Firefox Klar wam na priwatnosć wusměrjony wobglědowak ze slědowańskim šćitom a z blokěrowanim wopśimjeśa na wašom telefonje abo tableśe Android bitujo.

Firefox Klar instalěrowaś

Firefox Klar jo w Google Play store dermo k dostaśeju. Gaž jogo ześěgnjenje jo dokóńcone, namakajośo jogo symbol na startowej wobrazowce abo w lisćinje wšych nałoženjow.

Firefox Klar ako wobglědowak wužywaś

Wužywajśo Firefox Klar, kótaryž jo na wašu priwatnosć a wěstotu wusměrjony. Wulašujso lažko swóju pśeglědowańsku historiju, gronidła, cytańske znamjenja a cookieje a zawoborajśo njewitanemu wabjenjeju wam slědowaś.

1. Gažkuli dožywjenje wobglědowaka bźez pśeslědowakow cośo, startujśo Firefox Klar. Firefox Klar dajo se lažko pósłužowaś. Zapódajśo jadnorje swój pytański wuraz abo adresu websedła do póla:

   

2. Aby bok źělił abo jen w Firefox za Android abo w drugem wobglědowaku wócynił, pótusniśo menijowy tłocašk górjejce napšawo a wubjeŕśo pak symbol Źěliś pak Wócyniś w…, aby bok w drugem wobglědowaku wócynił.
3. Pótusniśo tłocašk Wulašowaś , aby kuždy cas wšykne informacije wó swójom pósejźenju wulašował.

Šćitne nastajenja wašogo Firefox Klar pśiměriś

Pśiměŕśo stopjeń blokěrowanja wopśimjeśa a slědowańskego šćita, kótaryž trjebaśo. Standardna pytnica: Aby swóju standardnu pytnicu změnił, glejśo Change your default search on Firefox Focus for Android.

1. Wócyńśo Firefox Klar.
2. Pótusniśo menijowy tłocašk górjejce napšawo.
3. Pótusniśo Nastajenja.
4. Pótusniśo Priwatnosć a wěstota.
5. Pótusniśo reglowac pódla kuždeje funkcije, aby ju zmóžnił abo znjemóžnił.
6. Pótusniśo tłocašk Slědk abo zacyńśo Firefox Klar. Firefox Klar buźo waše změny awtomatiski składowaś.