Standardny wobglědowak we Windows do Firefox změniś

Wersijowe informacije
  • Wersijowy ID: 245035
  • Napórany:
  • Awtor: milupo
  • Komentar: update
  • Pśeglědany: Jo
  • Pśeglědany:
  • Pśeglědany wót: milupo
  • Jo pśizwólony? Jo
  • Jo to aktualna wersija? Ně
  • Gótowy za pśełožowanje: Ně
Žrědłowy kod wersije
Wopśimjeśe wersije
Toś ten nastawk nimske zapśimjeśa źěłowego systema wopśimujo, dokulaž serbski źěłowy system njeeksistěrujo.

Toś ten nastawk wam wujasnjujo, kak móžośo Firefox na Windows 10 abo Windows 11 ako swój standardny webwobglědowak nastajiś. Za druge źěłowe systemy glejśo Firefox ako standardny wobglědowak póstajiś.

Firefox w nastajenjach Firefox k standardnemu wobglědowakoju cyniś

  1. Klikniśo w menijowej rědce górjejce na wobrazowce na Firefox a wubjeŕśo Nastajenja. Klikniśo na menijowy tłocašk Fx57Menu a wubjeŕśo NastajenjaNastajenja.Klikniśo na menijowy tłocašk Fx89menuButton a wubjeŕśo Nastajenja.

  2. Glědajśo we woknje Powšykne we wótrězku Startowaś.
  3. Klikniśo na tłocašk K standardoju cyniś…
    Firefox90GeneralPanelfx99-MakeDefault
    Glědajśo: Jolic Firefox jo južo waš standardny wobglědowak, buźo tłocašk felowaś a daju wam k wěsći, až Firefox jo tuchylu waš standardny wobglědowak.

Firefox90NowDefaultfx99-CurrentlyDefault

Jolic Firefox njejo mógał waš standardny wobglědowak změniś, buźo wokno Standard-Apps nastajenjow Windows wócyniś.

Swój standardny wobglědowak w nastajenjach Windows manuelnje do Firefox změniś (Windows 10)

  1. Wócyńśo wokno Standard-Apps w nastajenjach Windows, jolic hyšći njejo wócynjone. (Klikniśo w meniju Start Windows na symbol nastajenjow, pón na Apps a pón na Standard-Apps.)
    Windows10SettingsAppL
  2. Klikniśo we wótrězku Webbrowser we woknje „Standard-Apps“ na wobglědowak, kótaryž jo tuchylu pódany.
    Windows10SettingsBrowserSectionL
  3. Klikniśo we woknje App auswählen na Firefox, aby jen ako standardny wobglědowak nastajił.
    Windows10ChooseApp
  4. We wótrězku Webbrowser buźośo wiźeś, až Windows 10 jo nastajił Firefox ako standardny wobglědowak.
    Windows10BrowserChanged

Swój standardny wobglědowak w nastajenjach Windows manuelnje do Firefox změniś (Windows 11)

Aby Firefox k swójomu standardnemu wobglědowakoju na Windows 11 cynił, musyśo standardne nałoženje za ceły rěd datajowych typow a protokolow změniś:

  1. Wočińće wokno „Standard-Apps“ w nastajenjach Windows (jolic hyšći njejsu wócynjone):
    1. Klikniśo na Einstellungen w nadawkowej rědce Windows.
    2. Klikniśo na Apps z nastajenjow nalěwo.
    3. Klikniśo na Standard-Apps.
  2. Pytajśo Firefox w lisćinje, kótaraž se pokazujo, a klikniśo na njen.
    • Lisćina datajowych typow se pód Einen Standard für einen Dateityp oder Linktyp festlegen pokazujo.
    Win11Default
  3. Klikniśo na datajowy typ (na pśikład .htm), aby standardny program změnił, kótaryž se wócynja, a nastajśo jen na Firefox.
  4. Cyńśo to samske za kuždy z datajowych typow, kótaryž cośo w Firefox wócyniś.
Glědajśo: Nejcesćejše datajowe typy a protokole, kótarež se ze standardnym wobglědowakom wócynjaju, su .htm, .xhtm, .html, .shtml, .webp, .pdf, MAILTO, HTTP a HTTPS.