Problemy z rozšěrjenjemi, drastami a hardwarowym pospěšenjom rozrisać

Tutón nastawk budźe wam pomhać postajić, hač rozšěrjenje, drasta abo hardwarowe pospěšenje waš problem Firefox zawinuje a, jeli tomu tak je, wopisuje, štož móžeće činić, zo by Firefox zaso normalnje běžał.

Funkcija Firefox wobnowić móže wjele problemow přez wobnowjenje standardneho stawa Firefox rozrisać a składuje při tym waše najwažniše daty. Rozwažće tutu móžnosć, prjedy hač dołho za zawinu a rozrisanjom problema pytaće.

Firefox we wěstym modusu startować

Wěsty modus nachwilu wšě rozšěrjenja znjemóžnja, wužiwa standardnu drastu a znjemóžnja hardwarowe pospěšenje. Wěsty modus Firefox móže wam pomhać postajić, hač jedne z nich waš problem zawinuje. Zo byšće wjace zhonił, hlejće Problemy Firefox z pomocu modusa za rozrisowanje problemow rozrisać. Zo byšće wěsty modus startował:

  1. Klikńće na menijowe tłóčatko Fx89menuButton a potom na Pomoc, wubjerće Modus za rozrisowanje problemow… a klikńće na Znowa startować w dialogu Firefox w modusu za rozrisowanje problemow znowa startować?.

    Pokiw: Móžeće Firefox tež w modusu za rozrisowanje problemow startować, hdyž tastu ⇧ stłóčenu dźeržiće, mjeztym zo Firefox startujeće.tastu ⌥ stłóčenu dźeržiće, mjeztym zo Firefox startujeće.Firefox kónčiće a potom do swojeho terminala dźeće a firefox -safe-mode zapodawaće.
    Dyrbiće snano instalacisku šćežku Firefox podać (na př. /usr/lib/firefox).
    Fx68SafeMode
  2. Hdyž so wokno wěsteho modusa Firefox jewi, klikńće na tłóčatko We wěstym modusu startować.
Warnowanje: Hdyž na tłóčatko Firefox wobnowić kliknjeće, so Firefox do swojeho standardneho stawa wróćo staji a składuje waše najwažniše daty. Hlejće Firefox wobnowić - přidatki a nastajenja wróćo stajić za dalše informacije.

Po tym zo sće na tłóčatko We wěstym modusu startować kliknył a Firefox startuje, testujće, hač waš problem hišće eksistuje.

Problem hišće we wěstym modusu wustupuje

Jeli waš problem we wěstym modusu dale wustupuje, njezawinuje so přez rozšěrjenje, drastu abo hardwarowe pospěšenje. Druhe móžne zawiny móhli změny na nastajenjach Firefox być, kotrež so we wěstym modusu njeznjemóžnjeja. Za dalše namjety za rozrisowanje problemow hlejće nastawki:

Problem we wěstym modusu njewustupuje

Jeli waš problem we wěstym modusu njewustupuje, zawinuje so najskerje přez rozšěrjenje, drastu abo hardwarowe pospěšenje. Slědujće krokam w tutym nastawku dale, zo byšće wuslědźił, hač rozšěrjenje, drasta abo hardwarowe pospěšenje problem zawinuje.

Firefox w modusu za rozrisowanje problemow startować

Modus za rozrisowanje problemow nachwilu wšě rozšěrjenja znjemóžnja, wužiwa standardnu drastu a znjemóžnja hardwarowe pospěšenje. Modus za rozrisowanje problemow Firefox móže wam pomhać postajić, hač jedne z nich waš problem zawinuje. Zo byšće jace zhonił, hlejće Problemy Firefox z pomocu modusa za rozrisowanje problemow rozrisać. Zo byšće Firefox w modusu za rozrisowanje problemow startował:

  1. Klikńće na menijowe tłóčatko Fx89menuButton a potom na Pomoc, wubjerće Modus za rozrisowanje problemow… a klikńće na Znowa startować w dialogu Firefox w modusu za rozrisowanje problemow znowa startować?.

    Pokiw: Móžeće Firefox tež w modusu za rozrisowanje problemow startować, hdyž tastu ⇧ stłóčenu dźeržiće, mjeztym zo Firefox startujeće.tastu ⌥ stłóčenu dźeržiće, mjeztym zo Firefox startujeće.Firefox kónčiće a potom do swojeho terminala dźeće a firefox -safe-mode zapodawaće.
    Dyrbiće snano instalacisku šćežku Firefox podać (na př. /usr/lib/firefox).
    Fx88TroubleshootMode
  2. Hdyž so wokno Firefox w modusu za rozrisowanje problemow wočinić? jewi, klikńće na tłóčatko Wočinić.
Warnowanje: Hdyž na tłóčatko Firefox wobnowić kliknjeće, so Firefox do swojeho standardneho stawa wróćo staji a składuje waše najwažniše daty. Hlejće Firefox wobnowić - přidatki a nastajenja wróćo stajić za dalše informacije.

Po tym zo sće na tłóčatko Wočinić kliknył a Firefox startuje, testujće, hač waš problem hišće eksistuje.

Problem hišće w modusu za rozrisowanje problemow wustupuje

Jeli waš problem w modusu za rozrisowanje problemow dale wustupuje, njezawinuje so přez rozšěrjenje, drastu abo hardwarowe pospěšenje. Druhe móžne zawiny móhli změny na nastajenjach Firefox być, kotrež so w modusu za rozrisowanje problemow njeznjemóžnjeja. Za dalše namjety za rozrisowanje problemow hlejće nastawki:

Problem w modusu za rozrisowanje problemow njewustupuje

Jeli waš problem w modusu za rozrisowanje problemow njewustupuje, zawinuje so najskerje přez rozšěrjenje, drastu abo hardwarowe pospěšenje. Slědujće kroki w tutym nastawku dale, zo byšće wuslědźił, hač rozšěrjenje, drasta abo hardwarowe pospěšenje problem zawinuje.

Hardwarowe pospěšenje wupinyć

Z někotrymi konfiguracijemi grafikowych procesorow a grafikowych ćěrjakow móže Firefox spadnyć abo ćeže měć, tekst abo objekty na stronach zwobraznić, hdyž so hardwarowe pospěšenje wužiwa. Móžeće hardwarowe pospěšenje wupinyć, zo byšće hladał, hač to waš problem rozrisa.

  1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko Fx89menuButton a wubjerće Nastajenja.
  2. Wubjerće wokno Rozšěrjeny a raajtark Powšitkowny.
  3. Znjemóžńće nastajenje Hardwarowe pospěšenje wužiwać, jeli k dispoziciji.
  4. Klikńće na meni Firefox Fx89menuButton a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox Fx89menuButton a wubjerće Skónčić.
  5. Startujće Firefox tak, kaž normalnje činiće.
  1. Klikńće w menijowej lajsće horjeka na wobrazowce na Firefox a wubjerće potom Nastajenja, po wersiji macOS.Klikńće na menijowe tłóčatko Fx89menuButton a wubjerće Nastajenja.
  2. Wubjerće wokno Powšitkowny.
  3. Znjemóžńće pod Wukon nastajenje Doporučene wukonowe nastajenja wužiwać.
    Přidatny nastajenja so zjewja.
    Fx55Performance-disableHWA
  4. Znjemóžńće Hardwarowe pospěšenje wužiwać, jeli k dispoziciji.
  5. Klikńće na meni Firefox Fx89menuButton a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox Fx89menuButton a wubjerće Skónčić.
  6. Startujće Firefox tak, kaž normalnje činiće.

Jeli problem hižo njewustupuje, je hardwarowe pospěšenje najskerje zawina było. Móžeće pospytować swoje grafikowe ćěrjaki aktualizować, zo byšće hladał, hač to pomha abo prosće bjez hardwaroweho pospěšenje dale dźěłać. W druhim padźe najskerje rozšěrjenja abo drasty zawina su. Čińće z krokami w tutym nastawku dale, zo byšće hladał, hač wone pomhaja.

Standardnu drastu wužiwać

Jeli druhu drastu hač standardnu drastu wužiwaće:

  1. Klikńće na menijowe tłóčatko Fx89menuButton, potom na Přidatki a drasty a wubjerće Drasty.
  2. Pytajće za drastu Standard (znjemóžnjeny), klikńće na třidypkowy symbol a potom na tłóčatko Zmóžnić, zo by Firefox k tej drasće přepinał.
  3. Klikńće na meni Firefox Fx89menuButton a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox Fx89menuButton a wubjerće Skónčić.
  4. Startujće Firefox tak, kaž to w normalnym padźe činiće.

Testujće, hač waš problem hišće wustupuje. Jeli problem hižo njewustupuje, je drasta, kotruž sće wužiwał, jón zawinowała. Jeli problem hišće wustupuje, slědujće dale kroki w tutym nastawku.

Wšě rozšěrjenja znjemóžnić

Zo byšće won namakał, hač rozšěrjenje ze zmylkami waš problem zawinuje, móžeće wšě waše instalowane rozšěrjenja znjemóžnić:

  1. Klikńće na menijowe tłóčatko Fx89menuButton, potom na Přidatki a drasty a wubjerće Rozšěrjenja.
  2. Klikńće za rozšěrjenje, kotrež je w lisćinje Zmóžnjeny, na módry přepinak Fx72BlueToggle za wotpowědne rozšěrjenje.
    Rozšěrjenje so do lisćiny Znjemóžnjeny přesunje.
  3. Wospjetujće to za kóžde z druhich rozšěrjenjow.
  4. Začińće Firefox, hdyž wšě rozšěrjenja su znjemóžnjene:Klikńće na meni Firefox Fx89menuButton a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox Fx89menuButton a wubjerće Skónčić.
  5. Startujće Firefox tak, kaž to w normalnym padźe činiće.

Hdyž Firefox znowa startujeće, so wšě rozšěrjenja znjemóžnja.

Testujće, hač waš problem hišće eksistuje. Jeli problem hižo njewustupuje, hdyž wšě rozšěrjenja su znjemóžnjene, jedne z wašich rozšěrjenjow problem zawinuje. Zo byšće rozšěrjenje namakał, kotrež problem zawinuje, čińće tole:

Rozšěrjenje ze zmylkami namakać

Zo byšće won namakał, kotre z wašich znjemóžnjenych rozšěrjenjow waš problem zawinuje, móžeće kóžde rozšěrjenje po jednym zaso zmóžnić.

  1. Klikńće na menijowe tłóčatko Fx89menuButton, potom na Přidatki a drasty a wubjerće Rozšěrjenja.
  2. Klikńće na wotpowědny přepinak, zo byšće rozšěrjenje zmóžnił. Přepinak so módri, hdyž rozšěrjenje je zmóžnjene.
  3. Začińće Firefox:Klikńće na meni Firefox Fx89menuButton a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox Fx89menuButton a wubjerće Skónčić.
  4. Startujće Firefox tak, kaž to w normalnym padźe činiće.

Přepruwujće, hač waš problem hišće wustupuje, po tym zo sće Firefox znowa startował. Jeli problem hišće wustupuje, rozšěrjenje, kotrež sće runje zmóžnił, jón zawinuje.

Pokiw: Jeli maće wjele rozšěrjenjow, móže skokšo hić, wjace hač jednoho rozšěrjenja naraz zmóžnić. Metoda z najmjenje znowastartowanjemi je: Zmóžńće połojcu rozšěrjenjow w tutej lisćinje, startujće Firefox znowa, a přepruwujće, hač problem hišće wustupuje. Jeli problem hišće wustupuje, wěsće, zo rozšěrjenje ze zmylkami je jedne z tych, kotrež sće runje zmóžnił. Jeli problem hižo njewustupuje, wěsće, zo rozšěrjenje ze zmylkami k tym słuša, kotrež su znjemóžnjene. Wospjetujće tutón proces, doniž rozšěrjenje ze zmylkami namakane njeje.

Po tym zo sće rozšěrjenje namakał, kotrež waš problem zawinuje, znjemóžńće abo wotinstalujće rozšěrjenje ze zmylkami a zmóžńće zaso druhe rozšěrjenja w zrjadowaku přidatkow.

Rozšěrjenja aktualizować

Jeli rozšěrjenje waš problem zawinuje, steji snano aktualizacija k dispoziciji, kotraž waš problem rozrisuje:

  1. Klikńće na menijowe tłóčatko Fx89menuButton, potom na Přidatki a drasty a wubjerće Rozšěrjenja.
  2. Klikńće na zubate kolesko gear icon horjeka we woknje Rozšěrjenja zrjadowaka přidatkow a wubjerće Za aktualizacijemi pytać.
  3. Jeli aktualizacije namakaće, instalujće je přez kliknjenje na Instalować.
  4. Začińće Firefox, jeli instalacija je dokónčena:Klikńće na meni Firefox Fx89menuButton a wubjerće Skónčić.Klikńće na meni Firefox horjeka na wobrazowce a wubjerće Firefox skónčić.Klikńće na meni Firefox Fx89menuButton a wubjerće Skónčić.
  5. Startujće Firefox tak, kaž to w normalnym padźe činiće.

Po tym zo sće Firefox znowa startował, budu so waše rozšěrjenja aktualizować. Jeli rozšěrjenje, kotrež waš problem zawinuje, ma aktualizaciju, zmóžńće jo znowa a přepruwujće, hač waš problem zaso wustupuje.

Nastajenja rozšěrjenja přepruwować

Někotre problemy so zawinuja, hdyž so nastajenja rozšěrjenja nastajenja Firefox přepisuja (na př. problemy ze symbolowymi lajstami). Chceće tohodla snano nastajenja rozšěrjenja přepruwować, zo byšće hladał, hač móžeće nastajenje namakać, kotrež waš problem zawinuje:

  1. Klikńće na menijowe tłóčatko Fx89menuButton, potom na Přidatki a drasty a wubjerće Rozšěrjenja.
  2. Klikńće za rozšěrjenje, kotrež problem zawinuje, na třidypkowy symbol a potom na tłóčatko NastajenjaNastajenja.
  3. Klikńće so přez nastajenja, zo byšće hladał, hač je nastajenje, kotrež móhło waš problem rozrisać.
  4. Jeli přihódnu móžnosć namakał, klikńće na Składować a startujće potom Firefox znowa.

Je tutón nastawk wužitny był?

Prošu čakajće…

Slědowacy wulkotni ludźo su pomhali, tutón nastawk pisać:

milupo
Illustration of hands

Dobrowólnik

Rosćće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije