Adresowe pólo w Firefox za Android wam wólažcujo namakaś, za cymž pytaśo. Zapódajśo pytańske wuraze abo webadresu, aby pytańske naraźenja na zakłaźe swójich wócynjonych rejtarikow, cytańskich znamjenjow, historije a pytnicow dostał – wšykno w tom samskem pólu.

Pytanje z klucowymi słowami

Z wašeju standardneju pytnicu pytaś

Gaž z adresowym pólom pytaśo, se waša standardna pytnica wužywa. Zapódajśo swój pytański wuraz do adresowego póla a pótusniśo ✓.

Z drugeju pytnicu pytaś

Aby drugu pytnicu za pytanje wužywał:

1. Zachopśo pytański wuraz do adresowego póla zapódawaś.
2. Pótusniśo Pytnica a pón drugu pytnicu.
3. Dokóńcćo swójo pytanje a pótusniśo ✓.

Pytańske naraźenja

Firefox relewantne pytańske wuraze naraźujo, a samo rozwězanja nastupajucy wótegrono abo nadawk, za kótarymž pytaśo. How su někotare pśikłady pytańskich naraźenjow.

Naraźenja klucowych słowow

Gaž zachopijośo do adresowego póla pisaś, Firefox relewantne woblubowane pytańske wuslědki naraźujo, kótarež z pytnicow ako Google, Bing atd. póchadaju. Gaž pytańske naraźenja su zmóžnjone, se tekst, kótaryž zapódawaśo, na standardnu pytnicu sćelo, kótaraž słowa analyzěrujo a lisćinu pódobnych pytanjow pokazujo. Pótusniśo naraźenje, aby pytanje aktiwěrował.

Sedłowe naraźenja

Gaž do adresowego póla pišośo, móžo Firefox relewantne sedłowe naraźenja póbitowaś, kótarež na wašych napšašowanjach bazěruju, aby wam pomagał, pó webje nawigěrowaś. Móžośo prědne tśi nejwěcej relewantne naraźenja z historije pśidatnje k naraźenjam wiźeś, kótarež na wócynjonych rejtarikach a cytańskich znamjenjach bazěruju. Pótusniśo naraźenje, aby pytanje aktiwěrował