Aby malsne, spušćobne a wěste pśeglědowańske dožywjenje měł, Firefox tykace NPAPI ako Adobe Flash pó standarźe njeaktiwěrujo. Město togo Firefox wam rozsud pśewóstajijo, lěc tykac ma se na websedle wuwjasć abo nic.
Kak aktiwěrowanje pśez kliknjenje funkcioněrujo?
Jolic Firefox tykac blokěrujo, město togo aby wopśimjeśe pokazał, wiźiśo powěźeńku, kótaraž was napomina, kliknuś, aby tykac ako Adobe Flash startował.
Na někotarych sedłach wiźiśo jano prozny pšawokut a symbol tykacoweje powěźeńki se nalěwo w adresowem pólu zjawijo.
Jolic na powěźeńku abo zdźěleński symbol klikaśo, aby tykac aktiwěrował, buźo wam Firefox slědujucej móžnosći bitowaś:
- Dowóliś: Aktiwěrujo tykac na websedle, jano za jadnučki woglěd. Aby tykac za wšykne pśichodne woglědy na sedle awtomatiski aktiwěrował, stajśo kokulku do kontrolnego kašćika Rozsud se spomnjeś.
- Njedowóliś: Zachyśijo zdźěleńske napominanje, bźez togo aby se tykac aktiwěrował.
Jolic kliknjośo, aby tykac aktiwěrował a dowólił, felujuce wopśimjeśe se normalnje zacytajo. (Jolic nic, klikniśo na aktualizěrowański tłocašk 
w symbolowej rědce, aby bok znowego zacytał a wopytajśo hyšći raz.)
Gdy jo w pórěźe tykac aktiwěrowaś?
Rozsuźćo se w takej situaciji wótwisujucy wót aktualnego nadawka za jadnu ze slědujuceju móžnosćowu:
- Jolic dowěry gódne sedło wužywaśo, ako na pśikład wósebne sedło za źěło abo šulu, cujośo se snaź wěsty dosć, aby tykac zmóžnił, aby se wopśimjeśe sedła woglědał.
- Jolic sedłoju dopołnje njedowěriśo, sćo na přikład składował k wótkazoju, aby se k sedłoju dostał, njocośo nejskerjej tykac aktiwěrowaś.
Mógu tykac na pśecej aktiwěrowaś?
Aby Firefox nastajił, až tykac na pśecej aktiwěrujo:
Klikniśo na menijowy tłocašk pótom na a wubjeŕśo .
Pytajśo tykac a klikniśo na tśidypkowy symbol a wubjeŕśo pótom z wuběrańskego menija. To buźo tykac awtomatiski aktiwěrowaś a njebuźośo žedne powěźeńki wiźeś, až maśo tykac aktiwěrowaś.
