Awtomatiske konwertěrowanje kontow Google mail do awtentifikacije OAuth 2.0

Wersijowe informacije
  • Wersijowy ID: 245270
  • Napórany:
  • Awtor: milupo
  • Komentar: update
  • Pśeglědany: Jo
  • Pśeglědany:
  • Pśeglědany wót: milupo
  • Jo pśizwólony? Jo
  • Jo to aktualna wersija? Ně
  • Gótowy za pśełožowanje: Ně
Žrědłowy kod wersije
Wopśimjeśe wersije

Thunderbird 91.8.0, wózjawjony 5. apryla 2022, awtentifikacisku metodu Gmail-kontow do OAuth 2.0 konwertěrujo, aby wužywarjam pomagał, aby pominanjeju Google za OAuth 2.0 za pśizjawjenja Gmail wótpowědowali. Toś te změny Google pomina.

Pśiraźujomy, až na nejnowšu wersiju Thunderbird aktualizěrujośo, aby nejnowše wěstotne pórěźenja a wjele drugich pórěźenjow zmólkow a pólěpšenjow dostał. Jolic pak staršu wersiju Thunderbird, kótaraž jo starša ako 91.8.0, na swójo riziko dalej wužywaśo, musyśo awtentifikacisku metodu sam do OAuth2 změniś. Móžośo teke slědujuce kšace pśewjasć, aby dwójcy pśeglědował, až waša awtentifikaciska metoda jo napšawdu na OAuth2 stajona:


Źiśo k ≡ > Kontowe nastajenja > WašoKonto > Serwerowe nastajenja > Awtentifikaciska metoda a zawěsććo, až jo na OAuth2 nastajona.

Cookieje a JavaScript muse zmóžnjone byś, aby OAuth 2.0 funkcioněrował. Jolic sćo wótpokazał cookieje w Thunderbird, se OAuth-proces njeraźijo, dokulaž někotare cookieje muse se akceptěrowaś, aby se daty mjazy aktualizacijami boka składowali. Musyśo cookieje nanejmjenjej nachylu akceptěrowaś, aby jadnu ze slědujucych wopisanych metodow wužywał.

Kak dajo se OAuth-njeraźenje wobinuś abo pórěźiś, kótarež jo se zawinowało pśez wótpokazane cookieje

Pśeglědajśo nejpjerwjej swóje powšykne nastajenje za cookieje w Thunderbird:

  • Źiśo do ≡ > Nastajenja > Priwatnosć a wěstota > Webwopśimjeśe.
  • Pytajśo za kontrolnym kašćikom Cookieje ze sedłow akceptěrowaś.

Jolic nastajenje Cookieje ze sedłow akceptěrowaś njejo zmóžnjone, pśewjeźćo jaden ze slědujucych kšacow a pśejźćo pśizjawjeński proces OAuth znowego:

  • Napórajśo wuwześe, aby cookieje wót Google akceptěrował:
    • Klikniśo pódla tłocaška Wuwześa…, aby dialog Wuwześa - Cookieje wócynił.
    • Zapódajśo https://accounts.google.com do zapódawańskego póla Adresa websedła.
    • Wubjeŕśo Dowóliś a pón Změny składowaś.
  • Abo akceptěrujśo wšykne cookieje:
    • Stajśo kokulku pśed Cookieje ze sedłow akceptěrowaś.

Za tym až sćo pśejšeł OAuth-proces, móžośo, jolic cośo, cookieje zasej wótpokazaś, dokulaž dostawanje a słanje mejlkow z wótpokazanymi cookiejami funkcioněrujotej. Ale, gaž wšykne cookieje wótpokazujośo a wuwześe wótwónoźujośo, ma to njelěpšynu, až, gaž OAuth-token za Gmail-proces spadnjo, se OAuth-dialog pokažo a se zasej njeraźijo, daniž trěbne cookieje njeakceptěrujośo.

Za wěcej drobnostkow wó cookiejach, glejśo nastawk Privacy panel - Remote content and cookie settings in Thunderbird.

Kak móžośo se njeraźenja OAuth wobinuś abo jo pórěźiś, kótarež se pśez znjemóžnjony JavaScript zawinujo

  • Źiśo k ≡ > Nastajenja > Powšykne > Konfiguraciski editor….
  • Zapódajśo javascript.allow.mailnews.
  • Jolic smužku wiźeś, kótaraž false wopśimujo, klikniśo dwójcy na šypku z dwójnym špicom napšawo, aby ju na true stajił.

Pśeglědowaś, lěc pšawe awtentifikaciske tokeny se składuju

  • Źiśo k ≡ > Nastajenja > Priwatnosć a wěstota > Gronidła > Skłaźone gronidła.
    • Jolic kontowa awtentifikacija jo se stajiła na OAuth2 a OAuth-pśizjawjenje jo było wuspěšne, měł wy zapiski za kužde wužywaŕske mě (Gmail-konto) w slědujucej formje wiźeś
oauth://accounts.googlecom (https://mail.googlecom/)
Glědajśo: Oauth-zapisk jo awtentifikaciski token OAuth2, a nic gronidło.
  • Jolic kontowa awtentifikacija jo se stajiła na OAuth2 a OAuth-pśizjawjenje njejo było wuspěšne, pśeglědujśo gronidłowe zapiski za wužywaŕske mě ze slědujuceju formu a lašujśo je
imap://imap.gmailcom (imap://imap.gmailcom)
smtp://smtp.gmailcom (smtp://smtp.gmailcom)

Jolic hyšći problemy maśo, móžośo w pomocy Thunderbird pšašanje stajiś.