Napórany: 11/22/2015
Nejwěcej wětšych websedłow slědujo zaźaržanjeju swójich woglědowarjow a pśedawa abo dalej dawa te informacije drugim pśedewześam. Toś te informacije daju se wužywaś, aby wam wabjenje, produkty abo słužby pokazali, kótarež su specielnje na was pśiřězane. Firefox ma funkciju Njeslědowaś, kótaraž wam zmóžnja, kuždemu websedłoju, ku kótaremuž se woglědujośo, jich wabjerjam a drugim wopśimjeśowym póbitowarjam k wěsći daś, až njamaju wašomu pśeglědowańskemu zaźaržanjeju slědowaś.
Źiwanje na toś to nastajenje jo dobrowólne — websedła njetrjebaju se pó nim měś. Websedła, kótarež źiwaju na toś to nastajenje, by měli slědowanje wašogo zaźaržanja awtomatiski skóńcyś, mimo až musyśo něco cyniś. Gaž zmóžnjaśo toś tu funkciju, njewjeźo to k tomu, až njamóžośo se pla websedłow pśizjawiś abo až Firefox zabydnjo waše priwatne daty, na pśikład wopśimjeśe nakupowańskego kórbika, adresowe daty abo pśizjawjeńske informacije.
