მრავალანგარიშიანი სათავსები Firefox-ის დამატებაა, რომელითაც შეძლებთ განაცალკევოთ სამუშაო, საყიდლები ან პირადი საქმეები ბრაუზერში, ისტორიის გასუფთავების, ანგარიშიდან შესვლა/გამოსვლის ან რამდენიმე ბრაუზერის გამოყენების გარეშე. ესაა გაუმჯობესებული სახით სათავსები, რომლებიც ადრე ჩაშენებული იყო Firefox Nightly-ში და შედეგია დასრულებული Firefox Containers ექსპერიმენტის, Test Pilot-იდან.
სარჩევი
რა არის სათავსები?
სათავსი ჩანართები ჩვეულებრივი ჩანართების მსგავსია, ოღონდ მონახულებულ საიტებს, წვდომა აქვთ მათთვის ცალკე გამოყოფილ შესანახ მეხსიერებასთან. ეს კი ნიშნავს, რომ საიტის პარამეტრები, შესული ანგარიშები, სარეკლამო მეთვალყურეების მონაცემები ვერ გადავა სხვა სათავსში. ისევე როგორც, სხვა სათავსში მონახულებულ საიტებს, არ ექნება გავლენა შესულ ანგარიშებზე, ან მეთვალყურეების შეგროვებულ მონაცემებზე, დანარჩენ სათავსებში.
როგორ გამოვიყენო მრავალანგარიშიანი სათავსები
- დააყენეთ Firefox-ის მრავალანგარიშიანი სათავსის გაფართოება Mozilla-ს Add-on საიტიდან. სათავსის გასაშვებად კი მონახეთ ნიშანი Firefox-ის ხელსაწყოთა ზოლზე:
- დაწკაპეთ და აირჩიეთ რომლის გახსნაც გსურთ.
გაითვალისწინეთ, რომ სათავსები გათიშულია პირადი თვალიერებისას, ასევე მაშინ, როცა პირადულობის პარამეტრებში არჩეულია არასოდეს დაიმახსოვრებს ისტორიას.
ყოველი ახალი სათავსი ჩანართის გახსნისას, თითოეული მიიღებს განცალკევებულ შესანახ სივრცეს (ფუნთუშებისა და სეანსებისთვის). თქვენი ჩვეულებრივი ჩანართები კი ნაგულისხმევი სათავსია და დარჩება ისეთივე, როგორიც იყო სათავსების ამოქმედებამდე.
როგორ დავამატო, ჩავასწორო ან წავშალო სათავსები
შეგიძლიათ თავად შექმნათ, წაშალოთ ან ჩაასწოროთ სათავსები თავისი მენიუდანვე. როცა დააწკაპებთ ან ღილაკს, შეძლებთ შეცვალოთ ფერი, მიმაგრებული ხატულა ან სათავსის დასახელება.
ასევე შეგიძლიათ დაამატოთ, მოაცილოთ ან ჩაასწოროთ სათავსები, მისივე პარამეტრების არედან about:preferences#containers:
სათავსი ჩანართების პარამეტრების არეს გახსნით შემდეგნაირად:
- მენიუს ზოლზე ეკრანის ზემოთა არეში, დაწკაპეთ და აირჩიეთ ან თქვენი macOS-ვერსიის შესაბამისად.დაწკაპეთ მენიუს ღილაკზე და აირჩიეთ .
- მენიუს არეში, მონახეთ განყოფილება ჩანართები.
- დაწკაპეთ ღილაკი სათავის ჩანართების ჩართვის გვერდით.
ბმულების გახსნა ახალ ჩანართებსა და სათავსებში
შეგიძლიათ ახალი ბმულები გახსნათ ახალ ან განსხვავებულ სათავსში. ნებისმიერ ბმულზე მარჯვენა წკაპი, აირჩიეთ და შემდეგ დააჭირეთ სასურველ სათავსს.
თუ მიმდინარე გვერდი სათავსშია, შეიცვლება . დაწკაპეთ ახალი ჩანართის გასახსნელად, იმავე სათავსში, რომელშიც არსებული ჩანართია.
რისი გაკეთებაა შესაძლებელი მრავალანგარიშიანი სათავსებით
- მრავალი ანგარიშით შესვლა, ერთსა და იმავე საიტზე ერთდროულად. მაგალითად, თუ გსურთ გამოიყენოთ პირადი Gmail-ანგარიში და სამუშაო Gmail-ანგარიში, შეგიძლიათ ორივეთი შეხვიდეთ, სხვადასხვა სათავსში.
- თავის დაცვა მეთვალყურეობისგან, ანგარიშიდან გამოუსვლელად. ერთ სათავსში გახსნილი საიტი, ვერ გადევნებთ თვალს მეორე სათავსში.
- თავის დაცვა ვებშეტევებისგან. ნებისმიერი ზიანის მომტანი დაწკაპება დარჩება საიტის სათავსშივე, შედეგად შემტევები ვერ შეძლებენ მონაცემების ხელყოფას, დანარჩენი სათავსებიდან.
- საიტის მიმაგრება სათავსზე, შესაბამისად საიტი ყოველი გახსნისას შერჩეულ სათავსში გამოჩნდება. ამით, დაცული იქნებით შემთხვევებისგან, რომ მაგალითად, არ ეწვიოთ საყიდლების საიტის, საბანკო სათავსიდან.
- დამალვა და გამოჩენა: დავუშვათ ბრაუზერს იყენებთ სამსახურეობრივი და პირადი მიზნებისთვის. როცა მოხვალთ სახლში დღის ბოლოს, ალბათ აღარ ისურვებთ „სამუშაოზე“ ფიქრს, თუმცა ბრაუზერი შესაძლოა სამუშაოს ჩანართებით იყოს სავსე. შეგიძლიათ უბრალოდ „დამალოთ“ თქვენი სამუშაო ჩანართები და განაგრძოთ პირადი საქმეების კეთება. მომდევნო დღეს კი, როცა სამუშაოს დაუბრუნდებით, შეგიძლიათ „დამალოთ“ პირადი ჩანართები და „გამოაჩინოთ“ სამუშაო.
- დალაგება: სათავსების მენიუს აქვს „ჩანართების დალაგების“ შესაძლებლობა, ასევე შეიძლება „ჩანართების გადატანა ახალ ფანჯარაში“. ჩანართების დალაგებით, საერთო სათავსის მქონე ყველა ჩანართი, ერთიმეორის გვერდით დალაგდება ფანჯარაში. ასე რომ, თუ გაქვთ „სამუშაო“ და „პირადი“ ჩანართები ერთმანეთში არეული, ადვილად შეძლებთ სწორად დაწყობას, საქმის გასამარტივებლად. „ჩანართების გადატანა ახალ ფანჯარაში“ კი ყველა ჩანართს არსებული სათავსიდან გადაიტანს სუფთა ფანჯარაში.
- დასინქრონების მეშვეობით, მრავალანგარიშიანი სათავსების სხვა კომპიუტერებზე გადატანაც შეიძლება. სათავსების სახელები, ფერები, ხატულები და მიმაგრებული საიტები გადავა ნებისმიერ მოწყობილობაზე, სადაც გამოიყენება იგივე Firefox-ანგარიში.
