Kak móžeće Firefox startować, hdyž waš profil faluje abo je njepřistupny

Jeli zmylkowu zdźělenku „Profil faluje“ widźiće, kotraž Waš profil Firefox njehodźi so začitać. Faluje abo je njepřistupny. praji, to zwjetša woznamjenja, zo Firefox njemóže profilowy rjadowak namakać abo k njemu přistup nima. Tutón nastawk wujasnja, štož móžeće činić, hdyž tutón zmylk widźiće.

FXprofile-cannot-be-loaded

Kedźbu: Jeli zmylk „Profil faluje“ widźiće, po tym zo sće na tłóčatko „Firefox začinić“ w zmylkowym dialogu „Firefox hižo bězi, ale njewotmołwja.“ kliknył, klikńće na W porjadku we woknje „Profil faluje“ a čakajće někotre sekundy, prjedy hač Firefox startujeće. Startujće alternatiwnje ličak znowa abo wužiwajće zrjadowak nadawkow Windows, zo byšće wšě procesy Firefox skónčił a spytajće potom Firefox znowa startować. Za dalše informacije hlejće nastawk Zmylkowa zdźělenka "Firefox hižo běži, ale njewotmołwja".

Jeli sće swój profilowy rjadowak Firefox přesunył, přemjenował abo zhašał

Firefox waše wužiwarske daty a nastajenja we wosebitym profilowym rjadowaku składuje a wobstaruje sej informacije z tutoho rjadowaka kóždy raz, hdyž Firefox startujeće. Městno standardneho profiloweho rjadowaka je pod rjadowakom %APPDATA%\Mozilla\Firefox\Profiles ~/.mozilla/firefox ~/Library/Application Support/Firefox/Profiles, kotryž móžeće z pomocu tutych instrukcijow namakać.

Profil je so přesunył abo přemjenował

Jeli wěsće, hdźež waš profil je, spytajće jednu ze slědowacych metodow, zo byšće Firefox pomhał, jón namakać.

  • Přesuńće profilowy rjadowak wróćo k jeho prěnjotnemu městnu.
  • Wobnowće prěnjotne mjeno profila, jeli sće jo změnił.
  • Załožće nowy profil z pomocu zrjadowaka profilow wužiwajo instrukcije, zo byšće zrjadowak profilow startował, hdyž Fierfox je začinjeny. Dajće jemu wuprajiwe mjeno, klikńće na tłóčatko Rjadowak wubrać a wubjerće potom profilowy rjadowak, kotryž sće přesunył abo přemjenował, prjedy hač asistent Nowy profil załožić kónčiće.

Profil je so zhašał

Jeli sće swój profilowy rjadowak zhašał abo zhubił, a nimaće žanu móžnosć, jón wobnowić, wužiwajće jednu z tuteju metodow, zo byšće nowy profil Firefox załožił:

Waš nowy profil njebudźe nastajenja abo wužiwarske daty ze zhašaneho abo zhubjeneho profila wobsahować.
  • Metoda 1: Wužiwajće asistenta zrjadowaka profilow

Slědujće krokam w nastawku Profile Firefox z pomocu profiloweho zrjadowaka załožić a wotstronić, zo byšće nowy profil załožił.

  • Metoda 2: Zhašejće dataju profiles.ini manuelnje

Jeli při přistupje k zrjadowakej profilow problemy maće, móžeće dataju profiles.ini zhašeć, zo byšće nowy standardny profil załožił. Přewjedźće slědowace kroki:

  1. Klikńće na tłóčatko Windows Start a potom na Ausführen...
  2. Zapodajće %appdata% do zapodawanskeho pola „Ausführen“ a klikńće na OK. Schowany rjadowak Anwendungsdaten so wočini.
  3. Klikńće dwójce na rjadowak Mozilla.
  4. Klikńće dwójce na rjadowak Firefox.
  5. Zhašejće dataju profiles.ini (abo přemjenujće ju na přikład do profiles.iniOLD).
  1. Klikńće na tłóčatko Windows Start abo tłóčće tastu Windows Windows Key, zo byšće meni Start wočinił.
  2. Zapodajće %appdata% do pytanskeho pola a tłóčće tastu Enter. Schowany rjadowak AppData\Roaming so wočini.
  3. Klikńće dwójce na rjadowak Mozilla.
  4. Klikńće dwójce na rjadowak Firefox.
  5. Zhašejće dataju profiles.ini (abo přemjenujće ju na přikład do profiles.iniOLD).
  1. Klikńće na kachličku Desktop na startowej wobrazowce Windows. Desktopowy napohlad so wočini.
  2. Pohibujće kursor do delnjeho praweho róžka, zo byšće přistup k Charms měł.
  3. Wubjerće charm Suchen. Pytanska bóčnica so wočini.
  4. Zapodajće %appdata% do pytanskeho pola a tłóčće tastu Enter. Schowany rjadowak AppData\Roaming so wočini.
  5. Klikńće dwójce na rjadowak Mozilla.
  6. Klikńće dwójce na rjadowak Firefox.
  7. Zhašejće dataju profiles.ini (abo přemjenujće ju na přikład do profiles.iniOLD).
  1. Klikńće na tłóčatko Windows Start abo tłóčće tastu Windows Windows Key, zo byšće meni Start wočinił.
  2. Zapodajće %appdata% (hdyž pisaće, so pytanje Windows startuje) a tłóčće tastu Enter. Schowany rjadowak AppData\Roaming so wočini.
  3. Klikńće dwójce na rjadowak Mozilla.
  4. Klikńće na rjadowak Firefox.
  5. Zhašejće dataju profiles.ini (abo přemjenujće ju na přikład do profiles.iniOLD).
Kedźbu: Po standardźe so Windows datajowu kóncowku .ini njepokazuje. Dataja měła symbol měć, kotryž je na dokument z koleskom podobny, a datajowy typ na „Konfiguraciske nastajenja“ abo „Nałoženske nastajenja“. Wy njeměł profilowy rjadowak zhašeć, jeli ma symbol datajoweho rjadowaka a datajowy typ "Datajowy rjadowak".
Pokiw: Město zo byšće dataju profiles.ini zhašał, móžeće rjadowak zhašeć (abo přemjenować), kotryž ju wobsahuje. Klikńće na přikład z prawej tastu na rjadowak Firefox a přemjenujće jón do FirefoxOLD.

Hdyž Firefox startujeće, so nowy profil załoži.

  1. (Ubuntu) Klikńće na meni Orte horjeka naprawo na wobrazowce a wubjerće Homeverzeichnis. Wokno zrjadowaka datajow so zjewi.
  2. Klikńće na meni Ansicht a wubjerće Verborgene Dateien anzeigen, jeli hišće zmóžnjeny njeje.
  3. Klikńće dwójce na rjadowak z mjenom .mozilla.
  4. Klikńće dwójce na rjadowak z mjenom firefox.
  5. Zhašejće dataju profiles.ini (abo přemjenujće ju na přikład do profiles.iniOLD).
Pokiw: Město zo byšće dataju profiles.ini zhašał, móžeće rjadowak zhašeć (abo přemjenować), kotryž ju wobsahuje. Klikńće na přikład z prawej tastu na rjadowak Firefox a přemjenujće jón do FirefoxOLD.

Hdyž Firefox startujeće, so nowy profil załoži.

  1. Nawigujće k swojemu rjadowakej ~/Library:
    • (OS X 10.6) Klikńće na symbol Finder w doku. Waš rjadowak Home so wuběra, (zwjetša mjeno wašeho wužiwarskeho konta Mac). Klikńće naprawo we woknje na rjadowak biblioteki, zo byšće jón wočinił.
    • (OS X 10.7 and above) Klikńće na symbol Finder w doku. Klikńće w menijowej lajsće na meni Gehe zu, dźeržće tastu ⌥ abo alt stłóčenu a wubjerće Bibiothek. Wokno so wočini, kotrež waš rjadowak biblioteki wobsahuje.
  2. Klikńće na rjadowak Application Support a přeńdźće k rjadowakej Firefox.
  3. Zhašejće dataju profiles.ini (abo přemjenujće ju na přikład do profiles.iniOLD).
Pokiw: Město zo byšće dataju profiles.ini zhašał, móžeće rjadowak zhašeć (abo přemjenować), kotryž ju wobsahuje. Klikńće na přikład z prawej tastu na rjadowak Firefox a přemjenujće jón do FirefoxOLD.

Hdyž Firefox startujeće, so nowy profil załoži.



Bazuje na informacijach z nastawka Profile cannot be loaded (mozillaZine KB)

Je tutón nastawk wužitny był?

Prošu čakajće…

Slědowacy wulkotni ludźo su pomhali, tutón nastawk pisać:

milupo
Illustration of hands

Dobrowólnik

Rosćće a dźělće swoju kompetencu z druhimi. Wotmołwće na prašenja a polěpšće našu wědowu datowu banku.

Dalše informacije