Waš personalizěrowany startowy bok Firefox za Android wam wólažcujo, městno namakaś, kótarež sćo spušćił pó slědnem pósejźenju wobglědowaka. We wótrězku Slědk skócyś maśo pśistup k dwěma nejnowšyma rejtarikoma. Pótusniśo Wšykne pokazaś, aby wšykne wócynjone rejtariki, wšykne wócynjone priwatne rejtariki a wšykne wócynjone synchronizěrowane rejtariki pokazał.

Wócynjone rejtariki

Aby swóje wócynjone rejtariki pokazał a zastojał:

1. Pótusniśo Wšykne pokazaś we wótrězku Slědk skócyś.
2. Wšykne wócynjone rejtariki se w lisćinje rejtarikow pokaže.
3. Pótusniśo pśeglěd rejtarika, aby pśistup k rejtarikoju měł.
4. Pótusniśo symbol Wótwónoźeś , aby rejtarik zacynił.
5. Trějśo dołoj, aby se k swójomu startowemu bokoju wrośił.

Priwatne rejtariki

Aby swóje wócynjone priwatne rejtariki pokazał a zastojał:

1. Pótusniśo Wšykne pokazaś we wótrězku Slědk skócyś.
2. Pótusniśo symbol priwatnego modusa w lisćinje rejtarikow.
3. Pótusniśo pśeglěd rejtarika, aby pśistup k rejtarikoju měł.
4. Pótusniśo symbol Wótwónoźeś , aby rejtarik zacynił.
5. Trějśo dołoj, aby se k swójomu startowemu bokoju wrośił.

Synchronizěrowane rejtariki

1. Pótusniśo Wšykne pokazaś we wótrězku Slědk skócyś.
2. Pótusniśo symbol synchronizacije w lisćinje rejtarikow.
3. Pótusniśo pśeglěd rejtarika, aby pśistup k rejtarikoju měł.
4. Pótusniśo symbol Wótwónoźeś , aby rejtarik zacynił.
5. Trějśo dołoj, aby se k swójomu startowemu bokoju wrośił.