Tutón nastawk wopisuje nastajenja, kotrež su we wotrězku Priwatnosć wokna NastajenjaNastajenjaNastajenja k dispoziciji.

Wotrězk Priwatnosć wam zmóžnja:

• Wodźić, kak Firefox z wašej historiju wobchadźa, kotraž wopřijima, kotre strony sće wopytał, kotre dataje sće sćahnył, što sće do formularow zapodał a kotre placki sydła su was pósłali.
• Wodźić, kotre sydła móža wam placki pósłać a placki wotstronić, kotrež sydła su wam pósłali.
• Wodźić, kak adresowe polo wašu historiju wužiwa, zo by wam zapiski namjetowało, kotrež wašim pytanskim wurazam wotpowěduja.

Historija

Nastajenje Firefox budźe: kontroluje, kak Firefox informacije wo wašim přehladowanju składuje.

Historiju sej spomjatkować

Hdyž Firefox budźe: je na Sej historiju spomjatkować stajeny:

• Firefox wobchowa lisćinu stronow, kotrež sće wopytał.
• Lisćina sćehnjenych datajow wobchowa so we woknje sćehnjenjowwoknje biblioteki.
• Tekst, kotryž do formularnych polow abo pytanskeho pola zapodawaće, budźe so sej spomjatkować, zo byšće móhł tute zapiski zaso wužiwał. Za dalše informacije hlejće Awtomatiske wudospołnjenje formularow.
• Firefox budźe placki ze sydłow akceptować, doniž njespadnu. Za dalše informacije wo plackach hlejće Placki - informacije, kotrež websydła na wašim ličaku składuja.

Klikńće na:

• swoju najnowšu historiju wuprózdnić, zo byšće wokno „Aktualnu historiju wuprózdnić“ wočinił, kotrež wam zmóžnja, dźěl historije abo wšu historiju spěšnje zhašeć. Za dalše informacije hlejće Přehladowansku, pytansku a sćehnjensku historiju zhašeć.
• jednotliwe placki wotstronić, zo byšće wokno „Placki“ wočinił. Za dalše informacije hlejće Placki zhašeć, zo byšće daty wotstronił, kotrež websydła su na wašim ličaku składowali.

Historiju sej ženje njespomjatkować

Hdyž Firefox budźe: je na Historiju sej ženje spomjatkować stajeny:

• Firefox njewobchowa wašu přehladowansku historiju .
• Sćehnjene dataje so we woknje sćehnjenjowwoknje biblioteki njenalistuja.
• Tekst, kotryž do formularnych polow abo pytanskeho pola zapodawaće, njebudźe so sej spomjatkować.
• Firefox budźe placki ze sydłow akceptować a je zhaša, hdyž Firefox začinjeće. Za dalše informacije wo plackach hlejće Placki - informacije, kotrež websydła na wašim ličaku składuja.

Historiju sej ženje njespomjatkować woznamjenja samsne kaž byšće přeco w priwatnym modusu Firefox był. Za dalše informacije hlejće Priwatny modus - Firefox wužiwać, bjeztoho zo by so historija składowała.

Klikńće na wšu tuchwilnu historiju wuprózdnić, zo byšće wokno „Aktualnu historiju wuprózdnić“ wočinił, kotrež wam zmóžnja, dźěl historije abo wšu historiju spěšnje zhašeć. Za dalše informacije hlejće Přehladowansku, pytansku a sćehnjensku historiju zhašeć.

Swójske nastajenja za historiju wužiwać

Hdyž Firefox budźe: je na Swójske nastajenja za historiju wužiwać stajeny, budu slědowace nastajenja k dispoziciji:

• Přeco priwatny modus wužiwać:
  Jeli tute nastajenje je wubrane, njebudźe sej Firefox historiju spomjatkować, hdyž so znowa startuje. Za dalše informacije hlejće Priwatny modus - Firefox wužiwać, bjeztoho zo by so historija składowała.
• Sej přehladowansku a sćehnjensku historiju spomjatkować:
  Jeli tute nastajenje je wubrane, wobchowa Firefox lisćinu stronow, kotrež sće wopytał a datajow, kotrež sće sćahnył. Za dalše informacije wo sćehnjenych datajach hlejće Pytanje a rjadowanje sćehnjenych datajow w Firefox.
• Pytansku a formularnu historiju sej spomjatkować:
  Jeli tute nastajenje je wubrane, budźe so tekst spomjatkować, kotryž do formularnych polow abo pytanskeho pola zapodawaće, zo byšće móhł tute zapiski zaso wužiwać. Za dalše informacije hlejće Awtomatiske wudospołnjenje formularow.
• Placki ze sydłow akceptować:
  Jeli tute nastajenje je wubrane, budźe Firefox placki ze sydłow akceptować. Klikńće na Wuwzaća…, zo byšće kontrolował, hač wěste sydła smědźa placki stajić. Za dalše informacije hlejće Block websites from storing cookies and site data in Firefox.
  • Placki třećich akceptować:
    Přeco: Firefox budźe přeco placki wot http://site2.com akceptować, hdyž http://site1.com wopytujeće.
    Jenož wot wopytanych třećich: Jeli sće http://site2.com do toho wopytał, budźe Firefox placki wot tutoho sydła akceptować, hdyž http://site1.com wopytujeće, hewak njebudźe Firefox je akceptować.
    Ženje: Firefox njebudźe ženje placki wot http://site2.com akceptować, hdyž http://site1.com wopytujeće. Za dalše informacije hlejće Third-party cookies and Firefox tracking protection.
  • Wobchować:
    doniž njespadnu: Jeli tute nastajenje je wubrane, dowoli Firefox sydłam, kotrež wopytujeće, podać, kak dołho Firefox měł jich placki wobchować.
    doniž so Firefox začini: Jeli tute nastajenje je wubrane, so waše placki zhašeja, hdyž Firefox začinjeće.
    kóždy raz so prašeć: Jeli tute nastajenje je wubrane, budźe so was Firefox prašeć, kak dołho plack ma so wobchować, kóždy raz, hdyž sydło pospytuje tajki stajeć.Klikńće na Placki pokazać…, zo byšće wokno „Placki“ wočinił, hlejće Placki zhašeć, zo byšće daty wotstronił, kotrež websydła su na wašim ličaku składowali.
• Historiju wuprózdnić, hdyž so Firefox začinja:
  Wěste składowane zapiski so zhašeja, hdyž Firefox začinjeće. Klikńće na Nastajenja…, zo byšće kontrolował, kotre zapiski so zhašeja.

Adresowe polo

Adresowe polo je polo, hdźež webadresu sydła (URL) zapodawaće. Adresowe polo namjetuje wuslědki za pytanje, mjeztym zo pisaće, na slědowacym zakładźe:

• Historija: Jeli tute nastajenje je wubrane, budu so sydła, kotrež sće do toho wopytał, na wašej lisćinje wuslědkow jewić.
• Zapołožki: Sydła, kotrež sće jako zapołožku składował, budu so na wašej lisćinje wuslědkow jewić. Tute wuslědki so z módrej hwěžku pódla sebje jewja.
• Wočinjene rajtarki: Wubjerće tute nastajenje, jeli chceće, zo so rajtarki, kotrež su tuchwilu wočinjene, we wašej lisćinje wuslědkow jewja. To je wosebje wužitne, hdyž je wjele rajtarkow wočinjenych.