Kónc podpěry za Flash: Kaž druhe wobhladowaki a Adobe Firefox podpěru za Flash kónc 2020 skónči. Prošu hlejće End of support for Adobe Flash za dalše informacije.
Tutón nastawk jenož za Firefox na Windows płaći.
Tutón nastawk jenož za Windows Vista a nowše płaći.
Tutón nastawk za 64-bitowy Firefox za 64-bitowe dźěłowe systemy Windows na Windows 7 a nowšich njepłaći. Mozilla ma swójsku wěstotnu funkciju "pěskowy kašćik za NPAPI-tykače" za 64-bitowy Firefox, kotraž je po standardźe zmóžnjena.
Škitany modus Flash je wěstotna funkcija za Firefox, kotruž Adobe je we 32-bitowych wersijach Firefox za dźěłowe systemy Windows implementował, hdyž tykač Flash je zainstalowany. Tuta funkcija je po standardźe zmóžnjena, zo by nadpadnikam přistup na waš ličak poćežowała.
Škitany modus Flash móže wukon w Firefox pohubjeńšić a zawinować, zo tykač wisa abo spaduje. To nastupa předewšěm wužiwarjow, kotřiž graty z dótknjenskej wobrazowku wužiwaja a wužiwarjow, kotřiž nastroje bjezbarjernosće wužiwaja.
Móžeće škitany modus Flash znjemóžnić, hdyž slědowace kroki přewjedźeće:
- Klikńće na menijowe tłóčatko
Wobraz "Fx57menu" njeeksistuje. a potom na .
- Klikńće na wotrězk Tykače a wubjerće pódla Shockwave Flash.
- Klikńće na kašćik pódla Škitany modus Adobe Flash zmóžnić, zo byšće hóčku wotstronił.
- Klikńće na menijowe tłóčatko Wobraz "Fx57menu" njeeksistuje. a klikńće potom na Skónčić , zo byšće Firefox dospołnje začinił, zo by so změna wuskutkowała.
Po znowastartowanju budźe škitany modus Flash znjemóžnjeny.
Warnowanje: Hdyž škitany modus Flash znjemóžniće, budźe waš ličak bóle nachilny k nadpadam přez wěstotne dźěry. Znjemóžńće tutu funkciju, chibazo wukon Flash je so pohubjeńšił.
