Firefox ma zatwarjonu funkciju, kótaraž wam zmóžnja, websedła z jano mało kliknjenjami źěliś. Dodanki abo pśidatne programy njejsu trěbne.

Firefox waše socialne seśi pśidaś

1. Klikniśo na symbol w Firefox. Jolic symbol hyšći njejo k dispoziciji, musyśo jen z pśiměrjeńskego wokna do symboloweje rědki śěgnuś, glejśo Wóźeńske elementy, tłocaški a symbolowe rědki w Firefox pśiměriś, aby wěcej wó tom zgónił, kak móžośo tłocaški do drugego městna pśesunuś.

   

2. Jolic wužywaśo toś tu funkciju prědny raz, wubjeŕśo socialnu seś, kótaruž cośo pśidaś. Pytajśo, jo-lic trjeba, instrukcije za pśizjawjenje.
3. Waše nejlubše socialne seśi pokažu se ako symbole.

   

Wótkaz źěliś

1. Wócyńśo bok, kótaryž cośo źěliś.
2. Klikniśo na źěleński symbol w Firefox.
3. Wubjeŕśo socialnu seś, w kótarejž cośo bok źěliś.