Firefox na Windows ześěgnuś a instalěrowaś

Wersijowe informacije
  • Wersijowy ID: 242875
  • Napórany:
  • Awtor: milupo
  • Komentar: update
  • Pśeglědany: Jo
  • Pśeglědany:
  • Pśeglědany wót: milupo
  • Jo pśizwólony? Jo
  • Jo to aktualna wersija? Ně
  • Gótowy za pśełožowanje: Ně
Žrědłowy kod wersije
Wopśimjeśe wersije

Toś ten nastawk wujasnja, kak móžośo Firefox pak z jadnorym instalěrowańskim programom online wót Mozilla pak z Microsoft Store online na Windows instalěrowaś.

Toś ten nastawk nastupa jano Windows. Za instrukcije, kak móžośo Firefox na Mac instalěrowaś, glejśo Kak Firefox na Mac ześěgnuś a instalěrowaś.Za instrukcije kak móžośo instrukcije na Linux instalěrowaś, glejśo Firefox na Linux instalěrowaś.

Wót ześěgnjeńskego serwera Mozilla instalěrowaś

Nježli až Firefox instalěrujośo, glejśo systemowe pominanja Firefox, aby zawěsćił, až wašo licadło ma trjebny źěłowy system a dopóruconu hardwaru.

Aby Firefox na wašom licadle instalěrował:

  1. Woglědajśo se k toś tomu ześěgnjeńskemu bokoju Firefox w někakem wobglědowaku, na pśikład Microsoft Edge.
  2. Klikniśo na tłocašk Něnto ześěgnuś. Instalěrowański program Firefox, kótaryž ześěgujo, wam awtomatiski nejlěpšu k dispoziciji stojecu wersiju Firefox za wašo licadło póbitujo.
fx91DownloadButtonWin10
Windows 10 snaź warnowanje pokazujo, gaž nałoženja instalěrujośo, kótarež z Microsoft store njejsu. Glejśo Windows 10 warns me to use a "Microsoft-verified" app za dalšne informacije.
    • Klikniśo na Datei öffnen w ześěgnjeńskej powěźeńce w Microsoft Edge, aby proces startował.
    • W drugich wobglědowakach musyśo nejpjerwjej instalěrowański program Firefox na swójom licadle składowaś a pón ześěgnjonu dataju wócyniś.
      Glědajśo: Jolic dialog „Dataju wócyniś - wěstotne warnowanje“ wiźiśo, klikniśo na Öffnen abo Ausführen.
    Firefox-60-open-file-warning-win10
  2. Dialog Benutzerkontensteuerung móžo se wócyniś, aby was se pšašał, lěc instalěrowański program Firefox smějo změny na wašom licadle pśewjasć. Jolic se toś ten dialog zjewijo, klikniśo na tłocašk Ja, aby instalaciju startował.
    Firefox-Installer-win10-UAC
  3. Cakajśo, daniž Firefox instalaciju njedokóńcyjo.
    FirefoxInstaller-Aug2020
  4. Gaž instalacija jo dokóńcona, se Firefox wócynijo.
    fx91InstallDoneWin10
Glědajśo: Zdźěleńska rědka z tłocaškom Firefox aktualizěrowaś… dajo se górjejce na boku pokazaś, jolic jo se Firefox do togo instalěrował. Glejśo Firefox wótnowiś - dodanki a nastajenja slědk stajiś, aby wěcej zgónił.

Wutšobne glukužycenje, sćo Firefox zainstalěrował!

Klikniśo dwójcy na symbol Firefox, kótaryž jo na desktopje, gažkuli cośo Firefox startowaś.

FirefoxShortcut

Za póstupjone wužywarje

Moderny instalěrowański program Firefox instalěrujo wersiju Firefox, kótaraž je pśigódna za wašu rěc a źěłowy system. Na pśikład instalěrujo 64-bitowu wersiju Firefox (drobnostki how). Aby Firefox za drugu rěc abo za drugi źěłowy system instalěrował, abo jolic dopołny instalěrowański program za instalěrowanje offline ze swójskimi opcijami trjebaśo, ześěgniśo dataju Firefox Setup wót toś togo ześěgnjeńskego boka. Za dalšne informacije glejśo Custom installation of Firefox on Windows.

Z Microsoft Store instalěrowaś

Instalěrowanje Firefox z Microsoft store se Windows 10 abo Windows 11 pomina.
  1. Klikniśo na symbol Windows w nadawkowej rědce.
  2. Zapódajśo Microsoft Store.
  3. Wubjeŕśo Microsoft Store z wuslědkow. To was k Microsoft app store wjeźo.
  4. Zapódajśo Firefox do pytańskego póla a tłocćo Enter.
  5. Wubjeŕśo „Mozilla Firefox“ z nałoženjow, kótarež su k dispoziciji.
  6. Klikniśo na Herunterladen, aby instalaciski proces startował.

Za dalšne informacije glejśo Download Firefox on Windows from the Microsoft Store.

Maśo problemy?

How su někotare nastawki, kótarež mógu wam pomagaś:

Jolic wěcej pomocy trjebaśo, móžośo pśecej se pomoc zgromaźeństwa wobstaraś.