Awtomatiske konwertěrowanje kontow Google mail do awtentifikacije OAuth 2.0

Wersijowe informacije
  • Wersijowy ID: 243624
  • Napórany:
  • Awtor: milupo
  • Komentar: translation
  • Pśeglědany: Jo
  • Pśeglědany:
  • Pśeglědany wót: milupo
  • Jo pśizwólony? Jo
  • Jo to aktualna wersija? Ně
  • Gótowy za pśełožowanje: Ně
Žrědłowy kod wersije
Wopśimjeśe wersije

Thunderbird 91.8.0, wózjawjony 5. apryla 2022, konta Gmail do OAuth 2.0 konwertěrujo, aby wužywarjam pomagał, aby pominanjeju Google za OAuth 2.0 za pśizjawjenja Gmail wótpowědowali. Toś te změny Google pomina.

Jolic sćo wótpokazał cookieje w Thunderbird, se OAuth-proces njeraźijo, dokulaž někotare cookieje muse se za awtententifikaciju OAuth 2.0 akceptěrowaś, aby korektnje funkcioněrowała. Bźez togo, by cookieje daty mjazy aktualizacijami boka składowali, awtentifikacija njamóžo webboka wuspěšnje dokóńcyś, kótarež Google k dispoziciji staja. Musyśo cookieje nanejmjenjej nachylu akceptěrowaś, aby jadnu ze slědujucych wopisanych metodow wužywał.

Kak dajo se OAuth-njeraźenje wobinuś abo pórěźiś, kótarež jo se zawinowało pśez wótpokazane cookieje

Pśeglědajśo nejpjerwjej swóje powšykne nastajenje za cookieje w Thunderbird:

  • Źiśo do ≡ > Nastajenja > Priwatnosć a wěstota > Webwopśimjeśe.
  • Pytajśo za kontrolnym kašćikom Cookieje ze sedłow akceptěrowaś.

Jolic nastajenje Cookieje ze sedłow akceptěrowaś njejo zmóžnjone, pśewjeźćo jaden ze slědujucych kšacow a pśejźćo pśizjawjeński proces OAuth znowego:

  • Napórajśo wuwześe, aby cookieje wót Google akceptěrował:
    • Klikniśo pódla tłocaška Wuwześa…, aby dialog Wuwześa - Cookieje wócynił.
    • Zapódajśo https://accounts.google.com do zapódawańskego póla Adresa websedła.
    • Wubjeŕśo Dowóliś a pón Změny składowaś.
  • Abo akceptěrujśo wšykne cookieje:
    • Stajśo kokulku pśed Cookieje ze sedłow akceptěrowaś.

Za tym až sćo pśejšeł OAuth-proces, móžośo, jolic cośo, cookieje zasej wótpokazaś, dokulaž dostawanje a słanje mejlkow z wótpokazanymi cookiejami funkcioněrujotej. Ale, gaž wšykne cookieje wótpokazujośo a wuwześe wótwónoźujośo, ma to njelěpšynu, až, gaž OAuth-token za Gmail-proces spadnjo, se OAuth-dialog pokažo a se zasej njeraźijo, daniž trěbne cookieje njeakceptěrujośo.

Za wěcej drobnostkow wó cookiejach, glejśo nastawk Privacy panel - Remote content and cookie settings in Thunderbird.

Jolic hyšći problemy maśo, móžośo w pomocy Thunderbird pšašanje stajiś.