zatwarjenych stronow budźe slědować, po tym hač tekstowa barba na wašej symbolowej lajsće je swětła abo ćmowa. Někotre websydła tež samsnej barbowej šemje slěduja.

Firefox standardnu systemowu drastu a opcionalnje swětłu, ćmowu drastu a drastu Alpenglow sobu přinjese, a poskića opcionalne barbowe kombinacijebarbowe kombinacije za wobmjezowany čas, ale móžeće přeco nowe drasty instalować.

Drasty instalować

1. Klikńće na menijowe tłóčatko , potom na Přidatki a drasty a wubjerće Doporučenja abo drasty.
2. Kulće přez namjetowane drasty abo wopytajće addons.mozilla.org, zo byšće dalše drasty přepytał.
3. Klikńće na awtora drasty, zo byšće dalše informacije wo njej widźał.
4. Klikńće na tłóčatko + Drastu instalować.

   

   • Zo byšće drastu z addons.mozilla.org instalował, klikńće na drastu a wubjerće tłóčatko + Drastu instalować na wuslědkowej stronje.

   

5. Firefox sćehnje požadanu drastu a prosy was wobkrućić, zo chceće ju instalować.

Drasty rjadować

Klikńće na menijowe tłóčatko , potom na Přidatki a drasty a wubjerće Drasty.

• Drasta, kotraž so runje wužiwa, so horjeka pod Zmóžnjeny pokazuje.
• Druhe k dispoziciji stejace drasty so pod nim pod ZnjemóžnjenySkładowane drasty nalistuja.

Drastu na standard wróćo stajić

1. Klikńće na menijowe tłóčatko , potom na Přidatki a drasty a wubjerće Drasty.
   • Jeli drasta pod Zmóžnjeny je opcionalna abo přidata drasta, ma nastajenje Znjemóžnić.
2. Klikńće na Znjemóžnić. Standardna systemowa drasta so zmóžni.

Drasty přepinać

1. Klikńće na menijowe tłóčatko , potom na Přidatki a drasty a wubjerće Drasty.
2. Kulće přez lisćinu drastow.
3. Klikńće na Zmóžnić, zo byšće drastu wužiwał.

   

Drasty wotstronić

Zo byšće zainstalowanu drastu wotstronił, kotruž sće do toho do Firefox přidał:

1. Klikńće na menijowe tłóčatko , potom na Přidatki a drasty a wubjerće Drasty.
2. Klikńće na třidypkowy symbol, kotryž so za drastu pokazuje, kotruž chceće wotstronić a wubjerće potom Wotstronić.

   

Jeli njemóžeće drastu wotstronić, hlejće Cannot remove an add-on (extension or theme).

Rozrisowanje problemow

• Jeli maće problem z Firefox, so to snano přez wašu drastu abo přez hromadźeskutkowanje drasty z druhimi přidatkami zawinuje. Za instrukcije wo rozrisowanju problemow hlejće Problemy z rozšěrjenjemi, drastami a hardwarowym pospěšenjom rozrisać.
• Jeli njemóžeće drastu instalować, hlejće Unable to install add-ons (extensions or themes).