Witajśo slědk k dalšnej na akcije bogatej wersiji Firefox! Toś ta aktualizacija wam zmóžnja pśez rejtarkowu historiju skókaś, swójske pytnice pśidaś a startowy bok póstajiś. Wšykno to wólažcyjo se samo pśez nowy meni.

Sćo gótowy? To how stajijo se wam k dispoziciji:

Pynice z websedłow pśidaś, ku kótarymž se woglědujośo

Mjaztym až woblubowane pytnice su južo w Firefox zatwarjone, toś ta aktualizacija wam póbitujo dalšne wuběrki. Móžośo pytnice ze swójich nejlubšych websedłow pśidaś (na pśikład nakupowańske, wideowe abo powěsćowe websedła). Pótusniśo jadnorje pytańske pólo togo sedła a pótom symbol lupy Wobraz "lupa fxios 5.0" njeeksistěrujo., aby tu pytnicu pśidał.

Pśiducy raz, gaž zapódawaśo pytański wuraz, se waša nowa pytnica mjazy wašymi pytnicami za spěšne pytanje zjawijo. Móžośo ju samo k swójej standardnej pytnicy cyniś.

Pólěpšona nawigacija

Smy wužytne rědy do lažko pśistupnego menija spakowali, aby wy mógał malsnjej pśeglědowaś. Pótusniśo menijowy symbol dołojce na wobrazowce za lažku skrotconku za ceste akcije ako pśidawanje cytańskich znamjenjow abo woglědowanje historije (Pokaz: Trějśo dolěwa abo dopšawa, aby dalšne akcije namakał.)

Z tłocaškom Slědk/Doprědka k bokoju we wašej rejtarkowej historiji skócyś

Pst, cośo trik zgóniś? Smy skrotconku pśidali, kótaryž wam zmóžnja, dwa boka abo samo źaseś bokow do wašeje rejtarkowej historije skócyś, jadnorje z tym, až pótuskujośo a źaržaśo tłocašk Slědk/Doprědka. Wěcej žedno wóspjetowane tłocenje tłocaška Slědk/Doprědka (waše palce budu se wam źěkowaś). Něnto móžośo do syteje wóle pśeglědowaś.

Zacyjone rejtarki zasej wócyniś

Jolic sćo Wšykne rejtarki zacyniś pótusnił, aby wšykne waše rejtarki zacynił, pótom pak sćo swóje měnjenje změnił, njegóŕśo se. Firefox wam zmóžnja, toś te rejtarki z pomocu tłocaška Anulěrowaś zasej wócyniś. Kuždy by dejał drugu šansu dostaś.

Waša historija a synchronizěrowane boki na jadnom městnje

Skóńcnje gromaźe! Njejtrebaśo wěcej mjazy wašeju historiju a synchronizěrowanymi bokami pśešaltowaś. Boki, ku kótarymž sćo na swójom iOS-rěźe a na drugich synchronizěrowanych rědach woglědał su něnto na jadnom městnje. Pótusniśo jadnorje symbol historije, aby wšykne swóje woglědane boki wiźeł.

Startowy bok póstajiś

Dostańśo se malsnje k swójomu nejlubšemu webbokoju! Póstajśo ju ako swój startowy bok a buźo se wócynjaś, gaž pótuskujośo tłocašk startowego boka.