Wokno Pytaś w nastajenjach Firefox wam zmóžnja, waše pytańske nastajenja pśiměriś. Móžośo pytnice pśidaś abo wótwónoźeś, swóju standardnu pytnicu změniś, skrotconki klucowych słowow pśipokazaś abo změniś, pytańske pólo pokazaś abo schowaś a wubraś, lěc se maju pytańske naraźenja pokazaś abo nic.
Zapis wopśimjeśa
Wokno „Pytać“ wócyniś
Klikniśo w menijowej rědce górjejce na wobrazowce na a wubjeŕśo . Klikniśo na menijowy tłocašk
a wubjeŕśo .Klikniśo na menijowy tłocašk a wubjeŕśo .
- Wubjeŕśo w lěwem wobceŕku.
Pytańske pólo
- Adresowe pólo za pytanje a nawigaciju wužywaś: To jo standardne nastajenje. Bitujo zjadnośone pytańske a adresowe pólo.
- Symbolowej rědce pytańske pólo pśidaś: Wubjeŕśo toś to nastajenje, jolic separatne pytańske pólo preferěrujośo.
Standardna pytnica
Wužywajśo wuběrański meni pód Standardna pytawa, aby pytnicu wubrał, kótaruž cośo pó standarźe wužywaś.
Glědajśo: Někotare rozšyrjenja, kótarež su se pśidali Firefox, mógu nowu standardnu pytnicu nastajiś.
Móžośo rozšyrjenje znjemóžniś abo wótwónoźeś, kótarež jo pśewjadło změnu abo móžośo drugu pytnicu z wuběrańskego menija wubraś, jolic cośo lubjej drugu ako standardnu měś.
Pytańske naraźenja
Gaž do pytańskego póla abo adresowego póla zapisujośo, waša standardna pytnica na zakłaźe woblubowanych abo pjerwjejšnych pytanjow naraźenja pokazujo. Glejśo Pytańske naraźenja w Firefox za dalšne informacije.
- Pytańske naraźenja pódaś: Wubjeŕśo toś to nastajenje, aby pytańske naraźenja pokazał abo nic.
- Pytańske naraźenja we wuslědkach adresowego póla pokazaś: Jolic pytańske naraźenja su zmóžnjone, wubjeŕśo toś to nastajenje, aby pytańske nataźenja teke we wuslědkach pokazował, kótarež se nalicyju, gaž z adresowego póla Firefox pytaśo. Do dweju naraźenjowu z wašeje pytańskeje historije móžotej se teke pokazaś. Tej se ze symbolom zegera město symbola lupy wóznamjenijotej.
- Pytańske naraźenja pśed pśeglědowańskeju historiju we wuslědkach adresowego póla pokazaś: Wubjeŕśo toś to nastajenje, aby pytańske naraźenja pśed swójeju pśeglědowańskeju historiju pokazał.
- Pytańske naraźenja w priwatnych woknach pokazaś: Wubjeŕśo toś to nastajenje, aby pytańske naraźenja w priwatnych woknach pokazał.
Pytnice z jadnym kliknjenim
Gaž zachopijośo do adresowego abo pytańskego póla pisaś, buźośo symbole za druge pytnice wiźeś, z kótarymiž móžośo pytaś:
Móžośo alternatiwnu pytnicu wubraś a ju za swóje pytanje z jadnym kliknjenim wužywaś, jolic njocośo aktualnu standardnu pytnicu wužywaś.
Aby alternatiwne pytnice wótwónoźeł, kótarež njamaju se w pytańskem pólu abo adresowem pólu pokazowaś, wótwónoźćo kokulku pódla pytnice, kótaraž jo we woknje Pytaś pód Pytnice z jadnym kliknjenim nalicona. To pytnice same njewótwónoźijo.
Alternatiwy za pytanje z jadnym kliknjenim
Gaž wopytujośo, do adresowego abo pytańskego póla pisaś, buźośo symbole pód pytańskimi naraźenjami wiźeś, z kótarymiž móžośo město togo pytaś: druge pytnice, dodanki Firefox, cytańske znamjenja, rejtariki abo historija.
Móžośo alternatiwny pytański typ wubraś a jen za swójo pytanje z jadnym kliknjenim wužywaś, jolic njocośo aktualnu standardnu pytnicu wužywaś.
Aby alternatiwne pytnice wótwónoźeł, kótarež se njamaju w pytańskem pólu abo adresowem pólu pokazaś, wótwónoźćo kokulku pódla pytnice, kótaraž jo w pytańskem woknom pód Pytańske skrotconki pódana. To pytnice same njewótwónoźijo.
Pytnice wótwónoźeś abo pśidaś
Aby pytnicu z Firefox wótwónoźeł, wótnowśo standardne pytnice, kótarež sobu pśinjaso abo pśidajśo nowu pytnicu, źiśo k wótrězkoju Pytańske skrotconkiJadnokliknjeńske pytnice pytańskego wokna.
Pytnicu wótwónoźeś
- Klikniśo na pytnicu, kótaruž cośo wótwónoźeś, aby ju wuzwignuł.
- Klikniśo dołojce na tłocašk , aby ju ze swójeje lisćiny wótwónoźeł.
Standardne pytnice wótnowiś
Jolic pytnice wótwónoźujośo, kótarež Firefox pó standarźe sobu pśinjaso, klikniśo na dołojce w pytańskem woknje, aby je slědk pśinjasł.
Nowu pytnicu pśidaś
- Klikniśo na wótkaz Dalšne pytnice pytaś dołojce w pytańskem woknje.
- Bok dodankow Firefox se wócynijo, kótaraž wšykne pytnice nalicyju, kótarež su k dispoziciji.
- Klikniśo na pytnicu, kótaruž cośo pśidaś a pótom na .
Za dalšne informacije wó pśidawanju abo wótwónoźowanju pytnicow glejśo Pytnicu w Firefox pśidaś abo wótwónoźeś.
Klucowe słowa pytnicow
Móžośo swójim nejlubšym pytnicam skrotconki klucowych słowow pśipokazaś abo je změniś, aby wuwjedowanje pytanja wólažcył. Za dalšne informacije glejśo Assign shortcuts to search engines.
